تجمع الجزائريات الغاليات المتأخرات في الحمل ‏

[basouma26]

المشاركة الأصلية كتبت بواسطة احلى شيء الاموموة

السلام عليكم ...واش احوالكم لبنات اليوم ..ان شااء الله صبحتوا بخير وصحتكم مليحة ومورالكم طالع....ربي يفرح كل واحدة هنا ويفرج ضيقتها ويرزقها الحمل القريب يااا رب...
بسومة 26 كلامك جواهر ربي يجازيك وربي يفك ضيقة كل مهموم يااا رب
نقولكم كل عام وانتم بخير وكل سيدات هذا المنتدى...
لامية انا تاني راجلي ما يستعرف بوالو غير بعيد زواجنا وعيد ميلادي...والباقي يقوللي تمسخير....نهار اليوم يهبل الحال مليح نتاع تحواس.....راجلي كان جايني والا قاللي غدوا ان شااء الله ...معليش كي اليوو كي غدوا ربي يهنينا كااامل ويدوم العشرة الطيبة ياااا رب....
امة حنونتي طمنينا عليك ان شااء الله ما عليك باس.....

واش راكي امومة و كيفاش راكي تحسي مع الرقية عندكي تعجزي و لا تتهاوني ما تخليش الرقية قاع تخطاك و ربي يثبت حملك و نفرحو بيك يا رب

[lamia zina]

بسومة26 كيفاه راكي ديري في رقية صبورة يعني تحفطيهم و لا تكتبيهم في ورقة و ل يوم تقرايهم و لا كاين طريقة اخرى

[basouma26]

المشاركة الأصلية كتبت بواسطة lamia zina

بسومة26 كيفاه راكي ديري في رقية صبورة يعني تحفطيهم و لا تكتبيهم في ورقة و ل يوم تقرايهم و لا كاين طريقة اخرى

نقراها عادي من البيسي و ندير يدي اليمنى فوق بطني و ندير قرعة ماء حداي تكون محلولة و كي نكمل نمسح بيدي قاع على الجسم انتاعي و نشرب من هداك الماء و نمسح بيه على بطني هدا ما كان

[basouma26]

لبنات اتترككم في رعاية الله و حفظه كي نقدر ان شاء الله راني نعاود ندخل

[صبورة]

امومة و بسومة26
و الله كلامكم دوا الله يبارك فيكم..و راني عارفة راكم حاسين بنا..و شكرا على الادعية الطيبة و ربي يتقبلها منكم باذن الله..انا الحمد لله عمري ما نقطكع الامل في اجابة الدعاء و الفرج القريب..و لكن الاحساس صعب و مرييير..نحاول نضحك و ننسى ساعة ساعتين كل حاجة تفكرني بحالتي و بالامومة..يا رب رحمتك بنا نحن ضعفاء لا حول لنا و لا قوة الا بك انت مولانا و من يتولانا غيرك يا رب انت الرحمان الرحيم الرزاق الوهاب...
بسومة26
اسمحيلنا حبيبتي بكيناك و انت مع الوحم..و الله انا بالنسبة لي ماكانش مكان نفرغ فيه قلبي كيما التجمع هذا..
نور اليقين
اختي الله ينصرك و الله يبين الحق و يفك عليك ضيقتك..طمنينا عليك

[نور اليقين]

المشاركة الأصلية كتبت بواسطة امال3

سلام عليكم نور اليقين انشاء الله ربي ايبينلك واش ركي حبا وافرج اعليك انقولك اصبري حنونا

امال والبنات ربي يرزقكم الذرية الصالحة ويعطيكم ماتتمناوه يارب ويفرحكم ويهنيكم والله المربح الحمد لله تحطت فيه رحمة ربي وهو اللي راه يصبر فيا وراح مسكين دار محضر فورا وزاد راح للكوميسار ويقولي كتبها ربي هو صح كتبها ربي مي اللي داها راه سارقها لخاطر فيها كل الدلائل باه يرجعها وماهوش مرجعهاالحرايمي وربي يبين الحق يارب مي والله ماقدرت يارب وحط رحمتك وصبرني يارب وبين الحق يارب والله كنتفكر الجيني وحد الخلعة قلبي نتحس فيه ساح والماكلة حبستها مانقدر ناكل والو ونحس في روحي شبعانة غير ندعي برك يارب والله غير الابتلاء هدا نساني في الابتلاء انتاع تاخر الانجاب يارب وفرج يارب ونحيلي هاد الغمى والغبينة اللي في قلبي

[نور اليقين]

