¤ô§ô ~أحلى تجمع حوامل التوأم 2011~ ô§ô

طوق الياسمينا · 03-13-2011, 02:39 PM

سلام ياحلوات
كيفكم ؟ وكيف توائمكم ؟

بنكي
عظم الله اجرك واحسن الله عزائك في جدتك
روعة
فيك طمنينا عليك ...

اول غرام
بالسلامة ان شاء الله خلاص قربتي تولدي بس لاتطولي في التاسع حاولي تولدي
بس كيف الخفة معاك ؟؟

بنات انا توي دخلت السادس والحمد لله الثقل اخف من الخامس بس بطني فضحتني كبرت ماشاء الله
وكمان مواعدتني الدكتورة بابر الحديد وانا ماابغاها لاني جربتها حاااااااااااااااارة
وعدي نقص في البروتين والحديد
من خبراتكم كيف ازود الحديد في الدم ؟

متلهفة انتي مثلي عندي هبوط ودوخات والضغط ناازل مرة
الله يعيننا ويصبرنا ويحفظ اولادنا ويقومنا بالسلامة

عذب · 03-13-2011, 02:45 PM

أهلين حبيبتي متلهفه
أنا بخير
أنت شخبار التعب معاك؟

أخليكم بنات أشوفكم وقت ثاني

اول غرام · 03-13-2011, 02:51 PM

عذوبه
والله انا مثلك ... مشيت نص ساعه تقريبا وحسيت ان الثقل زاد علي من تحت
وصار بطني يشد اكثر ... ويومني رجعت البيت حسيت ان رجولي تنفخت ... ماقدرت زيك انام من المها ...
اقول لزوجي ابي اطلع اتمشى بالمجمعات ... قلي لاتحلمين بس مابي الناس يحطون عيونهم على كرشتك خخخخخخخخخ

اول غرام · 03-13-2011, 02:55 PM

طوق الياسمينا
اذا ع الخفه ساعات احس اني ثقيله مررره وساعات احس اني اخف شوي
مب عارفه كيف اشرحها بس الاكيد وصلت المعلومه
بس ليش مااطول بالتاسع ..؟
وصدق كلامك انا بالسادس كنت خفيفه ... بس بالسابع بديت اثقل نوعا ما

هيونه · 03-13-2011, 03:18 PM

اقتباس:

المشاركة الأصلية كتبت بواسطة اول غرام

هيون
انتبهي لكلامك مع زوجك .. لايسفهك مثل سارونه هع هع
ونبلش فيكم ويزيد العدد << حتى انا معكم خخخخخخ
من زمان وانا ودي اسألك انتي وش سبب وجودك في بيت اهلك ...؟
ورجائن كبري خطك عشان نشوف زين ...

عشاني أسكن بمدينة وأهلي يسكنون بمدينة ثانية
وتعب علي أجلس بالبيت وداوم زوجي لين العصر ويجي وينوم وبالخير لين يقوم يصير جوعان وطفشان يعني أنا يبي لي مراعاة وتدلعي وهو موب يمي ورحمته حتى والدكتورة منعتني من الشغل مانعتني من كل شيء وزوجي فرح فيها في البدآية وأنا بغيته ينبسط يعني طنشتة بس ألحين هههههههههههههه مل وكل اشوي يسئل أنتي أي شهر ألحين لا الرجال موب زين التلزق في وجه رغم أني محتاجة له نفسياً بس موب مشكلة طنشت واشتغلت عمري وبالعكس عند هلي أوسع صدر بصراحة في شقتي الموت ببطئ خاصة أني أنسدح بس

حسيي دائم واااجد تحسون مثلي

عذب
الحمد لله والثقل مسوي فعايلة حتى أثر على ثقل مخي

ورجولي تعورني من ألحين تصدقين صعب أتنفس أحس أني أبي تنفس صناعي
أنتي شلونك ..؟

الأمل @ · 03-13-2011, 05:38 PM

مرحبا بنات كيفكم

هيونه واول غرام يعطيكم العافيه حبيباتي على الرد

انا البارح زاد معي الألم والله حتى النوم ماقدرت ورحت لدكتورتي بالخاص قالت مااقدر اعطيك شئ لآن فيه انقباضات بالرحم لازم احولك للحكومي وتبقين تحت الملاحظه

