تجمع الجزائريات الغاليات المتأخرات في الحمل ‏

[jiji belle]

المشاركة الأصلية كتبت بواسطة ندى الوردة

مالة لاطلالع لا مبرجة لا تحواس هه

هههههههههههههههههه لالا درنا الطلالع و المبرجة نهار الجمعة لي فاتت كانت الشمس
بصح التحواس مكانش ربي يهديه خويا راح عند خطيبتو حوس معاها حتى شبعو هي تسكن في بلاصة مليحة جبل و الدنيا خضرا و انا و ماما قعدنا في الدار
عيطت لراجلي في قسنطينة درتلو حالة قتلو الناس مخطوبين برك و راهم مربعين وانا قاعدة في الدار هبلتو مسكين

[ندى الوردة]

المشاركة الأصلية كتبت بواسطة أم نهى الجزائرية

اهلين جيجي و بسومة واش حوالكم

ههههههههههههه و الله والو كنت لاتية مانيش قادرة نحك راسي طبو علي لافامي تاع راجلي قعدو عندي 3 ايام و هما جيش واش نحكيلك قريب هربت و خليتلهم الدار

ما نكذبش عليك و الله غير كرهتها الدار الي رانا فيها حاسبينا اوتال يجيو يقعدو قد ما يحبو ياكلو و يشربو و يرويو و يرقدو و انا كي الخدامة عندهم و زيد فوق هذا كامل يشنفو و ما يعجبهمش الحال و يفتنو ااااااااااااااااااااااااااااااه رابي ياخدهم و يهنيني منهم

معليش عندك أجر ان شاء الله وكيعادو يجيو هكذا معناه يحبوك ولا مكنوش جاوك

[ندى الوردة]

المشاركة الأصلية كتبت بواسطة jiji belle

هههههههههههههههههه لالا درنا الطلالع و المبرجة نهار الجمعة لي فاتت كانت الشمس
بصح التحواس مكانش ربي يهديه خويا راح عند خطيبتو حوس معاها حتى شبعو هي تسكن في بلاصة مليحة جبل و الدنيا خضرا و انا و ماما قعدنا في الدار
عيطت لراجلي في قسنطينة درتلو حالة قتلو الناس مخطوبين برك و راهم مربعين وانا قاعدة في الدار هبلتو مسكين

بصحتهم خلي يتمتعو ههههه
وانتي المرة الجاية ابروقرامي روحك قبل الوقت اربطيه راجلك هههه

[bassouma]

صباح نور أمومة كي راكي كانش وحم و لا مزال

[احلى شيء الاموموة]

اهلا ندى واااش جديدك وين وصلتي؟؟؟؟

[ندى الوردة]

المشاركة الأصلية كتبت بواسطة امال3

صباح الخير لبنات ندى الورد البنت في المنام خير بنات من نام منام من اللاحسن تبقى في الستر خاطرش كاين وين افسرهالك الناس شر

صح عندك الحق ان شاء الله خير
بارك الله فيك

[jiji belle]

المشاركة الأصلية كتبت بواسطة ندى الوردة

بصحتهم خلي يتمتعو ههههه
وانتي المرة الجاية ابروقرامي روحك قبل الوقت اربطيه راجلك هههه

ههههههههههه ان شاء الله
انا الدورة تاعي 4 ايام و الخامس افرازات بنية

[ندى الوردة]

المشاركة الأصلية كتبت بواسطة احلى شيء الاموموة

اهلا ندى واااش جديدك وين وصلتي؟؟؟؟

أهلا بيك حبيبة
والله السطر مزال عندي بسح خف على ليامات الي فاتو كي نطابس نهز حاجه من الارض تجيني كي الشوكة في المبيض الايمن وبدأ يوجعني ليسر ثاني على خفيف
ويااارب بشرى خيييير
وانتي سلفا

[احلى شيء الاموموة]

ان شااء الله خير ربي يفرحك....انا نحمد ربي راني مع الوحام راسي قتلني وظهري كون نلقى غير راقدة.....مي ماعليش ربي يكمل ان شااء الله ...
جيجي ربي يسهل لي فيها الخير....

[ندى الوردة]

المشاركة الأصلية كتبت بواسطة jiji belle

ههههههههههه ان شاء الله
انا الدورة تاعي 4 ايام و الخامس افرازات بنية

4 أيام شوية بزاف كومام
تعرفي قريت في موقع اسلام ويب انو الدورة القصيرة علامة جيدة للمرأة يعني ممكن كانت هرموناتك مخلطة عليها كانت طويلة
ربي يفرحك لا ميش المرة هضي المرة الجاية ان شاء الله