تجمع الجزائريات الغاليات المتأخرات في الحمل ‏

[ندى الوردة]

أهلا بارة ماقدرتش مانجاوبكش مع انو عينيا قريب يتقفلو
انا سطايفية اسمي آسيا وانتي منين
بالنسبة لبضور البصل جربتها هاذ الشهر وربي يجيب الخير راني نستنى في النتيجة
وبالنسبة للسيت الحمد لله معناه المشكل من السيت ماشي من عندي برك كامل تصرالكم

[ندى الوردة]

وثاني اليوم ثالث يوم عندي السطر في الاوفير الأيمن ميتة بالخوف خايفة يكون كيست لا قدر الله

[bara]

تشرفة بمعرفتك يانداءوتشرفنا بناس سطيف انا احلام من الاغواط
ربي يجيبلك لفيه لخير وتبشرينا بحملك في القريب العاجل وبشفى عليك كم يوم من الدورة بلاك ايام التبويض

[ندى الوردة]

الله يسلمك وخيار الناس ناس الأغواط ومعرفة خير
ايه المفروض اليوم خلاص التبويض كان اول البارح والبارح والله خايفة تقولي اليكتريسيتي في لوفير ومقابله بالظهر ياربي خير برك
وانتي عندك ولاد ولا عروسة

[ندى الوردة]

السطر يجي ويروح الي عندها معلومة تفيدني يقوى ويخف وهي رايحة
السطر تاع ليكيست يقعد طول ولا يجي ويروح

[bara]

طهورا انشاء الله
والو معنديش ذراري عندي عام وثمن اشهر زواج وانت عندك ذراري

[bara]

انشاء الله غير الخير لعندها كيسة يعود عندها اضطراب في الدورة مش سطر بنت عمتي دائما ديرلها روطاروكل مرة تقول حمل كي كشفت لقاتو كيست ودارت اعشاب وراحولها وبعدها بشهر حملت
انشاء الله قع ميعودش عندك كيسة

[ندى الوردة]

راهم يجيو ان شاء الله مازلتي عروسة بروفيتيرقبل مايجيو واذا مزروبة والله بذور البصلة هايلة اقاربي 4 ولا 5 هزو عليها من الشهر الأول جربي لا مانفعتش ماتضرش وباذن الله تنفعك
أنا ولله الحمد عندي طفل وطفلة

[ندى الوردة]

الحمد لله ريحتيني شوي ربي يفرحك أنا الحمد لله مع الدوفاستون سافا تيريقلت

[bara]

ربي يحفظهملك اسمحيلي راني عيييتك