دردشات العقم الثانوي (متأخرات بعد الانجاب)

[تعبت اعاني]

مرحبا حبيبات قلبي،،
الله يرزقكن ويفرح قلوبكم بالحمل السليم المعافى،،
بنصحكن نصيحة من تجربة بالرقية الشرعية وخصوصاً للي ماعندها سبب ظاهر بتأخر الحمل اوللي عندها تكيس وارقي انتي نفسك بعد كل صلاة ضمي ايديك واقرأي اية الكرسي المعوذات وانفثي بيديك وامسحي جسمك بيديك،،
والصدقة اليومية لو بريال والاستغفار واكثروا من الدعاء،،
واياكن واليأس خليكم دائما متفائلات،،

[وسناء]

المشاركة الأصلية كتبت بواسطة تعبت اعاني

مرحبا حبيبات قلبي،،
الله يرزقكن ويفرح قلوبكم بالحمل السليم المعافى،،
بنصحكن نصيحة من تجربة بالرقية الشرعية وخصوصاً للي ماعندها سبب ظاهر بتأخر الحمل اوللي عندها تكيس وارقي انتي نفسك بعد كل صلاة ضمي ايديك واقرأي اية الكرسي المعوذات وانفثي بيديك وامسحي جسمك بيديك،،
والصدقة اليومية لو بريال والاستغفار واكثروا من الدعاء،،
واياكن واليأس خليكم دائما متفائلات،،

شكراً لج حبيبتي على هالمداخلة الحلوه وكون انج تجين عندنا وتدعين يدل على طيبتج ياقلبي والله
أنا اليوم لي ثالث يوم من الرقية وإن كانت عندي عوارض الدورة وآلامها بس أملي بالله كبير وربي يعطينا جميعاً قااادر على كل شي

[تعبت اعاني]

وسناء،،
الله ينفعك بالرقية ويرزقك بالحمل السليم المعافى ويفرح قلبك

[الجـازي]

الله يجزاك خير اختي تعبت اعاني

والله يبعد عنك كل معاناه وكدر

[تعبت اعاني]

هلا وغلا فيك يانعومتنا تو مانور المنتدى والله اني حيل فاقدتكم،،
يارب ياقلبي يعوضك بالحمل السليم المعافى اهم شيئ لاتيأسين ولاتقنطين من رحمة الله،،

[na3ooma]

تسلمي ياقلبي ,
الحمدلله مافي يأس ..مجرد مشاعر حزن مع المواقف
ولا الحمدلله حمدا كثيرا طيبا مباركا فيه
احنا بنعمه كبيرة وافضل من غيرنا وكل انسان ربنا اختصه باختبار
ويشوف صبره وتقربه منه تعالى
ربي يستجيب لنا جميعا بهالقسم ويرزقنا من واسع فضله وكرمه

[تعبت اعاني]

الله يرزقك ويرزق جميع اخواتي المتأخرات بالحمل،،
وعلى قولتك هو ابتلاء من الله والواجب هو الصبر والاحتساب وانتظار الفرج من الله،،

[وسناء]

اختي تعبت أعاني والله ماتدرين إيش كثر أكن لج الأحترام والحب أحس قلبك كبييييييير وحاسة فينا بالقوة كل مااشوف مشاركاتك أدعي لج بالسرور وبعد الهم والغم يمكن إنتي مداومة على هالقسم أكثر منا ,وربي يجبر بخاطرك مثل ماتجبري بخواطرنا وإن شاءالله ربي يسمع منك دعواتك لنا

[تعبت اعاني]

المشاركة الأصلية كتبت بواسطة وسناء

اختي تعبت أعاني والله ماتدرين إيش كثر أكن لج الأحترام والحب أحس قلبك كبييييييير وحاسة فينا بالقوة كل مااشوف مشاركاتك أدعي لج بالسرور وبعد الهم والغم يمكن إنتي مداومة على هالقسم أكثر منا ,وربي يجبر بخاطرك مثل ماتجبري بخواطرنا وإن شاءالله ربي يسمع منك دعواتك لنا

ياقلبي ياوسناء،،
انا عانيت مثلكم والحمد لله ربي عوضني عقبالكم ان شاء الله،،
وصرت متعلقة في هالقسم كثير تعودت عليه وعلى العضوات اللي فيه والله العظيم ان دردشات الحوامل امر عليها مرور الكرام ونادراً ما اشارك فيها،،
هنا تعرفت على اخوات واحب ادخل اشوف اخبارهم،،
وان شاء الله ربي يرزقكم في هالجمعه المباركة ويفرح قلوبكم

[نواره2011]

السلام عليكم الله يرزقني ويرزقكم استغلوا اوقات الفراغ وادعوا الله ان يرزقني واياكم بالذريه الصالحه