سيدات ليبيا الحبيبات ..تفضلووو

[خوله 2014]

طبعا اني واعود بالله من كلمة اني درت بوفي زي ما قلتلكم من قبل

[خوله 2014]

راكم تنسو نبي التعليقات

[خوله 2014]

معليشي الصور نزلتهم كلهم من غير ما نوازيهم كخخخخ بالطنجره مره وحدة طبعا الرز ما لحقتش انصوره لانه ما خلطتاش الا بعد جو المعازيم خفت عليه ييبس ويصقع لاني طيبته من الظهرفلهدا الي فاتو صور الرز قبل التجهيز

[خوله 2014]

وسامحوني كان الصور مش واضحات قبل والله نبي انصورهم بكدا حاجة يعني بالكمبيوتر والتليفون والكاميرا واوضح صور بنززلهم لكن يدوبك تميت التجهيز وخشت عليا اول المعازيم جارتي واول مره تجيني فتحشمت يادوبك صورتهم عالسريع وبالكاميرا

[خوله 2014]

طبعا مش حنتكلم عالعشاء شوفو والي مش واضحة اسالوني عليها حبوباتفيه الي اكتر من لقطة قولتلكم ما وازيتهمش لان كنهدا ما يصيرش من تنزيلهم

[fefe93]

المشاركة الأصلية كتبت بواسطة شموسه 88

فيفي نصحه ردبالك تشربي القرفه وانتي مش عارفه رحمك مفتوح ولا لا ربي يسهلك ويرزقك بولاده ميسره امتا موعدك بلظبط

ان شاء الله مش حنشرب القرفه تسلمي علي نصيحة انا موعدي 5-6-2014

[fefe93]

مشاء الله خوله شكلها لمتك حلوة
والله تعرفي حتي انا خاطري ندير لمة لكن المدينة الي عايشة فيها مافيهاش ليبين متجوزين كلهم عزابه

[هدية الخالق]

السلام عليكم ورحمة الله وبركاته
كيف حالكم ان شاء الله بخير والله يبارك في كل من باركلي عقبال كل متمنية يارب

[هدية الخالق]

أهلين خولة كيف حالك وكيف حاله وليدك توا
وماشاء الله عالصور يسفهوا يعطيك الصحة وتسلم ايدياتك ماشاء الله ربي يحفظك درتيه هذا كله بروحك ؟
والحمد لله انها تمت علي خير وجاتك زي مامخططتلها وان شاء الله بطول عمره السموح

[هدية الخالق]

فيفي ربي يسهل عليك انتي وشموسة وينوضكم بالسلامة ان شاء الله
وننصحك ماتعلبيش ف روحك ولا تجربي شي خليك طبيعية اهو هانت ان شاء الله اقل من شهر وتشوفي بنيتك علي خير استمتعي بشوية الراحة والهدوء اللي مازالك توا واشبعي في النوم باش تلقي باش تقاومي السهر والتعب الفترة الاولى