تجمع الكروشات اللي ولادتهن في رمضان 1433ه

[الرشا]

معلومات قيمة نسوووومه وانشالله اطبقها وأخذ فواكه معاي للمدرسة

وماتشوف شر بنتك
اطحني حلبه واعجنيها وخليها قاسية وحطيها علا رجلها تقوم بكرة زي الغزال
وتراها عن تجربة>>>>> صايرة طبيبة أعشاب علا غفلة

شكل الكيس بيضاوي يعني حامل بولد ياآارب العطوة الصالحة

ام حمادة كيف طريقة الجدول الصيني

[نسمة دفا]

الحمدلله بنتي جات ..وما فيها غير العافية

رضة بسيطة ولفوها لها وأعطوها أدوية

......

[ام سينا]

نسومه ورشا الحمدلله عالسلامه طمنتونا ونور موعدي يوم 20 هههههههههه ذكريني ام يارا انتي مثلي اللهم لك الحمد ماوجهت مشاكل ودورتي كانت يوم6 او7 /12 رحت اول ماتاخرت الدورة وشفت الكيس والحمدلله الخميس الي كان بتاريخ20 تطمنت عالنبض لي 42 يوم وبالنسبه للكيس كان دائري اعتقد واحلامي واحساسي يقول ولد واهل زوجي واخواتي نفسهم ببنت واحياان اتمنى بنت عشان يحبونهاههههههه وبسرعه اقول اهم شئ سليم ام عبدالرحمن الله يوفقك شدي حيلك ام حماده عجلانه عالنفاس وتجهيزة وعقبالنا نوصل الثالث معك بسالك الثالث لخلصنا التاسع ولا لبديناه يبدا الثالث

[نسمة دفا]

الرشا مشكورة يالغلا على خلطةالحلبة.سمعت فيها بس عيبها ريحتها قوييييية

أنا أعرف خلطة لعلاج الرضوض(صابونة الوزير مبشورة وبياض بيض يكون بلدي أحسن
يخلط مع بعض وتوضع طبقة شاش ثم توضع الخلطة على مكان الألم ويلف عليها الشاش تنشف وتصير مثل الجبيرة..

تنفع للرضوض القوية
جربتها مع بنتي طاحت (العام الماضي)في المدرسة وجابوها لي.. بالعافية فسخت لها المريول ,,وديتها المستشفى قالوا مافيها كسر وهي تصرخ من الألم..سويتها لها والحمدلله مثل الفرس
...
وفي عجينة العدس والبيض بس ولا مرة جربتها

[نور العيوووووون]

ابشري يام حماده وام سينا على موعدكم ويارب نخلص من سالفة النبض وكلنا نشوف نونونات ونجي لمرحلة تحديد الجنس ونلهى فيه يارب يثبت حملنا وحده وحده ويرزق كل وحده الي تبي بصحه وعافيه ياااااااااارب انا لتوقع اللحين شهر ونصف يعني 45 يوم

[نسمة دفا]

ياحبوبات نسيت أقول لكم

شريط الحمل اللي احنا حاطينه ...يبدأ بتسجيل الحمل من أول يوم لنزول الدورة

والحساب يكون زايد أسبوعين في الشريط.عن عمر الجنين الأصلي

.فلا تتوهموا ..ويغركم هالشريط

مثلا أنا آخر دورة لي كانت 9\12\1432
مستحيل الحمل يحصل بهذا اليوم..؟؟

أنا زدت 14 يوم على موعد أول دورة لي وحسبت بداية حملي كانت 23 ذوالحجة

لما عرفت أني حامل كان لي 14 أو 15 يوم بس..أسبوعين..كان بتاريخ 9\محرم\1433

واليوم 30محرم..يعني حملي عمره 36 يوم
وحسابي هو نفسه حساب السونار عند دكتورتي

أتمنى تكونوا فهمتوا كلامي الكثير ولبلبتي الزايدة

[نسمة دفا]

تجمعني بكم أوقات أخرى رائعة بإذن الله


إلى اللقاء ..ودمتم بخير

[(( أم يارا ))]

انا الشريط قال لي 6 اسابيع وكمان لما سويت سونار 6 اسابيع وفيه نبض انا استغربت ..لانه الاباضه كانت يوم 26/12 ودورتي 12/12 .. ماقلت شي لدكتوره اهم شي بين الجنين ونبضه الحمد الله .. ام سينا انا قالت لي الدكتوره اروح لها يوم 25/2 باقي مطوله .. ودي يجي نهاية شهر 3 بسرعه عشان اعرف وش اللي ببطني انا ابي بنت واحساسي يقول ولد .. عاد زوجي يقول بقول للدكتوره لاتعلمك نخليها مفاجأه .. قلت انا بأحلامك انا راح اعرف وماراح اعلمك .. ماعندي صبر هههه .. ابي يجيني بنت واسميها يارا ازعجة العالم بهالاسم عشان محد يسميه من الجماعه .. *

[ام سينا]

نسومه الشريط صح لاننا نحط تواريخ ولاداتنا والدكتوره بالاساس بالحسبه
تنقص اسبوعين يعني صح ماشين مع الشريط وكمان عندي برنامج ونفس الشئ ماشئ مع الشريط



ام يارا طيب ليش مستغربه اباضتك يوم 14 من دورتك وبالتالي الدكتوره خصمت اسبوعين
يعني انتي تمام انا مثلك بعد اباضتي14 وبالتالي ماعلمتها لانها تخصم اسبوعين طبيعي

بس لوتبويض متاخر هو الي يحوس لان الدكتورات مايخصمون غير 14 الي هي اول تاريخ اباضه يمكن يصير يعني الي18 او20 تصير الحسبه مي دقيقه

وعشان كذا امورك واموري بان تمام وعلى طول

الله يتمم علينا

[الرشا]

يارب يأم يارا ترزقك بيارا وتفرحين فيها

اتوقع ان شريط الحمل حاسب حساب اسبوعين الدورة
مشان كذا دايم يقولون ان الشهر الاول ست اسابيع

طيب انا اخر دورة 8 - 12 لوزدنا 18يوم لان الاباضة متاخرة 26- 12
وانا دريت بالحمل يوم 13 - 1 يعني كان لي 17 يوم
واليوم 30 - 1 يعني انا الان لي 34 يوم والله اعلم
علا كذا للان مافي نبض لان لسا مانفخت الروح والله اعلم

مشان كذا مابين النبض ....
أحس اني كتبت كثير
صححي لي نسومه