متى عرفت انك حامل بتؤام؟؟وكيف؟؟وشلون تلقيت الخبر؟؟

[ام التوام اولاد باذن الله]

رفعععععععععععع لااله الا الله

[أم التوأم]

المشاركة الأصلية كتبت بواسطة لن أيئس

ماشاءالله تبارك الله .. الله يحميكم ويحفظكم ويتمملكم على خير حبيباتي ..
اللهم اني اسألك من فضلك العظيم ..
نفسي بتوأم ولد وبنت الله يرزقني من واسع فضله .. الله كريم سبحااااانه ربي مايعجزه شيء في الارض ولا في السماء ان اراد امرا انما يقول له كن فيكون ..
ادعولي فرج الله همها وغمها وكربتها الا تدعيلي الله يفرح قلبها بلي تتمنى الا تدعيلي أحمل بتوأم ولد وبنت ..
والله والله محرووووووووووووووووووووووووووووومه 12 سنه .. تعبت وتعبت زوجي وأهلي والا حولي ..
ادعولي ربي يعوضني ويعوض انتظاري وسنين عمري الا ضاعت ادعولي بتوأم او حتى توائم ياااااااارب ياااااااااكريم فرح قلبي عاجلا غير آجل .. املي باالله كبييييييير ..
اللهم ااااااااااااااااااااامين ياارحم الراحمين ......

يارب يا ملك السموات والارض يا من امره اذا اراد شيئا أن يقول له كن فيكون أن ترزقها وترزقني وكل متاخره بالحمل السليم الثابت بالتوائم الي يعوضونا عن صبر السنين والحرمان والعذاب يالله يا ارحم الراحمين ...

[احساس ملاك]

مرحباااا انا الحمد لله حامل بتوائم ورحت اول مره أعمل سونا كنت بالأسبوع الخامس وكانت الصدمه القويهرحت لحالي وكانت تعملي الدكتووره السونار وقالت لا لا مو معقوله وانا وقتها مره خفت مافهمت السالفه قالت كيسيينوالله مافهمتها وقالت معليش لازم استعيين بدكتور الاشاعه ممكن انا مو شايفه زيين وانا كل هذا ومو فاهمه مفجوعه من كلامها الله يسامحهابس وجلست هي والدكتور يشوفون قامت قالت الظاهر انهم توأم انا وكل واحد بكييس لحاله وجلست أبكي من الخووف قلتلها تأكدي يادكتوره قالت ايه وااااضح وكماان الدكتور أكدلي وطلعت وانا ابكي وأضحك من الموقف المفجع اللي حطتني فيه...

[سحر العيون]

طيب يبين من الاشهر الاولى ولا ؟
لانه انا توني بالثاني وقالت لي الجنين صغير شخطه بيضه
وفي تحته شخطه ثانيه بس مو واضحه
ايش تتوقعو

[توائمـ القلبـ 2011]

حللت اني حاااااااااااامل وفرحت حيل حيل

ويوم رحت اسوي سونار لشهر الثاني قالي الدكتور اني حامل بتوائم طبعااااا فرحت حيل حيل

واول حمال لي يعني بكر مادري شنو السالفه بين خوووف وبين فرح

وزوجي بعد حيل استانس بس صار الخوف والحذر واااااااااااجب


يسلمووو حبيبتي ع الموضوع الشيق

[كنت احبك]

انا صرحة حامل بس موبتوام واتمنى يااااااااااااارب ترزقنى المرة الجاية بتوام يارب

[زوجي قليبي]

يارب ترزق كل من تمنت التؤام وترزقني يارازق ياكريم

[تبولة حامضة]

