تجمع حــوامل التوائم

[قمرين 2]

بنت الهدى
مشكوره يا قلبي
عندي احساس انج بتولدين قبلي ما أعرف ليش ؟؟؟؟؟؟؟؟؟؟
انا في كل حمل أوصل للاسبوع الــ 40 وبعدين يسجنوني في المستشفى وأولد على الطلق الصناعي
ودي أولد بطلق طبيعي حالي حال كل الحوامل من غير تدخل ولا طلق صناعي ولا غيره
ومشكووووره على المجهود الطيب يا بنت الهدى

[زود الغلا]

مرحباااااااااااااااااااااااااا على كل الموجودات
حنان الهاجري .... الحمدلله على سلامتك وكل شي يهون عشان الحلوات الله يخليهم لك .
البنات اللي في صفي ........... ما يجيكم عوار الطلق اذا مشيتم شوي ...قبل شوي رحت السوبر ماركت دقيقة ماطولت وجاني عوار بظهري مع عوار طلق حدي خفت .

[قمرين 2]

زود الغلا
أنا مو بصفج لكن أقولج عادي اللي صار معاج أنا كان يصير فيني جذي من السادس وزاد في السابع ووصل حده في الثامن بس من دخلت التاسع سبحان الله صار المشي أسهل وما أتعب مثل أول

[زود الغلا]

قمرين ...........تصدقين اني من الخرعه صار معاي اسهال الله يعزك وقامت تلوع كبدي اقول كلش مو وقت ولاده انا حتى ابرة الرئة ما عطونياها .

[ام سعود2007]

زود الغلا انا مثلك من دخلت الثامن وانا يوميا يجني الالام مثل الالام الطلق وباقي لي اسبوع واخلص الثامن الله يعديه علي خير انتي ايش نوع توامك كيس واحد او كيسين

[أم الحلوات]

السلام عليكم
كيفكم ياحلوات
يسعدني انضم لكم أنا ولله الحمد حامل بتوئم في الشهر الرابع الأسبوع السابع عشر
وبكره السبت عندي موعد اشعة صوتية الله يسهل لي ويطمني على الأجنة
تتوقعوا في خطورة اعملها في هالوقت ؟!!
طبعا مشتااااااااااااقة اشوفهم واعرف جنسهم وخايفة يكون فيهم شيء بس الله يستر ويسلمهم لي يارب من كل شر وآذى

المهم حابة اسئلكم يابنات
هل كل حامل بتوئم يبان عليها ؟يعني البطن يكون كبير بشكل ملاحظ والتعب واضح؟
أنا حاليا في الشهر الرابع بطني بارز ومعي وحده أنا وهي في نفس الفترة حملنا
واحس بطني اكبر من بطنها مع أنها سبق وخلفت وأنا لسى أول حمل لي
وأحسها ماتصدق إني معها في نفس الفترة تحسب اني سابقتها :(

وهل تخبرون الناس عن حملكم بالتوئم ؟
أنا ماودي اخبر احد بس أخاف يبان بكرة مع الأيام وتبدأ الأسئلة منهم

[قمرين 2]

زود الغلا
حبيبتي لا تخافين لها الدرجه بعدج بالثامن .. ان شاء الله ما تولدين الا وانتي داخله التاسع .. ياما صار معاي هذا الالم اللي يشبه الطلق وعمري ما خفت بس أدعي اني ما أولد الا وأنا بالتاسع
وهذا انا أكتب لج وكل شوي أحس بتحجر في بطني وطلق خفيف ونغزات تحت ولا أخاف لاني عديت مرحلة الخطر باذن الله
ان شاء الله يزيد وأربي خلال ها الاسبوع والا بسجن نفسي عندهم بالمستشفى وأقولهم ما بطلع الا وعيالي في حضني

[قمرين 2]

أم الحلوات
حياج الله معانا وان شاء الله تفيدين وتستفيدين
كلامج صحيح الحامل بتوأم بطنها يبرز قبل الحامل بواحد ... بالنسبة لي انا برز بطني من الشهر الرابع والناس تحسب اني بالسادس والله
لكن الحين انا بالتاسع وما عاد يكبر مثل أول واللي ما يعرفون انه فيني 2 ما يشكون لانه بطني صار حجمه عادي كأني حامل بواحد ولله الحمد ..
الخلاصة انه بطني بدا يكبر من الرابع الى السابع بسرعه كبيره وبعدين ثبت وبعد السابع يكبر شوئ شوئ الى التاسع وحجمه عادي ما يخوف

[زود الغلا]

ام الحلوات ..........حياك الله معانا والله يتمم عليك ..بطن التوام اكبر من الواحد.... واحنا كلنا نزيد يعني انت بالرابع قولي بالخامس الاغلبية بهالتجمع ماقلنا لناس انهم توام .
قمرين ..........الله يهون عليك يارب .........ويعيني .

[أم الحلوات]

قمرين 2 و زود الغلا
ماقصرتوا حبيباتي
والله يهون عليكم يارب ويقومكم بالسلامة