دردشة حوامل أهل الرياض - دردشة بنات الرياض - تجمع حوامل الرياض

$حبيبة زوجي سطومي$ · 10-26-2010, 05:02 PM

مرحبا حوامل
والله اختي ارجوان انا بعد البحث بالنت والتفكير اللي صدع راسي
قررت اولد ان الله اراد بمستشفى دله بس لحد الان محتاره بين سيدة ممتازه الباكستانيه او انجي بديوي السعوديه او صبا الباكستانيه لان الحمادي غالي وهمهم الفلوس تجاري يعني
ويستعجلون بالقيصري
والسعودي البريطاني يقولون غالي مره ومحد جربه وانا والله ماابي اصير حقل تجارب وانا بكر
وفعلا دخلت على موقعه بالنت وانهبلت قلت فندق هذا مو مستشفى ولاده اكيد بيدفعونا سعر الاثاث ههههههههه

الله يعينك اختي تولين ويهون علينا يارب
فعلا السكر مو زين بس انتبهي لنفسك زين والله يطمنك على نفسك والبيبي

تولين · 10-26-2010, 06:06 PM

الله يعينك اختي تولين ويهون علينا يارب
فعلا السكر مو زين بس انتبهي لنفسك زين والله يطمنك على نفسك والبيبي

الله يسلمك ويهون على الجميع

أرجوان · 10-26-2010, 06:22 PM

حبيبه زوجها ممكن انتي كلمتي المستشفى واستفسرتي عن السعر والدكاتره وكل شي اذا كذا قولي لي واسفه نو ثقلت عليك

همسه ود · 10-26-2010, 06:35 PM

كيفكم بنااات الله يعيننا حايسين بهالمستشفيات هذا زين وهذا شين تعرفون المشكله المستشفيات خايسه وماديه والممرضات تعاملهم زفت والطبيبات حظ ونصيب والولاده تسهيل من رب العالمين ادعوا الله الهون

$حبيبة زوجي سطومي$ · 10-26-2010, 08:17 PM

والله خيتو ارجوان انا كلمت دله واستفسرت منهم قالوا لي الولاده تقريبا 4800 مع الخياطه والاقامه يومين بغرفه مشتركه قلت لاانا ابي غرفه لحالي وبيني وبينك اريح ليه ادفع واجلس مع احد لان كل وحده لها خصوصيتها وزوارها
المهم قال عادي بس تدفعين زياده 300 على الغرفه قلت لو ابي اجلس يوم واحد قال عادي ادفعي ليوم واحد
وسئلته بخصوص الدكتورات قلت انا ابي دكتوره معينه وانا لحد الان ابحث بالنت عن الافضل محتاره بين سيده ممتازه وبين انجي ومدحوا لي بعد صبا ومياسه وكم وحده بس انا ماارتحت الا لسيده ممتازه او انجي
وبفكر وبستخير وبقرر
المهم قال لي لازم تجين تفتحين ملف وتسوين كشف لو مره وحده اذى تبين دكتوره معينه والا ان جتك الولاده وجيتي بدون فتح ملف او كشف قبل ترى بتولدك المناوبات والمناوبات طبعا يقول اغلبهم طالبات يطبقون
قلت طيب كم الكشف مع فتح الملف قال ب100 الظاهر كاني مانسيت
وقال ان جت وقت ولادتك وتبين نفس الدكتوره اللي فتحتي عندها ملف ادفعي 500 عشان تولدك هي
عاد انا من حملت وانا اراجع كل حملي بعياده مثل وحده صحيه بشغل زوجي وقلت لها ماابي خساير قالت خلاص اول ماتدخلين الشهر التاسع تعالي اسوي لك تحاليل واشعه وكل شي واسوي لك ملف ووديه معك للدكتوره وببلاش احسن مايسوون ويسحبون زياده عاد انا بسوي كذا عاد الله يستر ماتقول لا لازم تسوين تحاليل عندنا بس انشاءالله ماتقول مدري انا ودي بسعوديه على الاقل تحس فيك وسيدة ممتازه الباكستانيه يمدحونها بس خايفه ماتولدني زين او تستعجل قيصريه لان عندها زحمه مووووووووووت وانا دخلت موقع المستشفى على النت وشفت صورة سيده شكلها حبوبه بس مدري عاد
وصور الغرف شكلها حلوه بعد
اسفه على الاطاله اتمنى افدتك واي سؤال انا حاضره
وادعيلي ان الله يسخر لي الدكتوره اللي تريحني والله يسهل ولادتي والجميع يارب