مرحبا اخواتي العزيزات ..
كنت متابعتكم من زمان بصمت وهذي أول مشاركة لي ...
طبعا حامل بتوأم في شهري السادس ..
وهذا ثاني حمل لي ..
أما عن شلون تلقيت خبر حملي بتوأم .. وصلت لنهاية شهري الرابع وكنت للحين ما رحت راجعت ولا عند أي دكتورة .. كل يوم اقول اليوم اللي بعده بادور لي دكتورة موثوقة وباروح عندها اراجع وعلى الاقل اسمع نبض الجنين ...
الوحام اللي صادني مب شوي .. عفس نفسيتي عفاس .. حتى الماي ما كنت أقدر أشربه .. و ريقي ما كنت اطيق ابلعه .. ونفسيتي زفت اربعة وعشرين ساعة .. المهم .. كان وحام ثقيل ومتعب جدا .. الشي الغريب اللي لاحظته الثقل .. يعني من الشهر الثاني والثالث كانت تجيني آلام في الحوض والفخذ وثقل مثل اللي في الشهور الاخيرة .. هذا بصراحة استغربته ..

المهم .. في يوم اتصلت آخذ موعد عند دكتورة منى الشرقي .. وكنت على اساس بس ابي اسمع نبض البيبي واشوف جنسه ومنها اتابع معاها اذا في مجال ..

رحت موعدي وكان معاي زوجي وبنتي .. قلت للدكتورة جنس البيبي ابيه يكون بيني وبينج بس ما ابي زوجي يدري بعدين راح اعلمه بطريقتي ( خبركم الرجال ما ينعطون سر .. اذاعة .. اخاف يدري ويعلم الكل ) ... بدت تمرر الجهاز على البطن ... شوي الا اسمعها تقول لزوجي : اول مفاجأة لك .. ( قلت بخاطري هذي اللي يقولون عنها وصي عليه ولا تتكل ) الا تكمل كلامها وتقول له فيها اثنين مو واحد ..
اهو بطل عيونه وكنت ذيك الحزة مو مستوعبة واقول لها : شنو ؟ شنو ؟
زوجي يسألها : توأم يعني ؟
واهي تقول ايه شوفو هذا واحد وهذا الثاني ...
وكملت فحصها واهي تكشف لي عليهم وعلى اوزانهم وماكنت معاها أبدا.. دخلت في نوبة ضحك واحاسيس غريبة .. احس العالم غير .. واحس حالي في حلم ..

النكتة في الموضوع .. انّي ايام وحامي ومن شدته وثقله كنت على طول أصيح واقول لزوجي : كل هالتعب على واحد .. جان زين على اثنين ... وماكنت ادري انّي فعلا حامل باثنين ..

هذي تفاصيل معرفتي بحملي التوأمي .. أتمنى كل وحدة تتمنى توأم الله يرزقها .. ويرزق المحرومين يارب ...

أشوفكم بألف خير ...

[سوهان]

الله يرزقنا ويرزق جميييع المحرومييين يااارب

بتوأم معافى وسليم يالله ياكريم

قصصكم واايد حلوه

الله يسهل عليكم يااارب

[silver shadow]

الله يسهل عليكم حواامل التوأم

المشاركة الأصلية كتبت بواسطة ساجدة للرحمان

بس يا بنات التوام بيظهر فيه كيسين حمل مو كيس واحد


كيف ما بيبين من الاول؟؟

انا الدكتورة عملت لي سونار في شهري الاول و في شهري الثاني و كا كل مرة يظهر كيس حمل واحد مو اثنين


يعني انا اللي فهمته منكم انه ما بيبين مضبوط الا عند الشهر الثالث

حبيبتي في نوعين لحمل التوأم

فيه توام متشابه يكونون في كيس واحد ومشيمه وحده يعني كانت بويضه وحده وانقسمت
وما يبين في السونار من البدايه انه توأم ويكون جنس التوام واحد

وتوام غير تشابه يكون فيه كيسين ومشيمتين يعني بويضتين وهذا اللي يبين من البدايه حتى من الشهر الاول وممكن يصير التوام بنت وولد وتشوفينهم مو مره متشابهين