تجمع حوامل ليبيا

[ميراس]

صباح الخير يابنات الف مبروك يا حبل الوصل والله افرحنالك وعقبال اللى يستنى انشالله اسمعوا انا امبارح قريب اهبلت تصورا لين هسترت وانا انعيط عالفيديو امتع الجنود الليبين اللى نكلوا بجتتهم بعد قتلوهم بهده الطريقة الوجشية انا نقسم هادو ماليهم علاقة لا بالانسانية ولابالاسلام ياربى ويقولو عنهم ابطال وشهداء هادو مفروض ايشدوهم وايقطعوهم فى الساحة الخضراء امام الناس كلها زى علقوا هالجندى اتشوف فيه امه واخواته واهله ليش ياودى ماليهم علاقة بلالاسلام هادو حرام حتى من ايصلى عليهم هادو كفرة وايقولولى شهداء هم افروخ حشاشة سكارة امهلوسين معقولة يقتلوا بهده الطريقة وهم صاحيين مستحيل يانارى جنود ايؤدوا فى واجبهم ايديروا فى واجبهم انشالله ربى يرحمهم واصبر اهليهم يارب والله ينصر القايد كنا عايشين فى امن وامان زيطوا توا فى التخريب والدمار والقتل والتنكيل ياربى انصر القايد عليهم يارب

[ميراس]

بعدين فى حاجة تانية اللقطة الجديدة اللى طالعين بيها المرتزقة احنا الليبين والله هالشقر اللى جايين من اروبا ىاودى كلنا سمر وهادى طبيعتنا واللة انتم ياعرب الشرق عايشين فى كوكب تانى واول مرة اتشوفوا بشر سود انخلعتوا منهم والله حالة

[ميمونة]

الف مبروك حبل الوصل ربي يتمملك علي خير

[غرام الغالي]

اهلا بنات
عساكم بالف الف خير
و انتبهوا من تكرار كلام مش صحيح و ياريت لو مش فاهمين و متاكدين من المعلومات
تتركوا هالفتنة بالسنتكم على الاقل
و مش كل حاجة بالتلفزيون صح
و الانسان كرامة لا مال و لا غيره
المهم الف مبروك وصال انت صارلك زي بعد خمس سنين انعم الله عليا و حامل هالسنة المتوترة
نصيحتي ابعدي عن متابعة الاخبار و خليك براحة نفسية
و لن يصيبنا الا ما كتب الله لنا
و ان شاء الله يسرلك حملك و يبارك لك فيه

[تيمو ليبيا]

ميراس بلهي عليك معاش تحرقي دمك في رب كريم يا خد الحق ام قصي حبيبتي انتي وجعتيني زي غيرك بس مش حنزل من نفسي تاني ونقعد نتعبط لاني نادمه جدا في يوم تكلمت بطريقه هادي انتي تقولي حياتنا تنظمت توا احسن من قبل بلهي عليك كيف كانت حياتك قبل17\2 انتي بفمك اتقولي كل يوم عندي لمه ومناسبه وتحكي وتهليلي بلهي عليك وينه توا عندكم لامدارس ولاقرايه ولا في ناس تطلع تبونا نتقتنعو انكم قبل احسن حرام عليكم كنتو مرتاحين وصغاركم بحداكم توا بلهي عيل صغير وعنده سلاح ويقتل في الناس ال مش راضين علي تورتهم زي مايقولو خربو البلاد وجابو الامريكان وعندك علم 1200جندي في قناة السويس بيخشو ليبيا يارب رحمتك يارب

[غرام الغالي]

ام قصي و محمد
ارجو الله ان تكوني بالف خير
عاشقة الصحراء
شخبار الوحم معاك و ان شاء الله امورك تمام
اية و ام سعد و ليبيا قلبي عساكم و اطفالكم طيبين
الطرابلسية
ان شاء الله تكوني طيبة شكلها عصيدتك وصلت ان شاء اله على خير و سلامة

[غرام الغالي]

ام روفيدة
كيف الحال و ان شاء الله امورك تمام

[حبل الوصل]

شكرا لكل من بارك لي عالحمل
والعقبة للي يتمنى
وبعدين تقولو مش كله حق شفتو الراجل الاسمر السمين يلي في الفيديو هذا من بلادنا وهذا الحق وتوة هله قريب يهبلو ربي يصبرهم ويفكنا من هالناس اللي بتخرب بلادنا

