تجمع حــوامل التوائم

[سآره]

المشاركة الأصلية كتبت بواسطة الشيخه

بنات كيفكم
انا من يومين ينزل علي شوية مويه؟ ماادري هذا افرازات او مويه ومالها ريحه ؟ بليز طمنوني

هلا الشيخه انا من بداية حملي ينزل علي ماء والدكتور يقولي عادي هذي افرازات

الله يطمن قلبك

[سآره]

حامل وبكريه الله يجعلها شفيعه لك ولابوها ويحفظ لك الثانيه

حبيبتي كم يوم فرق بين بنتك الاولى والثانيه

[سآره]

بنات ضاق صدري وبديت اخاف انا بعد مشيمه وحده بس كيسين يارب احفظهم

[ام رضوي القمر]

الحمد لله حت موعدي ومت من الخوف لين دخلت كنت اوسوس ههههههه
المهم اني دخلت عليها وسوت لي التراساوند وراوتني البيبيات يجننوون ماشاء الله عليهم وقالت لي هالجهاز مايبين جنس البيبي وانتظري بعد شهر .. قلت ليها ابغي اسوي 4 دي قالت لي اذا تبين بنسوي لج قلت ليها اي ابغي هههههه ,, وعطتني موعد بعد اسبوع ورحت لزوجي

واستحمق علي لان دكتور الاشعة ريال وقال لي انتي مستعجلة والحين قلت بحاول اتصل اشوف اذا في دكتورة او بظطر اروح لان دفعت الفلوس تقريبا 40 دينار ..
هو هذا الدكتور سوالي من قبل 4 دي يوم يصيدني النزيف وكان جدا ممتاز ومايطالع كلش يخلي الجهاز ولا يضغط كلش خفيف وقلت لزوجي وظل مبوز هههه قلت ليه بحاول اعدل السالفة وبشوف موعد مع الدكتورة ..
الالتراساوند اللي سوته لي الدكتورة قدم لي موعد الولادة الى 12/5 ؟؟؟ بس مابعتمد عليه خلني على حساب الدورة .. واسبوع الجاي بكون في الاسببوع ال15 يعني اكيد يبين الجنس اتوقع ؟؟؟

اي وعطتني فيتامينات وكالسيوم وقالت لي اليوم اخر يوم للابر المثبته والحبوب ((الدوفاستون )) بعطيج بعد اسبوع ووقفيه .. وتعالي لي بعد شهر !! قلت ليها وايد شهر هههههه قالت لي اذا تبين تجين بعد اسبوعين تعالي وخذيت موعد بعد اسبوعين قلت اذا حسيت انه مافيني شي مابروح وبنتظر مثل ماقالت اكمل شهر ..

هذا كان تقريري ويااارب يتمم لي وليكم على خير ونكمل المشوار

[عذب]

ماقصرتوا بنات
الله يتمم للكل على خير
ونشوف عيالنا في حضنا

[سآره]

ام رضوي انت حملك مشيمتين وكيسين ولا شلون؟؟؟

على فكره زوجك مثل زوجي مايرضى دكتور بس في الاخير كلمتي اللي مشت ههههه

لامو عشان شي لان هالدكتور فاهم وهم توام مااقدر اروح عند اي احد

انا موعدي يوم الاثنين ان شاء الله اجي اقولكم كل خير

[كيري]

سارة حبيبتي ..ارجع واقولك نفس كلامي لعذب


وسعي صدرك ولن يصيبنا الا ماكتب الله لنا انا مثلك ... ونفسيتي حيل حلوة اللهم لك الحمد ومسلمة امري لربي ... اللي رزقنيهم هو القادر على حفظهم ...صح والا لا ...
والله عز وجل عند حسن ظن عبده به... والله المستعان


ام رضوي ..الله يتمم عليك بالعافيه .. وحاولي ما تهتمي كتير وتتعبي ...يعني خلي البيبيهات على راحتهم شوي ... ولا تنطين عليهم كل شوي ...ههههه

[سآره]

كيري مشكوره على كلامك الطيب

انت كيسين ومشيمه وحده في فرق بينهم في الايام ولا قد بعض..؟؟

[زود الغلا]

ام رضوي القمر ..............الحمدلله تطمنتي على البيبيات . المراجعات اول الحمل كل شهر واذا دخلتي السابع كل اسبوعين .......... لاحقة على غثى المراجعات .
تصدقين انا بالسابع ومعطيني موعد بعد شهر :^ عادي .
عذب وسارة .......... لا تخافون هاذي نعمة من الله والحالات تختلف وكيسين ومشيمة شي عااااااااااادي جدا ما ينخاف منهم ..
واذا كيس ومشيمه .......... حالات قليلة اللي تصير صعبة ...... وثقي بالله

[عشمانة في ربنا]

السلام عليكم يا كروشات