[ تجمع الحوامل اللي موعد ولادتهم في ذي الحجة 1433 ه ]

[ريفآن كل حيآتي]

المشاركة الأصلية كتبت بواسطة خالة ميدو ...

هاي صبايا
سوري اقصد حريم
اخبارك واخبار الحمال معكم أن شاء الله تمااام
ياحلوات ابغى اقولكم سالفة اختي الله يصلحها
حامل وبنهاية الشهر السادس أن شاء الله راح تولد عَـ بداية ذو القعده>دعواتكم لها
الموهيم ياحلوين ابغى اقولكم سالفتها هيا حالفه انها ماتراجع بالمستشفى الين ربي يسرلها
ونصحناها ونصحتها امي بس مامنها فايده
ولا حتى جهزت وانا احترت ما ادري وش اشتري لها مع انو كلنا نتمنى ان الله يرزقها بولد>تكفون دعواااتكم انو اللي في بطنها يكون ولد كامل من غير زيادة او نقصان ولكم بالمثل
ابغاكم نتصحوني وش اللون اللي اشتريه اذا انا ما ادري اذا هو ولد ولا بنت
يعني لو اشتري ازرق وطلع المولود بنوته عادي يناسبها اللون ولا اشتري لون بيج
ولا وش بالضبط وبالمناسبه وش التجهيزات اللي المفروض احجزها من اللحين
صحباتي نصحوني انو اتعامل مع مره واحجز عندها التوزيعات+اكلات النفاس ومن هالخرابيط
وش راايكم ترى ما اعرف لسى بنوته بس حبيت افاجئ اختي
وايه طقم النفاس من وين تنصحوني اشتريه يعني اللي قد شافت لها مكان يبيع اطقم نفاس فخمه تقولي واذا تعرفون مره تتعاملون معها ياريت تراسلون لي رقهما ع الخاص
سواء لاطقم النفاس والتوزيعات
وايش هي تجهيزات البيبي+ امه يعني الملابس والمستلزمات^^ المهمه
وشكرا مقدما
يالله الهمه ابغى الكل يعطيني رااايه

هآيآت تمآم نحمدوو ليشش آختك ماتبي تعرف لو اني مكانها ماصبرت اذا تبين تعرفين وش تشترين للبيبي وايش يستفيد فيه آدخلي قسم تجهيزات المواليد راح تستفيدين آخذي لون بيج علشان يتناسب للولد والبنت وبعد ابيض البيج والابيض حلوو بعد وآذا بتشترين اخذي من سنتربوينت حلوين ملابس الاطفال احسن ماتحوسين السوق كله

[نور منوره]

المشاركة الأصلية كتبت بواسطة عروسه اموت على البيبي

نور منوره هدي حبيبتي شوي ههههههههههههههههههههههههه ضحكتيني ولله اجل انغثيتي انا ولله جاتني ايام كل مادخلت مالقا احد او يكونون يقرون ولا يعلقون صرت اروح ادور على قصص ولاده واروع نفسي فيها هههههههههههه اعيش الاكشن معهم وبس وعلى فكره اليومين اللي راحت احاول ادخل على المنتدى مايدخل مادري وش السالفه مع المنتديات الثانيه تفتح عادي الظاهر كان عندهم تحديث او شي مين صار معها مثلي ؟؟؟

لوتس حبيبي الشريط يقول انا وأياك دخلنا خلاص على السادس وانا السونار والشريط ماشيين مثل بعض بالظبط نفس كلام الدكتوره هو نفسه الشريط الله يتمم لنا على خير

دلوعته تراك حولي انا دورتي كانت بعدك بيوم يعني انا وانتي ولوتس ورفيقه الحب بين كل وحده والثانيه يوم يعني خلونا نتفق ونولد بنفس المستشفى ونتقابل والله لو فله هههههههههههه والظاهر كلنا بكريات

على فكره بخصوص بالبكريات عندي استفسار اللي سبق لها انها اجهضت وعملت عمليه تنظيف هل تعامل معامله البكريه ولا تعتبر مو بكريه ارجو الرد من ذوات الخبره فقط وطقه البكريات يسكتون ((احم احم ))

ههههههههههه والشكوي لله وربي مليت ابي تجمعنا نشيط


الله يتمم علينا بخير

[نور منوره]

المشاركة الأصلية كتبت بواسطة كاتليا

صبآح الورد

كيفكم ---
نور منوره الااوضاع الحين هاديه تقريبآ كلنا بالخامس والسادس
يعني هالفتره راحه واستقرار بس خلينا نتقدم بالاشهر بتشوفي البنات
24 ساعه بالبتجمع اسأله ووساوس وخووف وتجهيز
الله يكون في عونآ يآرب ويقومنآ بالسلامه
------

