تجمع حوامل المدينة المنورة

توتي فروتي · 04-16-2010, 04:42 PM

مدام الهام والله كل يوم افكر فيكي وادخل التجمع واقول ان شاء الله تكوني ولدتي .. عموما.لازم تعملي تخطيط للجنين ونبضات قلبه وموشرط تروحي نفس المكان اللي تراجعي فيه اختاري اي دكتورة في اي مكان وخليها تحسبلك موعد الولادة يمكن دكتورتك غلطانة في الحساب وانتي لسة في التاسع .. وكثري من الدعاء والاستغفار والصدقة وان شاء الله تتسهل ولادتك انتي وكل الحوامل يارب

ملكة المشاعر · 04-16-2010, 06:07 PM

الهام الله يسهل عليكي ولادتك انتي وكل حامل يارب وان شاء الله في دي اليومين تولدي يارب

روز طيب كيف اللولب يعور لمن اركبو ولالا انا خايفه والف شكر على اهتمامك

دلع شكرآ على ردك

ضناني و ام ركان فينكم وحشتوناا

Ro0o0o0z · 04-16-2010, 10:38 PM

اقتباس:

المشاركة الأصلية كتبت بواسطة ملكة المشاعر

روز طيب كيف اللولب يعور لمن اركبو ولالا انا خايفه والف شكر على اهتمامك

هلا حبيبتي يعورر انا والله ما حسيت فيه على حسب الدكتوره ويدها اللي راح تركبو
لو تبغي دكتوره كويسه في اللولب روحي عندالدكتوره عطيات في العقالي عند قربان
وربي ممتازه انا واخواتي عندها نركب لا تفكري تروحي عند احد تاني
راح تركبو بعد التركيب و تسوي سونار عشان تتاكد من وجود اللولب في مكانه الصح بعد التركيب راح تعطيكي مضاد يمشي مع الرضاعه لو بترضعي
وطبيعي لو نزل دم عليكي شي طبيعي لا تخاف يروح بعد 3 ايام او اسبوع با الكتيير
وكمان لا تخافي لو جاتك اول دوره بعد التركيب غزيره كمان طبيعي هو والمغص عشان دخل في الرحم شي غريب مو متعود عليه الجسم
انا اختي ركبتو قبل اسبوع بعد ما خلصت الاربعين على طوول تخاف تروح تحمل
واهم شي الكشف كل شهر عليه كل بداية شهر او نهاية شهر تروحي تكشفي عشان لو تحرك من مكانه تعدله بس صدقيني اللولب اماااااااااااان من الحبووب المنع انا مررره ما احبها ومستحيييل استخدامها انشاء الله بعد الولاده اركب
انا جالسة فيه 3 سنين وحبيت اطول بس زوجي نفسو بطفل عشان كداه خرجتو
وافتكر كشفها بين 100 او 70 واللولب قيمته 200 مع التركيب اكيد والسونار
ولا تخافي فكري وشاوري نفسك واستخيري وركبيه وانشاء الله ما راح تندمي
بس قبلها لازم تحجزي موعد با التلفون مشاء الله عليها ناااس مررره زحمه
وكمان عندك ايمان بدير كمان في العقالي اللي في سلطانه البنات يمدحوها يقولو طيبه ونفسها حلووه وعندها خبره في المجال النساء والتوليد بس انا مارحت عندها ارتحة لعطيات اكثر
واي استفسار حبيبتي انا حاااضره
وسلامي لكل كرووووشه ^_^

ملكة المشاعر · 04-17-2010, 02:03 AM

مررررررررررره شكرآ ياقمر على اهتمامك وتفصيلك لك كل شي ربنا مايحرمنا منك

ربنا يسهلك ولادتك انتي وكل حامل ويارب تجيكي ولاده مره سهله

انثى لن تنسى · 04-17-2010, 02:10 AM

مرحبا حوامل المدينة كيفكم

ضناني الشوق · 04-17-2010, 02:45 AM

سلام حبايبي وربي وحشتوني كيفكم وكيف الحمل معاكم ....

اعذروني ما قمت ادخل التجمع بس دايم اشيك عليكم وعلى علووومكم ....

والصراحه دايم عندي صداع ومتضايقه ونفسيتي زفت ....

الله يسهل علينا ويفرج همنا بسسسسس ...

كمان افكر ابدا اجهر للبيبي بعد ما ادخل السابع ممكن تتعدل النفسيه وارتاح ......

مدام الهام · 04-17-2010, 09:54 AM

توتي فروتي تسلمي يارب انا رحت كذا دكتورة وكلهم نفس الموعد يعني حساب السونار عالعموم السونار يغلط وانا وكلت امري للة متى ماجات الولادة تجي ماعاد تفرق معي ----------- انثى لن تنسى \ احنا تمام انتي كيفك ياقمر نورت التجمع ---------- ضناني الشوق \ سلامات حبيبتي ماتشوفي شر والحمل هو كدا طفش وتعب وصح لو تبدي تجهزي للبيبي راح تنبسطي وتتغير نفسيتك وعلى فكرة مذركير مسوي تخفيضات حلوة استغلي الفرصة وقضي ليكي واالبيبي منها تغيري جو ومنها راح تتحسسن نفسيتك وصحتك ومعافاة ان شاءاللة

دلع · 04-17-2010, 11:25 AM

ضناني الشوق
نورتي ...والله انا مثلك نفسيتي الله يعلم فيها وان شالله ابروح السوق اجهز الشهر هذا مع اني لسه فـ الخامس بس اول شي ابروح للدكتور ياسر عشان جنس البيبي وابروح اجهز على مهلي ابغى اخلص قبل شعبان..

الهام
لما شفت اخر رد مدام الهام قلت اكيد ربي استجاب دعوتي وبتبشرنا بولادتها..
يارب تولدي اليوم السبت..

نسمة بحر · 04-17-2010, 11:57 AM

كيفكم كرووووووووووووشات والبيبهات كيفهم مدام الهام انا شاء الله ربنا يولدك بسلامه ونسمع تجربتك قريب جدا جدا وادعي وقولي لاله الاانت سبحانك اني كنت من الظالمين علي طول علي نية الولاده وانشاء بتولد ي ضناني الشوق امس انا كنت في مدركير في الراشد مسوي تخفيض بس اليوم السبت اخر يوم في اشياء جونااااااااااااااااااان روحي والحقي

ام عبودي 615 · 04-17-2010, 01:21 PM

الهام الله يقومك بالسلامه قلبي معك حبيبتي ذكرتيني بأختي كانت مثلك وادخلت العاشر اسبووع بس الحمدلله كانت الولاده سهله جدا ..
عن تجربه اكثري المشي والأستغفار واقرأي سوره يس والزلزله بكاس قرفه واشربي وان شاء الله تقومي بالسلامه وبشرينا