تجمع حوامل العراق واتمنى اكو احد موجود

[kokee]

هلو نعومه حبيبتي
لا مكملته خذت منه 20 يوم
ان شاء الله التسهيل الكم
ديري بالج من الضغط توته
اني اثناء الولاده صعد 17 وخافن الدكتورات ظلن يزرقن مدرر بالكانوله ويردن ليوره
كالت دكتورتي همزين الله تلاحكنه لو ادري ضغطج يرتفع دخلتج صالة العمليات هههههه

[غنى2011]

هلو نعومه انتي شلونج
ما ادري والله هاي سالفه المي شنو هسه دا اسولف للبنات اكلهم جان اكلي بالبدايه كلش قليل
ما اعرف هو هذا السبب والله خايفه لا اكون اذيت الطفل بقله الاكل

[فيونكه بلون الفراوله]

وئام والله متت ضحك خرب ببليسج ولج انو عكال بعير هههههههههههههههه هذا منين انجيبه والله عليج سوالف ههههههههههه

رحاب يمعوده اسمعي كلام الرجال لا يبتلي بينه

[kokee]

اني هم مجنت خايفه من الولاده
ولا تخوف هيه لحظات وتخلص خو الطلكه القويه والولاده كلهه متطول دقايق

[نعومه التميمي]

حبيبتي ميس والله اني اكثر بطني يعني من دخلت بل تاسع شويه بينت بس من يشوفوني يكلون بعدج بل خامس ههههههه
والله جهزت من محلات Target و toysrus و kmartوBest & Less انتي شنو راح جهزين منا

[حبيبي]

غناوي مو من الاكل ينقص او يزيد هذا الماي من الله يصير

[توتايه]

اني ضغطي الواطي 10 والعالي ما اعرف شكد والله خايفه كلش الله يسهل ياربي

فيونكه ذكرتيني بروحي مرات اقلد صوت جاهل يبجي يظل صافن علية يكولي شلون راح افرق بينج وبين ابنج

[حبيبي]

الولاده كلها اكشن وفلم رعب
بس حلوووووووووه بشوفت النونو
اشلون حسون يا ام حسون هههههههه

[kokee]

شكرا حبيبتي غنى بنات اعذروني اشارتي بطيئه كلش

[توتايه]

حبيبتي غناوي مثل ماكلتلج اكلي حلويات لان بوكتها يسرى صديقاتنا جان المي عدها زايد الدكتوره كالتلها لتاكلين شي حلو لان هوه ديزيد المي