عروسه واموت ع البيبي

اي تبقى بكريه وخصوصآ اذا الاجهآض كان بالاشهر
الاولى
~~~~~


انا طلعت من شهر ثقيل دم الي هو الخامس
ودخلت بشهر ثقيل وزن
آحس زاد الثقل بهالشهر

بناات طلو لو بكلمه علشان مانحس التحمع
مهجور أنا اليومين هذي اتابع المنتدى بصمت
لاا عنندي ظرووف وسفر بعد اسبوعين
ادعولي تتيسر اموري



::::::::

الله يسر أمورك يارب
بس اهم شي تكفين لاتخليييييييين القروب

ويتمم علينا وعليك بالخيررررر

[نور منوره]

المشاركة الأصلية كتبت بواسطة لوتس1111

ههههههههـ نور منوره من جد ضحكتيني بس صادقه التجمع هااادي بشكل

بالنسبه لي صراحهـ ضايق خلقي مرررهـ بس احاول ابين عادي جدتي مسافره ياحياتي وتعبت هناكـ ودخلوها العنايه وامي لسى راجعه من السفر من 4 ايام تقريبا وراحت ثانيه عشان جدتي بس الحمدالله حالتها مستقرهـ الحين بس لازم اخلاء طبي ياااارب يرجعهمـ سالمين

وبالنسبه لرمضان انا مع خالتي اصلا يعني راااحه الحمدالله بس لازم اسوي نفسي عند زوجي العزيز اول الايامـ لأنه بدى يناااقرني ويتميلح ههههـ هو خاف اني مااسوي شي ابد لاني عييت نتقضى بس بجد البيت مليااان الله يخليها خالتي ماقصرررت ماليه حتى ثلاجتي وانا ابي اشياء خفيفه وسريعه ع راحتي فقلت خلها شوي هالايام مش ولا بد

وأحيانا بيكون نفطر في بيت اهلي يعني الدعوه سهله الحمدالله ب

خل نشد حيلنا ونقرا قران ونكثر الصلاة والدعاء لبعض بظهر الغيب ^-^ ربي يتمم لنا ع خير ويسهل علينا

سولفت كثيررر

..لوتس

هلا فيك يالغلا انتي الشطوره فيهم
اي قولي لهم ابي القروب نشيط
انا مافكر في الطبيخ ابد حر وحرقان الله يعين
بنات وش رايكم نشتري لبن وتمر وماء ونوزعها في رمضان صدقه
تكفون بنات خلونا نساعد بالافكار

[ام اسكندر]

تصدقو !!!!!!!!!!!!!!










دايما نسمع باخطاء السونار

بس ماتوقعت يخبصو معايا انا !!!!

انا بنص الشهر الرابع قالولي ولد

واليوم رحت نهاية الشهر الخامس وقالو بنت

وواضح انها بنت مافي اي عضو بين رجولها

[كاتليا]

نور منوره

لا ان شاء الله بكون متواجده في التجمع
وبخصوص الصدقه برمضان انا فكرت في
مويآ وتمر
وتوزيعات اذكار تكون تعليقه في الجوال
شكلهآ حلو وتكون معك ع طوول
طلبتهآ من وحده وبتخلصهآ بدآية رمضان


~~~~

زودونآ بالافكار بعد





>><<<

[كاتليا]

ام اسكندر

عادي ي الغلا تصير كثير
انا للحين ماتأكدت من جنسهم
مرآ تقولي بنت واحتمال الثاني ولد
ومرآ تقول بنتين بس مو اكيد

~~

[عباير]

مرحبا ياحلوات


معلش مقصره ما ادخل هالتجمع كثير

اخباركم


الله يتم علي وعليكم ويبلغنا رمضان واهلنا والمسلمين اجمعين

[nur.kh]

زمان ما فتت التجمع
كيفكم يا غاليات و كيف الحمل معكن
الحمد لله انا اليوم فحصت و حكالي الدكتور ولد
طبعا رحت على مركز اشعة مخصوص وكل شي كان تمام الحمد لله و الشكر

كيفكن انتن وكيف بيبياتكن ,,,, و كيف نفسياتكن لشهر رمضان؟؟

[نور منوره]

المشاركة الأصلية كتبت بواسطة عباير

مرحبا ياحلوات


معلش مقصره ما ادخل هالتجمع كثير

اخباركم


الله يتم علي وعليكم ويبلغنا رمضان واهلنا والمسلمين اجمعين

هلا يالغلا
اخبارك إحنا بخير الحمدلله
لاتقاطعين التجمع خلينا علي تواصل
الله يتمم علينا بالخير