°•.¸.•°°•.¸.•°ملتقى الحوامل الرابطات عنق الرحم°•.¸.•°°•.¸.•°

[حلليمو]

المشاركة الأصلية كتبت بواسطة كراميلا

ايه خيه صحيح انتبهي وكثري موية

فديت قلبك ع الرد والله اني مكثره من الموويه بس تعبت من مشاوير الحمام هههه

[غلا القلب]

مرحباااا كرووشات

انا عندي افرازات صفرا من بعدما عملت الربط بس ما اخذت علاج لها واكثر شي الاحظه الصبح لما اصحى من النوم او اذا بذلت شوية مجهود وكلما اسأل الدكتوره تقولي طبيعي من الربط بس اهم شي تكون بدووون ريحه

[جنان الورد]

غلا القلب
اي كثرة الافرازات طبيعي لان مثل ماقال لي الدكتور الرحم مربوط بشي قوي ويطلع افرازات وكل ماتحركتي ومشيتي تنزل بكثرة يعني ماتخوف ابد
بس اني استغربت كيف ماعطوكي علاج لازم يعطوك كريم او تحاميل لازم تسالي دكتورتك تعطيك علاج ضروري عشان لاتجيك التهابات

[امل الوجود]

الافرازات عادية عادية حبيباتي ... اهم ما يكون لونها اخضر .. ولا يكون في حكة او حرقة بالبول او روائح كريهه بالحالات لازم نراجع الدكتور على طول .. والماي شي مهم حتى لو كالحين ندش الحمام بس يهون عشان سلامات البيبي .. ترى في نهاية الاشهر الضغط يزيد على المثانة فما تقدرين تصبري على الحمام
تكون توج طالعة وبعد مرة تبين ادشين ههههه ...

[غلا القلب]

جنان الورد
ان شاءالله بسأل دكتورتي عن اي ادويه للالتهابات كوقايه



بنااااااات كنت حابه اسألكم هل طبيعي اني احس بحركة البيبي تكون تحت عالاخر يعني ضربات عالربط وتكون مؤلمه احيانا وانا احاتي وااايد حد فيكم مثلي ؟؟

[حلليمو]

غلا القلب

انا بحملي الساابق كنت احس حركة الجنيين بالربط وسالت الدكتوره قالت عاادي

لا تخااافي اختي طبيعي ان شاء الله

[دلوعة يزيد]

الله يوفق كل من دعاء لي
الحمدلله الله اخذ والله عطى ـــأأأ
ابي احد يحسب لي ايام التبويض
جتني الدوره 20/8 وانتهت25/8

زوجي اشتر لي جهاز تحليل حق ايام التبويض وسويته امس وطلع سلبي مافيه تبويض والتحليل تسوينه يوم يوم لا
بكرا بسويه واشوف ان شاءالله ايجااابي
لن زوجي متضايق صديقه زوجته كانت حامل معي وولدت وجابت ولد مشاءالله

لي 3 شهور من اجهضت وللحين ماحملت يارب ازرقني وتمم حملي ع خير ياكريم\

[غلا القلب]

حلليمو
مشكورة ياقلبي ربي يطمنج مثل ماطمنتيني



دلوعة يزيد
ان شاءالله يااارب ربي يرزقج بالحمل القريب الكاامل والتااام المفروض ايام التبويض تكون من يوم 12 الى ال 18 من تاريخ بدء الدوره
وبعطيج نصيحة انا مجربتنها اول ماتزوجت كان خاطري كثيير بالحمل وجبت جهاز كشف التبويض وللاسف ماكان عندي تبويض والشهر اللي بعده وحده نصحتني ربي يجزاها الخير بالميراميه ابدأ فيها من اول يوم الدورة لمدة 8 ايام صباحا ومساءا والله يااختي ان فاليوم ال 11 حسيت بألم مكان المبيض وحللت بجهاز التبويض وطلع ان في تبويض وربي اكرمني ورزقني بالحمل
بس اهم شي ماتغلين الميراميه فقط حطيها في ماي يكون مغلي او في الشاي وغطيها مدة عشر دقايق يعني تكون منقوعه وضرووري تغطينها وقت التنقيع واشربيها وراح تدعينلي والله نفعولها عجيب في تقوية الاباضه وادخلي النت واقري تجارب البنات عنها
وربي يرزقج بأقرب وقت يااااارب

[جنان الورد]

صباح الخير حبايبي
اي طبيعي جدا تجي حركة الجنين جنب تحت الربط
اني قال لي الدكتور ان راس الجنين تحت مرة اقل من السرة ولله الحمد
اهم شي انه بصحة وعافيه وهدا الاهم

[امل الوجود]

صباح الخير حبيباتي .. ومباركم عليكم الشهر الفضيل مقدما .. قولولي راح تصومون لو ما فيكم شدة .. وهل سالتو الدكتور عن وضعكم الصحي في رمضان اقصد مع الصيام .. وللي صار لها حمل سابق في رمضان او ولادة اتمنى تفيدنه عشان نستفيد من بعد ...

حبيباتي .. بخصوص الافرازات و الحركة ترى كلها اشياء طبيعية وما تخوف .. اهم شي نفسيتكم لا تعبونها .. الاشياء اللي تخوف .. نزيف قوي او خفيف .. بقع دم .. ولو تقدم الحمل وما حسيتي بحركة البيبي .. يعني هالاشياء ادل على شي خطير قاعد يصير .. اما عن باقي الاشياء في راي انها ما تخوف.. اقصد لا اتعبون نفسيتكم على اشياء تعتبر عادية وما منها خوف ..