ديوانية حوامل البحرين

[حروف عاشقة]

اي والله سهر وما فيه نوم ، امي كله تقول لي نامي الحين مدام حاصل ليش النوم بعدين بتصيحين مع عيالش ، عن حسب تعويض :)

[أم حماني]

اي والله .... انتي اثنين ,,, بس لازم احد يساعدج مابتقدرين بروحج

[حروف عاشقة]

على المساعدة الكل عارض لي عضلاته من نسوان اخواني واختي كلهم يبون يساعدوني بس حزة النوم الكل بيشرد اولهم زوجي يقول لي تصرفي وياهم هههههههه ،، بس الحمد الله يبت لي شغالة تساعدني ..

[حنين للماضي]

الف الحمدلله على سلامتش اخت حروف
وربي الشاهد ماقدرت اكمل ردش رحت على طول آخر سطر قريته واطمنت ورجعت قريت ردش من البداية
عسى ربي يبعد عنش وعنا كل سوء بحق هذا الشهر
وتحملي في روحش اذا تسبحين قعدي احس ليش لاتوقفين ترى خطر

حبيبتي روز مشكورة على السؤال
اني الحمدلله
انتي شخبارش وشخبار النساة في شهر الله؟؟؟

حبيبتي شمس الف مبروك
ها طلع نفس توقعاتش لو توقعات زوجش؟؟
اني باجر بروح ان شاءالله وبنجوف شنو يطلع؟؟
طلع نفس اللي تتمنينه شكلش صح
عسى ربي يقومش بالسلامة

هلا ام حماني
شخباااااااااااارش؟
عجل كله مطيحة بيت الوالد هااا
بصراحة اني بعد ماارتاح اله بيت ابوي
بس بعد مايصير لازم ساعات اروح بيت عمي وساعات زوجي يكون تعبان يعني مانقدر ليلية نروح بيت ابوي
شخبار حماني اليوم؟؟
يحوس بعد في الشهر التاسع؟؟

وشخبار باقي الحبايب بنت الاياويد والاخت فتاة وبنك قرل(شكلها ولدت ماتبين)
ام يساف خلاص تنتظر لحظة الفرج عجل
عسى ربي يسهل عليش

[بنت الأياويد]

عدناااااا ،الطبخه طلعت زينة ريلي اعجبه مادري يجامل ولا من صجه لان وايد تعبت اليوم
الخط مال المنتدى صاير وايد صغير مادري شطقيت وصار هلون في احد يعرف شلون ارجعه ؟

[أم حماني]

المشاركة الأصلية كتبت بواسطة بنت الأياويد

عدناااااا ،الطبخه طلعت زينة ريلي اعجبه مادري يجامل ولا من صجه لان وايد تعبت اليوم
الخط مال المنتدى صاير وايد صغير مادري شطقيت وصار هلون في احد يعرف شلون ارجعه ؟

الحمدلله نجحت الطبخه ... بالعافيه ان شاء الله... انتي يمكن ضغطتي على الزوم مال الشاشه ... شوفي باليمين تحت فوق الساعه ..

[أم حماني]

هلا الغاليه حنين ... حماني بخير بس من شوي ياني الم قوي ببطني وظهررري ... بس تم شوي و راح ... خفت تكون ولادة بس راح الالم

[بنت الأياويد]

هلا حنين الماضي احنا بخير نسأل عنكم

[حروف عاشقة]

هلا هلا بحنون

الحمد الله اني بخير الحين والحمد الله على كل حال ونصيحتش لازم باخدها بالحسبان الحين ما في شدة طيحة بعد خلاص توبه معنه كل شي مقدر ومكتوب بس على قولت القايل الحدر واجب ..

وذكرتيني بشمس الصباح العيارة ما قالت لينا ويش قالو ليها عن جنس البيبي شكله تبيه سر لو مفاجأة حتى علينا ..

عيل حنون بكرة موعدش إن شاء الله يطمنونش عن البيبي ويطلع مثل إلي تتمنينة يارب

وام يساف شكلها ولدت ما بينت للحين لو حزتها عن السحور تدخل :) ،، إن شاء الله ولد بالسلامة

هم بعد بنك قيل شكلها ولدت من زمان ..

[أم حماني]

ام يساف كأنه موعدها الاسبوع هذي وبنك قيرل بعد من زمان مختفيه... ان شاء الله يدشون يطمنونا عليهم