°•.¸.•°°•.¸.•°ملتقى الحوامل الرابطات عنق الرحم°•.¸.•°°•.¸.•°

[امي الحنونه]

السلام عليكم............ كيفكم حبايبي والله لكم وحشه بس والله اجهضت قبل عشرين يوم ونفسيتي تعبانه هذا الاجهاض الرابع والحمدلله عندي ولد وبنت بس تعرفون الحمل والتعب ومافيه حركه وكنت رابطه بس ماقسمه الله اجهضت بالشهر الخامس كنت توني داخلها الخامس بالاسبوع العشرين وجبت ولد ولدت طبيعي ونزلت المشيمه والحمدلله ماسويت تناضيف والسبب جاني مغص خفيف وبسرعه نزل الماء والله يمكن خلال نص ساعه وراحت لدكتورتي ومسافة الطريق ربع ساعه وصلت المستشفى ونزل دم وبعد ساعه فكت الربط وبعد ست ساعات جبت وتقول الدكتوره جاك طلق فجأه لان الرحم مشدود وهي ماعطتني ابر وحبوب تلين الرحم والله اعلم الحين وش تنصحوني فيه؟؟؟؟ وين اروح اي مستشفى حلو انا ساكنه في حفر الباطنوكنت اراجع عند نور خان مستشفى خاص ...استنى ردكم

[جنان الورد]

صباح الخير حبيباتي
دخلت المنتدى وتكدر خاطري على اخواتنا دلوعة يزيد وامي الحنونه
دلوعة يزيد
مثل مالله رزقك بالطفل الاولي اكيد بيرزقك بالطفل الثاني يارب
بس يبي لك صبر
اني اجهضت شهردي الحجة والله رزقي بشهر ربيع الثاني يعني بعد 4 شهور
واني بعد لو ماجهضت بشهر دي الحجة كان ولدي الحين عمرة 4 شهور
بس كتبه الله فوق كل شي اختي مالك الا الصبر ويمكن هالشهر الله يرزقك

امي الحنونه
ضاق خلقي عشانك اني مثلك امسويه ربط والحين اني بالاسبوع 20 بس خفت عشان الدكتور ماعطاني ابر او حبوب تلين الرحم واول مرة اسمع بهم يغني ضرورين هدولين يارب لطفك ورحمتك

[حلليمو]

صباحكم خير.......... ووانا بعد تضاايقت

دلووعه ....اسال الله بقوته وجبروته ورحمته وقدرته الا رزقك هذا الشهر

حمل معافى يكتمل لين تشووفيه بين يدك ياارب

أمي الحنوونه الله يعوضك ما فقدتي وشفيع ان شاء الله

والحمد لله ع كل حال انا اجهضت مرتين بالخامس وكان ولد وبنت

والان عندي في الجنه اثنين يارب شفعاء ..

بس سؤال كيف يعني الرحم مشدود وايش هو الملين اول مره اسمع عنه ..؟؟

[امي الحنونه]

اهلين خواتي جنان الورد و حلليمو الله يثبت حملكن ويزقكن الذريه الصالحه انا بعد اول مره اسمع بهذا الشي بس الدكتوره اندهشت لما سقطت تقول كان كل شي زين تقول الابر والحبوب والله نسيت اسمهن تقول يعطن من الاسبوع الخامس عشر تقول علشان عنق الرحم مربوط ويكون مشدود ولما يكبر حجم الرحم يشد والابر والحبوب تبعد التقلصات والطلق واسالن عن هالابر والحبوب وعطني خبر لان الدكتوره تقولي شهرين وبعدين احمل لان كل شي عندي زين وعلى فكره انا كنت استخدم حبوب دوفستان وتحاميل شرجيه وابره كل اسبوع لمدة شهر من الربط والله عطى والله اخذ لا اعتراض على حكم الله

[امي الحنونه]

وانا اتوقع فيني قرينه لا كل اجهاضاتي كانوا اولاد

[امل الوجود]

صباحكم عسل وتفاؤل ..


حبيباتي الله يعوضكم ان شاء الله .. فوضو امركم الى الله .. ما تدرون عساه عن صلاح لكم ما تدرون . الله ما يسوي شي الا في صالحنا .. بس طبيعة الانسان عجووول في كل شي .. وكل شي يتمنى يبي يحصله بسرعة .. بس اكيد في حكمة من الموضوع .. طبعا انا ما اتكلم لكم من فراغ انا مريت بنفس تجربتكم .. و الحمد لله .. هذاني حامل الحين ..


مثل ما قلت لكم اهم شي النفسية و التفاؤل .. وتكونو على يقين ان الله ما راد يتمم هالشي لان صلاح لكم .. ما تدرون يتم الحمل .. بس انتي يصيدج شي لا سمح الله.. او البيبي يجي لا سمح الله مو كامل او مشوه او مريض .. او ان يطلع ولد عااااااااق ..

الله يرزقكم الذرية الصالحة .. المعافاه كاملة الخلقة دون زيادة او نقصان .. ويثب حمل كل حامل يارب .. وتقر عيونا بشوفت البيبي .. يا قادر ياكريم ..

[كراميلا]

كيفكم بنات

مرة تضايقت من تسقيط امي الحنون


جنان انا مثلا فقدت بنتي بذو الحجة وهي بنت سته شهور. هالمرة مرة خايفة من نصيبي معنى اني عارفة ان مقدر. ومكتوب بس مليت ابي ضنى الكل يحمل معاي اشوف تولادهم وانا اوقف في نص الطريق شفت الموت بنتي من ولادة متعسرة ونفسية تعبانه هالمرة ماني متحمسة كثر ماني خايفه

[سمية سوما]

السلام عليكم
كيفكم يا بنات التجمع
الله يتمملكم على خير
ادعولي الله يرزقني الحمل السليم ويتممهولي للشهر التاسع
انا اللي فتحت التجمع
وكنت حامل ببنتي لكن للاسف ولدت بالسابع وماتت بنتي
انا عندي ست اشهر من ولدت
وحابة احمل تاني بس خايفة

[غلا القلب]

دلوعة يزيد
ربي يرزق بحمل سليم تااام عاجلا غير اجل بقدرة القادر الأحد

امي الحنونه
أسأل ربي الرحيم ان يجيرج في مصيبتج ويخلفج خيرا منها والله يجعله شفيع لج يوم القيامه وربي يرزقج بحمل قريب تااام بعدزتك وجلالك يااكرم الاكرمين

سمية سوما
ربي يجعل بنتج شفيعه لج يوم القيامه ويرزقج بحمل تاام في القريب العاجل انما امره اذا اراد شيئا فإنما يقول له كن فيكون



لا تيأسوا من رحمة الله وكله في ميزان حسناتكم والله ان ضاق صدري عليكم اعوا الله انه قريب سميع مجيب الدعاء وراح ادعيلكم انا بعد يااخواتي

[سمية سوما]

شكرا لك غلا القلب على الدعوات الله يتمللك حبيبتي

قولولي يا حوامل انتو لما تروحو للدكتورة مشان الفحص
كيف تفحصكم بالسونار بش ولا تكشف عليكم داخلي