تجمع حوامل ليبيا

[عيون زوجي]

وقد أفتى الشيخ فوزان بعدم متابعة القنوات الفضائية التي تبث الفتن والشائعات وتحرض على سفك دماء المسلمين مثل قناة الجزيرة ومثيلاتها

[عيون زوجي]

قال صلى الله عليه وسلم: من كره من أميره شيئا فليصبر عليه فأنه ليس أحد من الناس خرج من السلطان شبرا فمات عليه الا مات ميتة الجاهليه . صحيح مسلم رقم 1849
وفي حديث اخر له: من خلع يدا من طاعة لقى الله يوم القيامه لا حجة له...رقم 1851
وفي صحيح مسلم أيضا أنه صلى الله عليه وسلم سألوه عن الخروج على شرار الائمه فقال: لا ما أقاموا فيكم الصلاة. لا ما أقاموا الصلاة . الا من ولى عليه والي فراه يأتي شيئا من معصيه فليكره ما يأتي من معصيه الله ولا ينزعن يدا من طاعه.

[عيون زوجي]

ويقول الشيخ ربيع المدخلي حفظه الله في هذه الفتنه : اني حزين لما يحدث في ليبيا ونصيحتي أن يلزم الأنسان بيته وان مات أهله ( أي اذا خرجوا ).

[ليبياقلبي]

والله صدقتي عيون مافيش حد عايش الا احنا عايشنه بس يارب يعم الامن والاستقرار وانا في الاخير الامع ولاضد انا مع الحق لانا مش معروف شنو تفتحي قنوات تلاقي اشياء فظيعة تقتحي قنوات تانية تلاقي امر عادي واشاعات ومن هنا ومن هنا الله غالب وربك يستر وربي مع الحق

[عيون زوجي]

والشرع والسلفيه الصحيحه تقول: لا يجوز الخروج على أولياء الامور ويجب طاعة ولي الامر ولو جلدك وأخذ مالك ومن قتل في خروجه فقد مات ميتة الجاهليه والأعياذ بالله.

[عيون زوجي]

كيف حالك يا ليبيا شن أخبارك؟؟ ومبروك ما نزاد اعليك وتتربى في عزك
مع ان هالظروف صعبه علينا مش لابال اعليك وانتي نافس
ربي يصبرنا ويهنينا ياااااااارب

[عيون زوجي]

صدقتي يا ليبيا القصه مش قصه القذافي في شخصه؟؟ لا؟؟ لكن هو من يكون؟؟؟
هو ولي أمرنا ولازم نطيعه لان طاعه ولي الامر واجبه
في شرح للحديث حتى لو خنب واحنا الفضائيات والنت ماشاءالله فاضحه كل شي حتى مقدار الثروة والعقارات بالمليم
ولو ضرب جلدك بمعنى حبسنا وعذبنا
هذا دين الله وسنه رسوله صح؟
بعدين فيه حديث بمعنى لاني مش حافظاته
ما ابتلي العبد الا بذنب وما رفعت بليه الا بتوبه
خلينا ندعوا في دبر كل صلاة وندعوا في قنوت صلاة المغرب والدعاء في مواضع الاستجابه زي جوف الليل ويوم الجمعه ووقت المطر واحنا دعائنا دعاء مضطر بأذن الله مستجاب
والله سبحانه رحيم وغفور ورحمته سبقت غضبه وعذابه
يارب نسئلك الفرج المبين لبلادنا
ونسئلك الامن والامان اللهم احفظ ديننا وبلادنا وارواحنا وخيراتنا واهدي ولي امرنا لما فيه خير وصلاح أمرنا يااااااااااااارب

[عيون زوجي]

تصدقوا من حالة الرعب والخوف من يلي نسمعوا فيه لانه شهاده بالله ماريت شي بعيوني
بنتي مريضه ما نقدر نطلع نعاينها خايفه بجد خايفه
اهلي ما قدرت نزورهم ونطمن اعليهم
الحمدلله فيه نت وتليفونات كان هذا متت
وحاله اكتئاب فظيعه مرات بلا شي دموعي وعبرتي لين تخنقني
كأنه حلم او كبوس مزعج ونبي انوض منه نرجع لما قبل 17/2
الحمدلله على كل حال
وقل لن يصيبنا ألا ما كتبه الله لنا"
وما كان ما أصابك ليخطئك وما أخطائك ليصيبك"

[ام روفيدة]

اختي عيون بارك الله فيك كلامك مزبوط مية في المية لكن في حال الحاكم يكون مسلم واما من اجمع العلماء على كفره فيكون الخروج عليه جازا ويكون واجبا واسألك بالله تفوتي على هدا الرابط وتسمعي تفصيل الشيخ في هده المسألة وبالنسبة لفتوى الشيخ ربيع التي دكرتيها فهي 99% مبعوثة من الحكومة الليبية لأنها جت رسائل عن طريق التليفونات ومن ارقام مش معروفة وكل اخت نتصل بيها مفي ليبيا وتقولي ماعندناش الفتوى صوتية وإنما جت على التليفونات من ارقام مش معروفة لمن ولو تركزي في خطاب الطاغية تلاقيه دكر السلفية يعني يضرب على الوتر الحساس فالرجاء التثبت من صحة الفتوى قبل النقل
وهدا الرابط للفتوى

[ليبياقلبي]

عيون والله ماعالم بيا الا ربي انا ماغس ونفسيتي زايدة تاعبنة جيت لي ماما هنا من يوم الاتنين بس السبت مروحة راجلي تبهدل كاعد عند اماليه والله حالة وهو قريب يهبل مستاحسني انا وبنته بشكل قريب يهبل