دردشة حوامل أهل الرياض - دردشة بنات الرياض - تجمع حوامل الرياض

om salma · 10-31-2010, 11:16 AM

حياكم الله اخواتى

انا جديدة معكم وفى اول حملى الثانى لسة يدوب عرفت انى حامل

بالامس وان شاء الله راح اتابع فى مستشفى التخصصى اللى يعرف

أفضل طبيبة هناك يدلنى لان بروح يوم الخميس

والله ييسر للجميع

اختى همسة ود لا تخافى فى اشياء كثيرة بتحدث للحامل لا نضع

بجوارها علامة استفهام فلا تخافى وطمنى حالك وان شاء الرحمن

يكون العلاج بفائدة غاليتى

دلوعة ميمو · 10-31-2010, 06:43 PM

اشكرك حبيبة زوجي على اهتمامك وردك
انصحك اذا تبين مستشفى صح تولدين فيه روحي الحمادي ولدت فيه بنت عمتي ماشاءالله يمدحونه مرة عناية واهتمام ونضافة والدكتورة عزة اللي اراجع عندها في مركز الشعاع هذي دكتورة هي اللي ولدتها وولدتة عمتي ومرت عمي مرة يمدحوا خياطتها وشغلها وبصراحه انا مجربة تعاملها مرة اخلاق وطيبة وبالها طويل
مستشفى دله زميلتي ولدت فيه مرة تعبوها وما عطوها غرفه خاصه لانه مرة زحمه

Om KHaled · 10-31-2010, 07:35 PM

شاركوني فرحتي بعيد خطوبتي

http://forum.hwaml.com/t33016.html

$حبيبة زوجي سطومي$ · 10-31-2010, 08:29 PM

اختي ابرار بسئلك وش اسم الدكتوره اللي بالاسره انا مدحو لي فاطمه السودانيه للولاده بس ماارتحت وناس يذمونها يقولون بارده وتهاوش وش اسمها اللي رحتي لها

اختي دلوعه لاتعذبيني اكثر انا ودي بالحمادي امي ومرت خالي يولدون فيه بس غالي الولاده عندهم ب7000 ويسحبون اكثر والاغلب يقولون مايصبرون يولدون قيصري
اللي تقرب لك وجربت بالحمادي من كم يعني من كم يوم اواسبوع اوشهر او سنين
لانهم يختلفون من فتره لفتره
واللي ولدت عندها امي ومرت خالي سافرو
ويمدحون وحده اسمها فتاه سوريه عندهم بس مدري

دله انا ودي فيه لانه اقل من الحمادي
وانشاءالله على الشهر التاسع ناويه اروح افتح ملف بدله بس خوفتيني
طيب اللي ولدت عند دله من قريباتك كم لها والده لان الحين يمدحونه بعد التطوير بقسم النساء والولاده وتكفين اسئليها اي دكتوره راحت لها لاني محتاره بين سيده ممتازه وبين انجي بدوي
ومشكووووووووووره مقدما

ام سعاده · 10-31-2010, 08:48 PM

مرحبا ياكروشات
انا فاالاسبوع السادس عشر
انا قصتي مع الولادات حززززززززززززززينه
ولدت مولودي الاول وحصل له نقص اكسجين لأنهم خلوني اربع ساعات ادفع والرحم عشره
وكان مفروض عملية لان الجنين كان وزنه ثلاثة ونص
المهم لما تعب قلبي سحبوه بالملقاط بعد ما تبرز وبلع موية الرحم وتسكرت الرئه
والحمدالله نقص الاكسجين كان تأثيره خفيف
وفي ولادتي الثانية حصلي برضه مشكله عطوني مسكن اسمه بيتادين وزودوا الجرعه وحصلي وفاة دماغيه وشفطوا بنتي بسرعه علشان ينقذون حياتي
والحمدالله بنتي الان سليمه من مشاكل الشفط
وتصدقون يابنات اني افكر اولد في نفس المستشفى مولودي الثالث
بس افكر تكون ولادة قيصري

om salma · 10-31-2010, 09:10 PM

والله يابنات انا محتارة مع اى مستشفى اتابع

مستشفى المركز التخصصى بالعليا او مستشفى عبيد

بيقولوا دكتور نير أمان ممتازة بعبيد

شوروا على الله يعطيكم العافية

همسه ود · 10-31-2010, 10:41 PM

والله حزنتيني يأم سعاد ان شاء الله اجر وعافيه واكثر للأجر بس ماقلتي ولاداتك كانت بأي مستشفى والطبيبات الى ولدوك مين؟
الله يسهل ويهون ع الجميع

maa9119 · 11-01-2010, 12:23 AM

السلام عليكم انا من الرياض وحامل في شهري السادس واراجع في مستوصف اهلي اسمه عالم الطب في الملز عند الدكتوراة اماني اليوسف مره شاطره ومرتاحه معها انا الله يهون علينا امين يا رب العالمين

حنان9 · 11-01-2010, 02:31 AM

حبيت اسأل للي يتابعون حملهم في مستشفى الحرس الوطني بالرياض

مين افضل طبيبه في العيادات ام الحمام نساءوولادة

رانيا والا انقريد والا سلوى بهكلي

om salma · 11-01-2010, 01:07 PM

حياكم الله أخواتى

الله ييسر للجميع ياريت اللى يعرف مستشفى المركز التخصصى يدلنى على

افضل طبيبة فيها