تجمع امهات التوام حياكم

[عذب]

أنا عندي ولد

أم الحلوات
بخصوص الحياه في الشقه أنا عن نفسي كل حياتي لعيالي وترتيب الشقه طبعا ماأطبخ ولاشي وزوجي صاير صديقي>>خخخخخ
والنومه أجلس طول الليل برا غرفة النوم طول الليل لين ينامون 6 أو7 وبعدين أدخل معاهم ساعه ويطلع زوجي للدوام
بس في يومين الأجازه أجلس في الغرفه عشان ينزعج معاي ويصير أب حقيقي والأسئله الثانيه ماعندي خبره

عشمانه
حاضرين لأي أستفسار

[زود الغلا]

فوفوياتي ....تصدقين ان السبب في النوم انا وبناتي في غرفة ثانية ان نوم بناتي لي الحين مو مضبوط وساعات يقعدون بنص الليل ويلعبون ويناغون ويطلعون اصوات فيزعجوا ابوهم ((الملك فاروق :) )) مايتحمل الازعاج .
نواعم التعومة .... قول الحمدللة والشكر انهم يشربون حليب انا بناتي من بديت اوكلهم ماعاد يبون الحليب يعني زين منهم اذا طول اليوم شربوا 3 ارقام .

[عذب]

بنات أنا جالسه أحاتي بكره تطعيمة بناتي شتنصحوني فيه؟

[زود الغلا]

عذب حبيبتي اول ماتردين من المستشفى على طول عطيهم ادول لا نتظرين لما تصير فيهم حرارة واول يوم استمري عللى الادول كل اربع ساعات واول ماترجعين كمديهم بماي بارد مدة ربع ساعة وكل ساعتين كمديهم لمدة ربع ساعة .حطي طاسة فيها ماي من الحنفية وحطي معاه قطعتين ثلج واخذي فوطتين صغار وغمسيهم بالطاسة وبعدين حطيها على رجولهم .

[عذب]

يعطيك العافيه حبيتي زود
ومشكوره عالنصيحه

[maha8181]

شلوتكم امهات وش هالتعب الله يعينا تصدقون شي جسمي تعود انه ماينام وحتى لما ينامن شوي احاول انام ما اقدر من كثر الارق
والله يا ام الحلوات سالتي كل الاسئله اللي بخاطري لاني لسه في بيت اهلي والشغاله اللي مقدمه غليها من الشهر الثالث من الحمل ماجات صارت ازمة شغالات غلى حظي

قولولي متى يتعدل نومهم الله يحفظهم حييييييل تعب

[maha8181]

عذوبه شخبارك
تذكرين ايام الحمل كل يوم على التجمع وسواليف
والحين الله يعنا
طمنينا على بناتك الله يحفظهم
ساعات ابي وقت ليه مافي
عشوومه شخبارك وشخبار ماما والحلوين ان شاء الله يفيدونك البنات الاني قيصري


بسالكم تكفون عندي ولدي بس يتعصر وماعنده امساك ولا شي بس ذابحني يتعصر ويتعكف وما ادري وش اسوي معاه

[نواعم النعومه]

زود الغلا ::: اللهم لك الحمد والله انتي صادقه بس اشوف المكتوب في العلبه واقول ليش ما يصيرون كذا
بالنسبة للاكل مو دايم ياكلون الا اذا صار سيرلاك بالفواكه علشانه حالي بس الخضروات ما يفضلونها ودي لو سمحتوا تقولون وش تعطون عيالكم للاستفادة الله يجزاكم خير

[فوفوياتي]

السلام عليكم
امهات التواءم صبرا صبرا ههههه كلكن مضغوطات المسيرة طويلة والله ادا قلت لكن انني لما كنت في فترتكن لم اكن اعاني كتير الان هي المعاناة الحقيقية كترة الحركة والغيرة والاتحاد والشجارمع بعض و...............بالاصافة الى ازالة الحفاضات ااااااااااااااااااااااااه كم اعاني وايضا طبيبتهم طلبت مني ازالة الرضاعات وهما متعودين عليها في النوم لكن ان تتصوروا كيف هي حالتي بدون خادمة والمنزل كبير والبنوتات كل واحدة تبين شطارتها ههههه والتانية تشجع وانا اصرخ ولا من يجيب ومسؤولية الاكل في الوقت لانني ملتزمة بموعد مدرسة اولادي الاخرين.و........و.......... بلا كترة شكاوي خليكن مرفوعات المعنويات هههههههه
انصحكن حبيباتي بتنضيم وقت النوم مع بعض اخر رضاعة في الليل مع 12 بعدماتلعبوهم شوي بالحركات وتبديلهم الملابس والحفاضات وتركهم بعص الوقت مستيقضين واخيرا النوم وبهده الطريقة تاكدوا انهم سيضلون نايمين حتى السادسة او السابعة صباحا وكل شيء بالوقت لانهم يتعودون بسرعة على الاشياء العشواءية في تربية الاطفال تفسدهم
وداءما مع بعض التبديل والاستيقاض حتى وان بقت الاخرى ناءمة قعديها والاكل مع بعض طبعا سيكون هناك اختلاف بسيط ولكن قليل
انا اتكلم عن تجربة حقيقية عشتها لان بناتي الان ولله الحمد 2 ونصف ولم تكن عندي مشكلة في نومهم

[فوفوياتي]

نواعم النعومة
بالنسبة للاكل طبعا ابتداءا من 5 او ستة شهور البداية بالشوربة حتى يتعودون عليها بعدها الفواكه مطحونة بالاصافة الى دانون يعني ياغورت هدا في الفترة الاولى واي استفسار انا في الخدمة