المشاركة الأصلية كتبت بواسطة صبورة

امومة و بسومة26
و الله كلامكم دوا الله يبارك فيكم..و راني عارفة راكم حاسين بنا..و شكرا على الادعية الطيبة و ربي يتقبلها منكم باذن الله..انا الحمد لله عمري ما نقطكع الامل في اجابة الدعاء و الفرج القريب..و لكن الاحساس صعب و مرييير..نحاول نضحك و ننسى ساعة ساعتين كل حاجة تفكرني بحالتي و بالامومة..يا رب رحمتك بنا نحن ضعفاء لا حول لنا و لا قوة الا بك انت مولانا و من يتولانا غيرك يا رب انت الرحمان الرحيم الرزاق الوهاب...
بسومة26
اسمحيلنا حبيبتي بكيناك و انت مع الوحم..و الله انا بالنسبة لي ماكانش مكان نفرغ فيه قلبي كيما التجمع هذا..
نور اليقين
اختي الله ينصرك و الله يبين الحق و يفك عليك ضيقتك..طمنينا عليك

آميييييييييييييييين صبورة والله غير راني فيديقة وكيروح لمربح ونبقى وحدي نبدا نبني ونريب

[bassouma]

سلام عليكم لبنات نقولكم كل عام و نتوما بخير
نور اليقين ربي يفرج عليكم هذه محنا حنونة
صبورة ربي يفرحك و يعطيك توأم و يعوض صبرك خير و الله العظيم بكيتيني كي نشوفك تقولي هكا ننسى روحي و نقول يجعل ربي يرزقكم في قريب العاجل إنتي و عامل لبنات
أمة لباس عليك حنونة ريحتي

[نور اليقين]

المشاركة الأصلية كتبت بواسطة bassouma

سلام عليكم لبنات نقولكم كل عام و نتوما بخير
نور اليقين ربي يفرج عليكم هذه محنا حنونة
صبورة ربي يفرحك و يعطيك توأم و يعوض صبرك خير و الله العظيم بكيتيني كي نشوفك تقولي هكا ننسى روحي و نقول يجعل ربي يرزقكم في قريب العاجل إنتي و عامل لبنات
أمة لباس عليك حنونة ريحتي

بسومة ربي يحفظك
الله يعيشك ويرزقك بالذرية الصالحة في القريب العاجل
وبسومة 26 واش راكي امة ربي يشفيك ويرزقك يارب صبورة ربي يفتحلك بيبان الخير يارب ويكملك بالذرية الصالحة

[الشاكرة -لله]

السلام و عليكم البنات نحبكم كاااااامل كاااامل و معزتكم في قلبي
بسومة26 الله يجازيك كل الخير حنونة و يثبت حملك و يخليلك القمرة العميرة موااح عليها ربي يحميها ,,, شحال عندك دوك فالحمل ؟
امومة اختي و نعم بالله ,,, الحمد لله هكذا و لا اكثر ,,,, ربي يتمم حملك و يفرحك بشوفة ضناك ,,, اما اسبوع انت فيه ؟
صبورة اختي لاباس ؟ طلع المورال شويا ؟؟
بارا حنونة وشراكي ؟
لمياء اختي عندو الحق راجلك ما نتابعش النصارى احسن ,,,, ربي يهينكم ,,و ماشي المهم الاحتفال الصح انكم هانيين و تحبو بعض ,,, ربي يدوم العشرة الطيبة
امة لاباس ؟؟؟ لاطونسيون ياك هبطت ؟ ربي يشافيك
نور اليقين ربي يفرج عليكم حنونة ما تنسايش تطمنينا عليكم تعيشي
مريم و يانيسو ويراكم توحشناكم لاباس ؟
ريحانة و مهدي طليتو و زدتو رحتو بلا ما نشبعو منكم ارواحو ....
عبير و ليلك خليتو الفراااغ الكبير هنا ,,, توحشت ليلوكتي دايما نشوف في تصويرتها لي عندي ,, علابالك كل ما نشوفها نرتاح يا عمري ربي يحفظها و يخليهانا
بسومة لاباس اختي ؟
ام عبد الرؤوف راكي تشتكي من الشغل تاع الدار ههههه ربي يعينك ياك مليحة الاحوال ؟
امال لاباس حنونة ؟
اختي امل جديد ويراك غايبة توحشتتك طلي ,,,
باربي اختي و عيدك مبااارك شكرا ليك .. وشراك ؟
نور الهدى حبيبتي توحشناك ياك مليحة و حسووونة الكبدة لاباس ؟؟
ام نهى يا ستوتس ويرااااااااااااك متتصوريش و شحال متوحشااااااتك
سهام اليوم مكااانش غريييبة ,,, المهم تكوني بخير
بسمة روجينا عمري راكي بلا انترنيت ,,و ربي يسهلك
الما ,,,و واشراكي حنونة تاني انتي غايبة
البنات لي مذركتهاش اكيد راهي في بالي و عمري مننسى وحدة انتم كامل خواتاتي و نحبكم و نتمنالكم الخير و ربي يفرحنا كامل
خواتاتي ,,,, راني قررت ننسى قاع موضوع الحمل و منزيد نتقلق منزيد نخمم خلاااص فوضت امري لله ,,و ربي لا تذرني فردا و انت خير الوارثين