[عاشقة الصحراء]

السلام عليكم يابنات كيف حال الجميع بدون استثناء ؟؟؟
أول شي ألف ألف مبروك لحبل الوصل وربي يهنيك ويتمم عليك بالخير وتشوفيه على ايديك والله فرحتلك ...
حبيبتي الغالية أم قصي كيف حالك ؟؟ وكيف حال راجلك وبناتك والله استحشتك هلبا وبالفعل تمنيت لو نعرفوا أرقام بعض ... ردي بالك على روحك وانشالله ربي يفرج هالوضع ونرجعوا لحياتنا الطبيعية يارب ...
أضوء حبيبتي كيف حالك ؟؟؟
ميمو السمحة شن أخبارك وكيف حال آية معاش طمنتينا عليها وهي معاش خشت ؟؟؟
نسرينا وينك ياغالية ؟؟؟ شفتي قعدنا في الحوش والحالة حالة وتعرفي صاحبة المكتب اللي كنت نشتغل معاها سافرت وهربت مسكينة من الخوف .. ربي يفرج وخلاص تعرفي نعرف هلبا ناس سافروا ... انشالله ترجع ونرجع لشغلي لأني انحبه ومرتاحة فيه ...
والقرية طبعا سلامتك توا الله علم لأمتى بنقعدوا هكي الكل بدون قراية حماتي مسكينة تحضر في دراسات عليا في الأكاديمية وكان شهر 3 حيبدا سمستر التخرج عندها وتوا لا فيه تخرج ولا سمستر مسكينة متحطمة ...
وخوي المسكين حتى هو سنة خامسة طب وقرايته كانت ماشية تمام وماشالله عليه امتياز ديما .. نفس الحالة توا القراية واقفة ومافيه حد عارف شن مصيره ... ربي يستر يااااااااااااااااارب
غرام الغالي حبيبتي كيف حالك وردي بالك على روحك وبالفعل بعدي عالنشرة تعرفي اني صارتلي حالة هستيريا في بداية المشاكل بعد ماشفت صور الميتين في التلفزيون وخشيت لداري نسمع في صوت الرصاص لأن فشلوم قريبة منا تعرفي انخنقت وهرب عليا النفس وقعدت نعيط وغبت عالوعي والله العظيم كانت ليلة مرعبة ..راجلي مسكين مات من الخوف عليا وعزوزتي والعيلة كلهم ارتعبوا ... والله خفت عاللي في بطني ...
عيون حبيبتي كيف حالك وكيف حال صغارك ؟؟؟ حموده شن جوه قاعد هكي بدون طهور ههههههههههههههههه استحشتك وعندي ملاحظة بسيطة حبيبتي وعارفة روحي نتدلل عليك ولو مش هكي مستحيل كنت نتكلم .. ملاحظتي هي على كلامك الأخير عالقرضاوي والعريفي والقرني ماكانش مفروض تقولي عليهم هكي وبالذات انهم كلهم شيوخ مشهود ليهم بالخير وحتى لو مش هكي اني وحدة من الناس اللي مانحبش نجيب سيرة العلماء لا بطيب ولا بسئ ... يعني الواحد يخلي روحه عالحياد أحسن ماياخد الذنوب وهو يكفر في الناس ... حبيبتي هذي ملاحظتي واني انحبك هلبا وانشالله ماتزعليش مني مجرد وجهة نظر ....
أم روفيدة كيف حالك ؟؟؟
تيمو شن أخبارك ؟؟؟
سلامي للكل وانشالله تكونوا كلكم بخير

[عاشقة الصحراء]

أم جنادين حبيبتي ربي يعطيك اجنادين عن قريب ووسعي بالك مرات تتوحمي ومش حاسة بروحك ... اني حنقعد نقولك حكومة لأني تعودت عالإسم لو مش مضايقك .ههههههههه
طرابلسية حبيبتي انشالله تكوني ولدتي على خير ... بنت خالتي ولدت في الحوش بروحها وجابت بنوتة تجنن ماشالله عليها عقبال الجميع يااااااااااااااااارب ... مغامرات وخلاص