تجمع رعاية المولود من حديثي الولادة إلى شهر 3

[ياهم ربي كبير]

المشاركة الأصلية كتبت بواسطة بيرو المدينة

صباح الخير
كيفكم صبايا وكيف البيبهات
بنتي معها امساك واشوفها تتعصر ياقلبي عليها شربتها يانسون ورجعت

بيرو اهلين
الامساك لو تعطينه حليب صناعي
خففي من عدد الملاعق يعني نقصي ملعقة
وان شاء الله يفيدوكي البنات بنصائح ثانية
لاني بكرية وهذا الحل اللي سمعتو قبل ونفذته حق ولدي
:)

[بيرو المدينة]

زينب حبيبتي انا ما ارضعها صناعي بس قبل امس شربتها يمكن رضعتين ومن بعدها جاها استفراغ وامساك الله يكرمك والدكتورة قالت لاتديها صناعي ابد

[ياهم ربي كبير]

اها.. يعني الامساك بدأ من لما عطيتيها الصناعي ؟؟؟؟؟؟؟؟؟

[بيرو المدينة]

ايوا بس انا وقفت عنها الصناعي وشربتها يانسون رجعت

[ياهم ربي كبير]

اها ،، سلامتها من الترجيع
ان شاء الله ما يجيلها الامساك ثاني
لو حابة تستمري ع الصناعي خففي من الملاعق
:)

[يارحيم]

ولكم باك شذو من جد فقدناك مرة يارب تكون كوكي بخير يارب..

انا عكسكم يا بنات ولدي عنده اسهال فظيع والله يصب زي الموية وانتم بكرامه وكل ماله يزيد.. ان شاء الله ما يكون داخله برد مع اني احس ولدي حرار لما انومه على بطانيه واشيله بالليل يكون ظهره حار مرة واحيانا معرق!!

[سسارونه]

هلا والله ملكتني بهمسك
والله لك وحشه من زماااان عنك
النور نورك يالغلا ،،،،

ام برهوم هلا كيفك ان شالله تمام
عموره عمره 18 يوم العمر كله يااارب :)

اي صح بنات بالنسبه للولب وحبوب منع الحمل
رحت لدكتوره ذاك اليوم علشان تشوف خياطتي
وسالتها قالت الحبوب لازم اسويلك تحاليل علشان نشوف اللي يناسبك
اما بالنسبه لللولب قالت انتي بكريه ماانصحك فيييه

واللي ماتبي اخت النفاس تجيها تاكل حبوب منع الحمل اخر 5 ايام من الاربعين

وخياطتي طلعت ملتهبه:(
ومفتوحه فتح سطحي عطتني غسول وكريم ومضاد حيوي وقالت تعالي بعد اسبوع
ان شالله تلتأم يارب
مره خايفه
الله يعين بس
لا وبعد اذل كملي شهر بروح لبيتي
زوجي بهذلني كل شوي داق علي ماودك ترجعين ماودك ترجعين
وخلاص برجع وبالمره علشان امتحن الامتحانات اللي فاتتني بالجامعه
ومدري متى ابدا بتغيير اللوك
كان نفسي ارجع لبيتي وانا نظيييييفه ولابسه وكاشخه وصابغه وزوجي يشوفني بالشكل الاخير


بس الحين بيشوف التغيرات باالتدريج :(


زينب استغلي الفرصه مدام زوجك مسافر قصي واصبغي وسوي حمام بخار
ادهري قبل مايجي
وكمان خططي لحفله تستقبلينه فيها ويكون عوداً حميداً بعد الاربعين ؛)

يااااي يابنات اشتقت للشموع والاجوااء الرومانتك ههههههههه
االنفاس عامل عمايله معاي
بس يالله الله يعين *

[سسارونه]

وين الحلويييين ،؟؟

اكيد حايسين مع البيبيات
الله يكون بالعون

[ملكتني بهمسك]

