ديوانية البحرين - دردشة حوامل البحرين - البحرينيات

[بنوتة حلوة]

على فكرة الاحلام اللي تصير في الليل هي اللي اضغاث احلام ومو حقيقية .. والاحلام اللي تصير في النهار هي اللي ليها معنى وتفسير .. وعموما في احلام جاية من كثرة التفكير في شغلة معينة والشيطان بعد الله يكفينا ويكفيكم يتدخل في الاحلام عشان يوسوس يعني لا تاخدون الاحلام على محمل الجد ..

اني قبل كله احلم اني بجيب صبي وصبي جميييييل بعد على ابوووه شعره كثيف وناااعم وكله يضحك .. جم مرة قبل لا احمل وعقب ما حملت قمت كله احلم اشياء مخربطة ,,

أمس الشغل طرشوووا ليي هدية نسيت اقول ليكم عنهااا .. فستاااان جميل وجوووتي من محل مونسووون حدددده بلاوي الفستان @@
بصوره وبحط ليكم الصورة بعدين ..


شخبار بعد ؟؟؟

[طفلي حياتي]

ماعليه يم خط بني
توني بسترسل في كتابة خطابي الجماهيري قلتين بتروحين
تيسري في امانة اله وحفظه
انتين مافيش فايده تستانسين على اللي يخوفش لكن اني اطمنش واقول لش هذا هرار مايعجبش تبغين تعيشين على اوهام الحلم عيشي وخلي الوسواس يأثر على هالقرع المرعوص داخل وتالي قولي ليش ولدي عنيد؟؟ ليش اقول له انت حيلو يقول انا مو حليو لاني اشبه الماما
خلي عنادش ينفعش
وغدانه مابقوله الا اذا عترفتين اني فنانه واحسن من منال وافنان
مع السلامه

[طفلي حياتي]

اووووووووووه بنوته ني ام الفتاوي هلا والله تو مانورت الديوانيه اقلطي
بنوته بلا شلخ علينا الاحلام ليها وقت خاص الليل والنهار مو شرط ليل او نهار
يا الله راوينه فستان بنتش اني شوي وبمشي

[بنوتة حلوة]

احين مافيني شدة أصووور ووقعة .. بكبري توني متغدية واحين حزة القعدة .. لازم كلاص جااااي صاخن للحين مافيني شدة اسويه ليي انجان تسوين خير تطرشين ليي قطرة من الدلة اللي تسوينها لرجلش كل يوم .. بتمشين وين بتروحيييين ؟؟؟

[طفلي حياتي]

عموما بنوته اني مضطره امشي كملي هرار وخلي الصوره وان شاء الله بعدين اشوفهم
بااي

[طفلي حياتي]

لا ماسوي له جاي كل يوم هو اني اشوفه هالحزه؟؟
اليوم هو اول ليل اكل غداه مسكين ومشى لا جاي ولا شي
بمشي بيت ابوييي الليله الوفاه بروح اشتري قسام واشوف الكتب برزوهم لولا وماعندي شي هنا ملل
يلا في امان الله

[فلونة]

طفلوو،،، ههههههههههههههههههههههه ما حصلتي لج الا لون خطي.. انتي ام لسانين ما ينقدر عليج ول ول كليتيني بقشووري حشى ما مداني قلت احم .. وانتي كله مسوية روحج مديرة في اهني وحتى في بيت ابوج الله يعينهم عليج بس ,, و ان شاء الله نفس ما قلتي اضغاث اضغاث بس لا تعصبين علينا :p

بنوتة،، احنا حالتنا كسيفة المفروض الوحدة قبل لا ترقد تقرى المعوذات وتتعوذ من الشيطان بس احنا نحط راسنه ونفكر شلون نبي نخمد.. يلا راوينا فستان بنتج
كلكم خذيتو اشياء حلووة بس انا ماخذة كله مشابيك بيضة وبيج ..

[om khalil]

مساء الخير عالحلوين ماجورين جميع

يارب نسمع خبر عنش ياشمس شكلنا تسببنا لش هيك الليله هههههههه
مدام مابينتين الصبح شكلش في وقعة لطلوق ياعلييييييي هونها علينا جميع يارب

بنوته ياخلف جبدي ما اشتريت شي للحين لجل عندي اشياء وايد من بتي، بتشرى قريب ان شاءالله لين قدرت اروح اماكن التخفيضات. اني شفته في السونار واضح بس مادري خوفتني اللي قالت انه مسويه 3 دي مادري 4 دي قالوا بنية وتالي طلع صبي.

روز ذبحتيني من الضحك تخيلت هالمينون يادافع البلا لاصق ويهه في الجامه هههههههههه أني منش يبست


طفلي هايمه اليوم مابتتحصل
باقي الحلوات يارب كلكم تكونون بخيرر

برب بتي عليها واجبات جامعه مو روضه اشوفكم على خيررر

[أحلام أم]

مأجوريين بمناسبة وفاة الإمام الحسن (ع)
روز سول
عليش بأكل الجرجير واايد مع الليمون يرفع الدم والكيوي زين بعد

[om khalil]

ماجورررررررررررين جميع والله يعودنا وياكم السنه وكل سنه ان شاءالله

اذا الكيوي زين للدم على قولتش أحلام أم باكله عل وعسى هيكو مقطوط في الفلاجه

تدرون البارحه شمس تقولي موعدها اليوم في البديع ويايي،، بتدور وحده حاطه ايدها على ضروسها اكيد اني خخ
واني صرت ادور وحده من الحوامل رايحه عليها وعلى ويه ولاده دورت بس ماشفت الا ثنتين شكلهم اول موعد ليهم والباقي كله تطعيم يهال..

يارب نسمع عنش خبر زين قريب ان شاءالله..