دردشة حوامل من الشهر السابع للتاسع ( جديد )

[رنيم1]

حنا ف البيت نبي السووق ونبي نمششي ونطلع
لكن لما تطلعين تنعبين بسسرعه تندمين انك طلعتي وخاصه الحين الأجواء بدت ترتفع الحرارة والجو مايساعد

ربي يكون ف عوون الجميع ..

[يالله رضاك والجنه]

بنات امشو مولات انا مافكرت امشي برا حر اعوذو بالله الله يجيرنا من نار جهنم
ما أتحمل الحرارة ولا أتحمل جسمي يعرق نفسيتي تقلب

بنات فيني الم تحت السره إلى المهبل احس البيبي لمن يتحرك الم يزيد

تتوقعون تدخل راسها للحوض


لسه ما رحت مراجعتي المفروض الاثنين اروح بس ربي ماكتب لي الروحه

[حظنك يدفيني]

يارب يسهلها علينا جميعا استغفر الله العظيم افكر بالولاده وانا بالحر ولازم تدفين ومدري وشو والمشروبات الساخنه
يارب صبرنا واجرنا علي تعبنا وتحملنا الثقل يارب رحمتك

[rayana]

صباح الخيير حبيييت ابشركم اني ولدت ولاده طبيعيه وجبت بنت صباح الخميس بعد صلاة الفجر والحمدلله ولادتي كانت سهله وميسره
وراح اقول لكم قصتي
....
انا دخلت التاسع قبل عشر ايام موعد ولادتي المفروص 19/7 وهذا كلام كل دكتور راجعت عنده وقدر الله وماشاء فعل جبت قبل موعدي بتسع طعش يوم ..
من اول يوم بالتاسع بلشت امشي كثيير وبشكل شبه يومي والاسبوع الي فات كله خصصته حق تجهيز البنت وفي يوم الولاده صحيت الصبح يوم الاربعاء على مغص خفيف والم في الظهر يروح ويرجع بس كان محتمل المهم ماعطيت الموضوع اهميه ولاتوقعت انه ولاده لانه بدري عليها فقلت بنفسي ماراح اروح المستشفى الا اخلص تجهيز.. رحت السوق من العصر لين الساعه حدعش بالليل والمغص ماتغير رجعنا البيت وبعدها رحت المستشفى على الوحده ونص بالليل فحصت الدكتوره قالت مفتوح سته صنتي انا انصدمت قلت بطلع قالت مستحيل معك ولاده قلت بكلم زوجي طلعت وكلمته وبكيييييت واتصلت بامي وقالت جايه المهم رجعت للدكتوره وعلى طول لبسوني لبس الولاده ودخلوني دخلت على الثنتين بالليل وولدت بعد صلاة الفجر تقريبا الساعه خمس الفجر واالحمدلله اموري كلها تيسرت مع اني بكر لكن التساهيل من رب العالمين سبحانه ... انتهى
الي عندها سؤال استفسار تسال ...

[!اميرة الورد!]

الف الف مبروك ريانة

والحمدلله على السلامة

[لارين فهد]

الف مبرؤك للي ؤلدوا وعقبال البقيه يارب
انا جايبه ولد فديته مو بنوته ابوسرؤال وفنيله اللي تاعبني من اؤل يوم حمل وسميتو البراء ان شالله وعسى الله يرزقني بره وصلاحه وتعبانه نفسيتي جدا لاني بعيده عن اهلي امي فديته جتني وكبيره بالعمر وماحب تخدمني ولا احب اطلب شي منها بعد فك الغرز اسافر لهلي ع خير *صراحه النفسيه عدم وقل نوم وارهاق والالام الصدر والعمليه

[ام بيلسان1]

الحمدلله على سلامتك ومبروك ماجبتي

[ماما حياتي]

الحمد لله ع السلامه والف مبروك البنت ربي يبارك فيها
والفال لنا يارب ولادة طبيعيه سهله

[ماما حياتي]

لارين ربي يبلغك خير فيه ولا يحرمك الاجر
الحمد لله على كل حال
في تحاميل شرجيه اسمها ڤالتورين ممتازه مسكنه للآلام وممتازه للعمليه
انا فبنتي كنت اخذها كل ٨ ساعات عشان الخياطه من تحت
واكيد باخذها بعد الولاده هذي يارب اولد طبيعي وماحتلج قيصري يارب

[!اميرة الورد!]

المشاركة الأصلية كتبت بواسطة ماما حياتي

لارين ربي يبلغك خير فيه ولا يحرمك الاجر
الحمد لله على كل حال
في تحاميل شرجيه اسمها ڤالتورين ممتازه مسكنه للآلام وممتازه للعمليه
انا فبنتي كنت اخذها كل ٨ ساعات عشان الخياطه من تحت
واكيد باخذها بعد الولاده هذي يارب اولد طبيعي وماحتلج قيصري يارب

يعني كنتي تاخذينها بدون عمليه ولادة طبيعي