المشاركة الأصلية كتبت بواسطة قلبها فيصل

اه ياملكتني وش اقول بس ،، تصدقين للحين نومي مو زين للحين احلم واقوم مفزوعه للحين احلم بالولاده ولا كان خاطر لي ولا واحد بالميه يصير لي كذا ،،،،،، يوم الجمعه باليل جاني الم بظهري قوي وببطني حاولت اتصبر بس قام يزيد وزوجي خاف لا اوصل لمرحلة الصراخ ويتفشل قدام الرجال وانا بعد خفت من كذا المهم رحت قالت الرحم مسكر تماماومافي طلق انا انهبلت كيف كذا المهم هذا الفجر رجعت البيت ونمت الظهر رحت مره ثانيه الدكتور ماسمح لي اطلع ونوموني وانا ابكي اقوله بس اطلع اشوف ولدي وابكي وماسمح لي وزوجي بعد عيى يجيبه يقول انشغلي بنفسك لاتفكرين بولدك المهم انا اترجا فيهم يجيبون ولدي بس تشوفه والناس رافضه المهم يأست وجلست قالوا طلق صناعي ووافقت وتنومت لين بكرا الصباح والصباح بدري عطوني الطلق الصناعي او جرعه ولافتح ولا نص بس الطلق قوى اكثر وانا خلاص تقطع بطني بموت بعد ست ساعات الجرعه الثانيه وبعدها عطوني ابرة تفتح عنق الرحم وانجنيت انا من الالم بغيت اموت خلاص ماعاد قدرت اتحمل وطبعا الدكتوره كانت مقرره عمليه عشان عنق الرحم مايفتح ابد عشان كذا كانوا مانعين عني الاكل والشرب وقعدت على هالحال عذاب والم شديد ماحد يقدر يتحمله لمدة ثلاث ايام تقريبا وقبل الموعد حق العمليه بساعتين ولدت طبيعي بدبل الالم الي ممكن تتصورونه لو اقولكم اقوى الم بمية مره وبعد ماولدت غبتعن الوعي ودخل علي زوجي ويقول اني كنت اهذي من قوة الالم واغيب عن الوعي واستمرالم الطلق القوي معاي لبعد ثلاث ايام من الولاده وانا بعذاب مايعلم فيه الا ربي والحمدلله على كل حال الله لايضيع لي اجر والحمدلله جبت احلى يزيد بس حياتي هو عجزت ارضعه مسكين يمسك صدري بس مافي شي ابد وانا نفسي ارضعه اتمنى امنيه ارضعه لو شهر على الاقل ،،،،، اما حكايتي مع ولدي الكبير الي عمره اربع سنوات عذاب ثاني وقصه الم اقوى التهبت خياطتي وشفت الموت ومدري اذا انفكت بسبب صراخي وركضي وراه ذبحني كرهت حياتي كل يوم ابكي وادعي الله يهديه بس كل ماله يزيد شطانه وانا كل مالي يزيد همي يارب تعبت مدري وش اسوي هذي قصتي باختصار

اهم شي سلامتك وسلامتك ولدك الله يحفظه لك والي شفتيه بتنسيه مع الايام واحتسبيه اجر لك وحاولي تخليه يمص من صدرك مع كثر المص بيرجع الحليب وولدك الكبير انا ولدي زيه 4 سنين هذا السن مايسمعون فيه الكلام وياختي خليه يسوي الي يبغا دامه بيتك من عند احد معليش لو سوي اذيه ماعنده احد يلعب معه ولا في شي يشغله عشان كذا تكثر حركتهم الله يهديهم لنا مسيرهم يكبرو ويعقلو وكلمي زوجي شويه يرحمك منك وانتي انتبهي لنفس واهتمي باكلك انتي دوبك والده والله يحسن احوالنا للافضل يارب ويبعد الهم عنا هو النفاس شويه كئيب

[سسارونه]

الامهات ذوات الخبره
من جربت حليب سيميلاك ( نيو شور)

الدكتور صرفه لابني علشان وزنه قليل

هل يغذي البيبي ؟؟ ويخليه دبدوب؟؟؟