تجمع حوامل ليبيا

janaat · 06-11-2010, 07:10 AM

كيف حالكم يااحلى حوامل نبي نسئل علي حاجه ونبيكم تجاوبوني الدكتوره لما دارتلي الجهاز قالتلي بنوته لاكن الكلف في رقبتي واسمراري واسوداد حلمات الصدر ونزول بطني ووجع رجلي اليمين يقولو من اعراض الحمل بولد ونحلم اني لابسه فيلو يوم اسبوعي وحلمت اني جبت بنت وحلمت اني جبت ولد نقراله في سورة الفاتحة ويقرا معاي وزوجي حلم بولد حلو يقوله اني ولدك شن رايكم فسرولي احلامي وقولولي بنجيب ولدج ولا بنت

smhaa · 06-11-2010, 05:47 PM

اهلا يالليبيات شنو الجو؟؟؟

انيمن طرابلس

جنااااااااااااااااات حلمك هلبة مشاء الله في اللي يتفسر بولد وفي اللي ببنت

بالك توامة؟؟

ربي يجيب لك اللي فيه الخير
بنت ولد المهم ربي يجيه سليم معافي ياااااارب

ربي يثبت حملي وحمل كل الاخوات

ام روفيدة · 06-12-2010, 12:38 AM

السلام عليكم اني جديدة في المنتدى ارجوا ان تقبلوني معاكم واتمنى انكم تفيدوني وتجاوبوني على إستفساري لأني هدا اول حمل ليا عندي الم في الظهر والرجل اليسرى ومرات ما نقدرش نمشي عليها ونحس في حرقة في اسفل الرحم على جهة اليسار وانا في الشهر الثامن ارجوا من أخواتي الرد والإفادة

smhaa · 06-12-2010, 10:00 PM

التجمع مكسد هلببببببببببببببببببببببببة
علاش وينكممم

حبل الوصل · 06-13-2010, 10:07 AM

وينكم ياعرب التجمع

ام اسيل · 06-13-2010, 03:05 PM

خير يابنات حبل الوصل كيف حالك وين البنات وميرنا وينه غريبة ؟انا كنت في البحر من يوم الخميس خشيت ما القيتش اي جديد استغربت ان شاء الله خير

لولى2010 · 06-13-2010, 06:58 PM

كيف حالكم شرفتونا ام رفيده حتى انا فى التامن انت امتى موعدك

عيون زوجي · 06-13-2010, 07:35 PM

السلام عليكم
شن اخباركم يا عيله ماشاءالله نشطتوا من بعدي
انا بنتي كانت مريضة شويه وعندها التهاب في صدرها وخلوها في المستشفى لين تمت كل التحاليل واخذت مضاد حيوي في الوريد
بالله ادعولها بالشفاء هنا في المانيا ايديروا من الحبه قبه
حبل الوصل ربي يعوض اعليك
هنديه موقفك ماشاءالله يعبر عن اصلك
ام اسيل انشاءالله يارب هالشهر ينفع معاك هالتلقيح وتحملي
راجيه كلامك ذهب
منو انسيت اه البنات الجدد هلا والله بيكم
ميرنا شكرا لسؤالك وكلامك الحلو
امال انتي في اي اسبوع بالزبط لاني انا زيك في نهاية السادس
ام لقمان مبروك ماجاكم وتتربى في عزكم
امنيات حابه اسئلك فيه عندنا في ليبيا طب اصلا والف الحمدلله على سلامتك طلعتي من عينها
وفيه خياطة تجميلية في طرابلس ووين مرات الواحد يسئل عنها اضطرار الله لا يقدر

عيون زوجي · 06-13-2010, 07:40 PM

وينكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عيون زوجي · 06-13-2010, 07:46 PM

بنااااااااااات دلوني الحموضه قاتلتني موت دلوني على حل جدري
انا جربت الحليب المسقع والخيار والفول اليابس والكاكاويه النيه بلا فايدة