وطبعا ياليل مااطولك ماجت الدكتوره تشوفني الا بالواسطه
وعملت لي تحاليل وخلوني تحت الملاحظه شوي
وقالت لي ان عندي التهابات شديده بعنق الرحم واعطتني مسكن ومرهم وانا زدت من مخي تحاميل
وبس
مــــــــــــــــره قافله معي من التعب الله يهونها يارب

الأمل @ · 03-13-2011, 05:43 PM

اقتباس:

اذكري الله أول شيء بعدين وين وصلت الوسوسة له وش يعرس عليك يحبك
بعدين تبين تعرفين لي رجلك صار له كذا
لا تنسين الشغالة ولا تنسين أنك قلتي أبي شقة جديده وهو مايحب
يمكن زنيتي لين أنقرف
ألحين لا تتصلين عليه ولا ترسلين رسائل ولا تقولين بأروح للبيت أو شيء سوي نفسك ناسية موب مطنشة بس لا جاء أكشخي له وتعطري ولو دق عليك تغزلي يعني لو وصل الأمر للي وإلي بس كلام ترى هو شمالي وللأسف الشديد يبي إغراء عشان يتنازل ودائم قولي له أني أحتاج لك وأنا بدونك ولا شيء تصدق مرة جتني ضيقة يوم جيت أنوم كانت تجيني هالضيق يوم كنت ببيتي بس علاجه صدرك الدافيء الله ييسر لك الشقة يارب عشان نجتمع
بس لا طلع من عندك أنسيه لا تزعجين جده وبعدين دبي وسفر أجليه شوي
وترى أي رجال مايحب المراء تجمع كل ششيء بوقت وااااحد شغالة +شقة جديده +سفر وربي ترى بيطفش صدق وخليك واثقة من عمرك موب تقولين ليش ماتبيني أجي للبيت وش عشانه وووو ترى يكره المراء إلي موب واثقة أبد بالعكس لا تكلمينه ابد في زواج من ثانية طولت حياتك وشعاري لايوجد امراه تضاهيني أبد
هذا والله أعلم جربي وعلميني
أدري صعب عليك عشان ماتعدتي
بس والله عن تجربة أنا زوجي تعبت معه والحمد لله ومازلت أتعب بس كنت أحاول أني أضغط شوي وبنفس الوقت أبرد بس وش نسوي جربي وأدعي وخلي عنك افكر الخربطة

[/QUOTE]

غروم شفتي هالرد
ههههههه شكلنا حنا بنروح ناخذ دروس خصوصيه طلعت موب هينه هيون

هيونه
ماشاء الله ايش المواهب هذي حركات

وش رايك نروح عالخاص
مندبلة كبدي من عتريس الله مير يصلحه

وش اخباركم جميعا ابروح اقرا اخباركم ماشاء الله عليكم بس

الأمل @ · 03-13-2011, 06:03 PM

اقتباس:

المشاركة الأصلية كتبت بواسطة رباه فرج همي

حلو ماشاء الله ربنا يوفقك

بس ممكن تفهميني كيف يعني انتساب مطور ؟

ومتى التقديم عليه ؟

ومشكووره ؟

اهلين فيك
يعني تدفعين رسوم للجامعه
وتاخذين محاضراتك عن طريق النت "يعني تعليم عن بعد"
ومالك علاقه بالجامعه الا وقت التسديد ووقت الإختبارات فقط
وتتواصلين مع الدكاتره الكترونيا
يعني اسهل من الإنتساب التقليدي واحلى
استخيري وادخلي موقع الجامعه اللي بمدينتكم واسألي عن التفاصيل ياعسل

قطرة ندى* · 03-13-2011, 07:04 PM

مسااااااااااااااااااااء الخير

اول غرام · 03-13-2011, 07:08 PM

الامل@
لا والله اموووله توي اشوف هالرد هههههههههه
كشخه وعطر وصدر دافيء
ونصايح ماشاء الله ... والله حركتات هيونه مثل ماقلتي مو هينه
اموووله ..
يعني قالولك المرهم يكفي كعلاج مع المسكن ..؟!
الله يعينك ياقلبي والله ان الالتهابات اشين شي عند الحريم اووف ...
جربتها وطلعتلي قروون وماالومك صراحه جتني حاله نفسيه منها ...

هيونه
انا زوجي شرقي علميني كيف اتعامل معه واخليه يركض وراي ..؟!

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM