تجمع حوامل ليبيا

[ميرنا]

بارك الله فيكن على هذه النصائح والحمدالله طالما ان ما فيش ذنب على هذا هدفى اما عن راجلى مازال امسكر راسه ما يبيش ايرد عليها الى امس وهى لمسيكينة تتصل وما فيش حد رد عليها قالى قوليها انه ما صارش شى وانا والله منحرجة منها

[ميرنا]

المشاركة الأصلية كتبت بواسطة ام اسيل

ميرنا كيف حالك يامنجوهة وحشتيني موووووت
كيف حال البيبي
اسمعي بلا هبال مادام معش يبيها احسن وانتي لان ربي يحبك جابلك ها الحمل في ها الوقت
ربي يخليلك اللي في بطنك وتفرحي بيه يارب
قوليلي بدا يتحرك ولا مازال

آآآآآآآآآآآمين يارب لى فى بطنى هذا بوى وامى ان شالله ربى يجبر خاطرى ها لمرة ونشيلة بين ايدى وبعدها ما نبى شى من الدنيا .....

اما على الحركة قالتلى الدكتورة اتكمليى الرابع وتحسى بيها اما فى السونار ايوه يتحرك .. وانتى شن دير البيبيى امعك وضعك اكويس انا فى الاسبوع السادس عشر وانتى فى اى اسبوع توة ؟؟؟؟

[ميرنا]

يام قصى امس ذهبت الى الدكتورة مها ما شاء الله عليها ممتازة شفت الجنين وطمنتنى كل شى سليم والحمدلله ربى العالمين مافيش اى عيوب خلقية وفحصتنى فحص دقيق جدا سبحان الله النور على وجه هذه الدكتورة متدينة وحاجة الله واكبرعليها ماتقولش صايمة والله يابنات رايقة والله فعلاا سيمهم على وجوهم اتفقت معها هى لى تابع حالتى سبحان الله كلامها كلها بسم الله ان شالله ربى ايوفقك الله اكبر انسانة طيبة طيبة ربى يكثر من امثلها

[ميرنا]

يقين حبيبتى ابعيد اسو عليك وطمنى معش تمشى الى طبيبت العرب راهم يلخبطوك خليك مع الطب العلمى وعليك بحبوب الفلاجيل مطهرة للمعدة اكويسات بكل

[ميرنا]

هاتو علمين كيف ندير مثل توقيعك امتع البيبى انتى فى الشهر الثانى فى الاسبوع الثامن صح


شفتى توقيعى هذا درت لى حبل الوصل ان شالله ربى يحفظها هى واصغارها ويتمم حملها على خير وتحرر سبها وتعود اتخش من جديد

[ام قصى محمد]

ميرنا شفتيها دكتوره عسل
انشاءالله ربى يسخرعلى ايديها جيبتك وتحطيلنا صوره البيبى يارب

[ام قصى محمد]

يقين صار افلام على الفاضى
يابنتى وسعى بالك وماتخافيش بكل

[ام قصى محمد]

هاتو المشكله انى مش عارفه اذا كنت نبى نحمل مره اخرى او لا ربى يستر

[يقين]

هاتوو ربي يسلمك حبيبتي
ميرنا ربي يخليك ويكمل عليك بالخير وتشدي النونو بين ايديك ياااارب
ام قصي هنا غير افلام والله اني الوسواس قاتلني قتل ومتعبني نوسوس هلبا ونشك ههههه مريضه نفسيه يعني هههههههههه

[ام قصى محمد]

تعرفى يقين هذا الموضوع طبيعى
انا من كثرت ما وسوست نين ظنيت انى اذا بطلت الوسواس راح تصيرلى حاجه هههههه فالوقايه خير من العلاج مستبقه الامور هههههههههه
لا والله بطلت من مده بعد ماكبرت عايلتى والحمدلله صار عندى قناعه وخاصه بعد الثوره انه الحمدلله على كل شى