تجمع حــوامل التوائم

[ام عدي آل الشيخ]

اختي حامل وبكرية .. ربي يعوضك خير ان شاء الله من بنتك الاولى ويجعلها الله شفيعة لكي يوم القيامة.. وجعل ربي يقر عينك بسلامة بنتك الثانية يارب ويطمن قلبك عليها ..اصبري يالغالية والصبر يأتي بالخير ,,ربك كريم ..حبيبتي بسالك ..انتي خذيتي ابرة الرئة ولا لا؟؟

[نورة نايف]

حامل وبكريه ربي يعوضك ويخلي لك بنتك الثانيه
ومبروك البرنسيسه على السلامه ويتربون بعزك وعز ابوهم
حزن الزمن وينها ولدت ولا لسى

[نورة نايف]

مشكورة يازود الغلا على السؤال وربي يقومك بالسلامه
انا ماادخل كثير عشان انا انشغلت مررررة بالاطفال وبنتي لسى صغيرة عمرها سنه ويالله شوفي يتعبون مع بعض واغير لهم مع بعض لا ابلش اذا جيت بطلع مكان
وانتي عارفه ان زوجي زي قلته الله يسخرة لي ولا يخلصني منه بستر من جد تعبت نفسين
يارب افرجها على وعلى كل من قال امين

[محجبه]

هلا نوره نايف
نورتينا
شلون النونوات عساهم طلعو وكبرو بشرينا الحين عسى وزنهم صار حلو
حزن الزمان والبرنسيسه مانعرف عنهم شي شهر والبرنسيسه بس دخلت قبل يومين وطمنتنا لكن حزن للحين

[نورة نايف]

بنات الي بالرياض عندي طلب
الي يعرف خدامه كويسه نقل كفاله ورخيصه لاتبخل على من جدتعبانه والله لدعي لها لين اموووت

[محجبه]

والله يانوره ليتنا نقدر نخدمك ربي يسخر لك زوجك ويهديه ويخليه ويودده لك ولا يشوف احسن منك يارب
نوره شفتي الدكتورة مثل ماقلت لك تقول بتولدين بالسابع والحمد لله هذاانا بدخل الثامن يارب لك الشكر
بس بسالك وش رايك بيعطونن ابره الرئه انتي اخذتيها ولا لا

[نورة نايف]

انا خذيت الابره وبعدها باسبوعين ولدت عشان كذا طولوا في العنايه ماطلعوا الرئتين مااكتملت عندهم والحمد لله على كل شي الحين كل شهر لهم ابرهاخذوها الشهر الي فات والاربعاء عندهم بعد لين يخلص الشتاء والله المستعان

[نورة نايف]

انصحك لاتترددين خذيها ماتضر تساعد رئتين التونز انها تكتمل بسرعه
ودمتم بود

[ام منصور]

الغاليه حامل وبكريه عظم الله اجرج وربي يجعلها شفيعه لج وولوالدها ان شاء الله ويخلي لج بنتج الثانيه ويشفيها ان شاء الله
الغاليه مثل اللي صار لي توامي كانوا بكيس ومشيمه وحجه واحد كان ياخذ دم اكثر من الثاني وقدر الله والحمد لله على كل حال
وربي يعوضج ويعوضنا ويخلي لج الثانيه

[ام عدي آل الشيخ]

اختي نورة نايف الله يعطيكي العافية ويعينك يارب
حبيبتي انتي حملك كان كيس ومشيمة ولا كيسين ومشيمة ولا كيسين ومشيمتين؟؟
وولدتي بأي شهر الثامن ولا التاسع؟؟وبالنسبة للشغاله انا بعد ودي بوحده بالايجار لاني اكره الشغالات مووووووووت ولو الواحد مو مضطر ما جابهم ..الله يعينا ويعينك اللهم آميييييييييييييين.