تجمع الحوامل اللي ولادتهم في صفر 1434هِ

مهرة · 12-28-2012, 02:16 PM

كروشات مافيه طريقه اعرف فيها ان الرحم مفتوح غير الكشف الخاص
لان اسمع ان الكشف هو يفتح الرحم حتي لو. ماكان مافتوح من قبل؟؟

.شوش. · 12-28-2012, 02:18 PM

مرحبا بناتيت
كيفكوووووم؟
بعطيكم الملخص اليومي حقي بعدين اروح اشوف سوالفكم وارجع اعلق

امس رحت موعدي مع الصباح المشرقي
وطلعت الطبيبه عندها عمليه، رحنا وودن بيكري نفطر ورجعنا لقيت الطبيبه موجوده الحمدلله
ضغطي كان نازل بس ماحسيت باعراض
وزني زايد كيلو ونص 😳مع اني ما احس اني سمنت او بطني كبر
فغصت بطني وقالت لي البيبي نازل في الحوض الحمد لله والنبض كويس
ورفضت رفض قاطع انها تكشف علي من تحت

قلت لها اكتبي لي طلق صناعي بعد موعد ولادتي ب3 ايام
قالت لي احس انك بتولدين قبل، وبعدين الطلق الصناعي مو كذا يتقرر
اذا جا يوم 10 ميلادي تعالي اسوي لك تخطيط طلق واكشف على عنق الرحم واقرر وقتها اذا تاخذين طلق صناعي او لاء
واصلا ماله داعي تستعجلين لان مدة الحمل الطبيعيه هي 37 الى 42 اسبوع
واللي صبرك التسع شهور بيصبرك هالكم يوم
واتركي عنك التشاؤم والتفكير السلبي لانه يأثر عليك ويمكن يعسر ولادتك ويبرد الطلق اذا جا

احس كلامها ريحني وعطتني دفعه معنويه

واخيرا وليس اخرا
يارب تسهل وتهون على رتوله و مهره والبنات اللي خلصوا العاشر
يارب تكون ولادتكم سهله اسهل مما تتخيلون وتجيبون كتاكيتكم بصحه وسلامه وجميع البنات❤

رتوله · 12-28-2012, 02:40 PM

الحمد لله حمدا طيبا كثيرا مباركا
ولدت يوم الخميس الساعه 5 العصر

ρυяỉтч • · 12-28-2012, 03:07 PM

مبرووووك رتوله ، الحمدلله على سلامتك وسلامه البيبي
الفال للبقيه

.شوش. · 12-28-2012, 03:12 PM

ماما هتووون الحمدلله ع سلامتك
مره ولادتك حلوه ، مع انو البيبي متبرز وتاخرتي وانتي تطلقين
بس نفسيتك ما شاء الله وايمانك شي جميل ويريح

شذا مره حبيت جرئتك ولبسك للبجامه
ملابسي حقت النفاس كلها واسعه ههههههههههه
احس الكرش بيكون شكله مخزي لو البس شي ع مقاسي قبل الحمل
يلا عقبال ما تبشرينا انتي و زوز بان الكرش راح تماما واللون توحد 😉

سارونه صديييييييييقتي
موعد ولادتك معاي
اوعدك ما اخونك ❤
اذا جيت اولد باخذك معاي اولدك ههههه
لن ادعك وحيده ابدا❤❤

مرررره حبيت حملة المشي
اصلا المشي يوسع الصدر خصوصا اذا كان برا البيت
بس.الله يعين ع البرد، بحاول امشي النهار

بنات ماما حطمتني تقول لي انها من ال ماتدخل التاسع ورحمها يفتح والبيبي ينزل الحوض وعمرها ماولدت قبل موعد ولادتها
واسرع ولاده لها كانت فيني وكان راسي فوق لحد وقت الولاده انقلبت ونزلت الحوض وانولدت خلال 3ساعات 😁
التسهيل من ربي الله يسهل علينا يارب

.شوش. · 12-28-2012, 03:14 PM

رتووووله الف الحمدلله ع سلامتك
مولود السعاده يارب

مهره تعالي اضمك❤
اقتربت لحضة الصفر خلاص بتولدين
ممكن بكره يولدونك
استعدي ضبطي شعرك و حواجبك وادهري علشان اذا زاروك بعد الولاده يلاقونك محلوه

مهرة · 12-28-2012, 03:17 PM

الف مبروووك رتوله عاد انا انتظر اخبارك سبقتني الحمدلله ع سلامتك يتربي بعزك

لا تنسي تقولي قصتك

شوش امين يارب الله يسمع منك
وطمنتي الله يطمنك يعني عادي وضعي مو مخيف زي ما انا اتوقع

من كثر ما افكر جبت لنفسي الهم. بترك كل شي ع ربي

مهرة · 12-28-2012, 03:25 PM

شوش وربي ضحكتني اخاف اضبط نفسي وازينها اطوف اسبوع زياده هههه
من قرب موعد ولادتتي اللي انا كل يوم لي شكل اضبط في نفسي وحالي ومستعده هههه مره الموعد وو مافيه شي اجلس ع طبيعتي احس لين مايفرجها الله
مشكوره ع الدعوه الحلوه

جنه · 12-28-2012, 04:19 PM

الحمدلله والشكر لك يارب
كروووووشااااات حبيبااااااتي
بتيسير من الله ولدت يوم الجمعه
الحمدلله رب العالمين
والفال للبقيه

ρυяỉтч • · 12-28-2012, 04:27 PM

الف مبرووك جنه ، ماشاءالله حلوه اخبار الولادات
عقبال للبقيه الصامدات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
.·¤ تجمع الحوامل اللي ولادتهم في محرم¤·.	ام اسكندر	إستفسارات مرحلة الولادة	23225	12-20-2012 07:27 PM
[ تجمع الحوامل اللي موعد ولادتهم في ذي الحجة 1433 ه ]	دلوعة وطيوبة	إستفسارات مرحلة الولادة	2858	11-18-2012 11:34 AM
● [ تجمع الحوامل اللي موعد ولادتهم في ذي القعدة 1433 ه ] ●	~ L o l a	إستفسارات مرحلة الولادة	2656	10-16-2012 02:07 PM
تجمع الحوامل اللي ولادتهم بشهر ذو الحجة 1432.. الله يتمم علينا	ماما زوزو	إستفسارات مرحلة الولادة	10	02-03-2011 05:38 PM