تجمع الكروشات اللي ولادتهن في رمضان 1433ه

[ام مهند4]

مساء الخير ...
سلامات للمصابات نسوم والامل مالكم شر
وسلامتكم من الحرقان ميدروي وطير مناير كمان سلامتك الحر يلعب دور ...
نووور ......... ضحكت وضحكت على قصة رفيقتك صج قطه مغمضه اتخيل ابوها شلون نفجع
اعرف قصص براءه من هالنوع يدخلون مايدرون شسالفه .....وترى قد ما تثقفتي وقريت الواقع شي ثاني ..
ام حمادة احنا في الاحساء حر ناشف درجة الحراره اليوم 44 لسه مابعد تجي رطوبه ...

[ام مهند4]

طير يعطيكي العافيه على الجدول .....
بس اتوقع بيصير ازدحام لان في بعض الكروشات في نفس اليوم بيصير لخبطة ... عجبني انو بيصير يوم جمعه (: ولادتي

[أم نايله]

اهلين ام مهند واحنا تقريبا زيكم بالرياض درجة الحرارة 41

والمكيفات مو راضيه تسوي شي وهدا مادخلنا بعز الحر

[ام مهند4]

هلا وغلا ام نايله ... اي والله الحر عامل عمايله والمكيفات تعبت مو ملحقه اتوقع في الشهر الجاي بنذوب
بنتي شافت لقطة زواج في التلفزيون ... تقولي متى عرسك يمه ابي اشوفك عروس ^_^ حتى انا ابي اشوفني عروس نسيت هالشعور غبر صار له 12 سنه ههههههههه
كل وحده تكتب موقف يضحك في زواجها ولا في خطبتها ولا في الشوفة خلونا نفرفش .... نور انتظر منك قصص كوميدي..

[ام مهند4]

ببداء انا .. احم احم
انا زوجي ماشافني الا بالخطوبه مره ...وحاول يشوفني مرة ثانيه ماقدر كنت استحي مع اني كنت اضن اني جريئه
يوم جا العصر وكنت جالسه من النوم واذا بجرس الباب يرن .. ومافي احد بالبيت .. مين مين قال افتحي انا فلان
ها خير : مافي احد هينا
!!: طيب افتحي
زين
افتح الباب ومثل البرق دخلت داخل دفع الباب ماحصل احد هع هع ولا يقدر يتجراء يدخل اكثر من حدود المجلس ورجع بخيبة امل وحاول وحاول ماكو فايده
واذا كلمني تيلفون ... ذاك الوقت مافي موبايلات ... اتلخبط واصير اتكلم عربي فصحى وانسى اليوم اللي انا فيه واقول كلام غير منطقي ...
والموقف الاغبى ليلة الزاج ,,, ام الحماس اللي فيني شلت الميك اب وشلت المناكير وشلت العدسات وفكيت التسريحه وقلت ماني متروشه يخرب شعري هع هع شسشوره الميهم كان هو نازل يجيب العشا مدري منين ..ولبس قميص النوم هههه
وسمع الاذان واتوضى ولا شوف سجادة واطلع بقميص نومي ادور سجادة هههههه اشوف امه في وجهي وتطالعني كمن فوق لي تحت وانا بقميص النوم اسال وين السجاده طبعا انا ولا جا على بالي .... كنت بنوته ام 17 ولا في شي غلط بمخي ... وبس

[ام مهند4]

فيني النوم ... وكل مادخل ... تنامو ... بغفي شوي

[alas]

تسلمين نور الله يجزاك خير ويحقق كل اللي تتمنيه امين. سلامتك يانسومه وسلامة ايدك حطي عليها خلطة الخوا جوا وحطي مرهم ميبو بالتناوب وماتشوفي شر وسلامتك الامل انتبهي لو تحتاج خياط والجرح كبير لاتهملي روحي لا يتجرثم الجرح مشكوره طير الجدول حلو ام مهند من جد قطه مغمضه عاد ام زوجك ايش اللي مصحيها بعد تعب الفرح ما كان نامت هههه بس شكلها بتستنى ولدها تشوفهو سبع هههه سلامي للجميع

[طالبة الدعاء]

الامل سلامتك وماتشوفين شر
واخر الجروح ان شاء الله

اخباركم نفوخات

ابشركم شريت مدس البشت اخيرا
كلوووووووووش
الله يتمم لي ولكم ع خير ياااارب

[نور العيوووووون]

هههههههه. يا مهند حلوه تمونين قميص نوم وشايله المكياج هههههه. انا رغم ملكتي سنه كامله ومغامرات الا ان في حدود ماقدر يوصلها ويوم العرس مسنتره بمكاني هههههههه والحمدلله ماصار لي موقف مضحك بزوجي ولله الحمده عدت على فتره مافيه احراجات بس بدتىالاحراجات بعط مرور 10 سنوات هههههههههههه.

[الرشا]

مساء الخير روشات
شخباركم وكيف نوناتكم العرسان والعروسات

انا الحمدلله بخير .. ونستعد في المدرسة للحفل الختامي للانشطه
ياكثر الحوسه والشغل ماينتهي

الاحظ بنتي شاده حيلها هالايام ترافس
شكله تاثير اوميجا3
يابنات انتم لسا تشربون الاوميجا والكالسيوم والاسبرين