تجمع الكروشات اللي ولادتهن في رمضان 1433ه

[ميدوري]

لا حد يتكلم عن الاكل
صااايره بس أكل و بسرعه اجوع و لا كاني اكلت قبل وقت قصير
و من اشوف صوره اكل او احد تكلم عنه اشتهي اكله

الله يستر من زيادة الوزن

مناير

حزنتيني على اخو زوجك و زوجته
ربي يرزقهم و يفرح قلوبهم

جد ماحد كامل بهالدنيا
ماحد عنده كل شي و كل واحد عنده همومه

طير

اشتهيت اكل الشيز
ارسلي لي قطعه بلييييز ههه

[نور العيوووووون]

هلا يالقرقورات وش ذا الهرج الزايد خلاص منيب راده على احد اهم شيء قريت سوالفكم والصراااااااااحه نسيت كل شيء ههههههه زهايمر

[مهاوي جده]

مساء الخير كروشات

طالبه دعاء الله يرزقك من واسع فضله ويباركلكم باللي عندكم وكل واحد يجي رزقه معاه

طير يسلموووو على التشيز

ام حماده لاتتكلمين على الاكل واااه انا من يوم دخلت السادس صايره مفجوعه على الاكل اقد على السفره اقوم بعد ساعه والله استحي

بس وش اسوي غصب عني وربي حتى لاطولت على السفره اطالع بزوجي واقوله قول ماشاء الله احسه مفجوع

بس اهو مبسوط يقول الحمد الله شفتك تاكلين مثل الاوادم

[أم نايله]

نور معذورة ما الومك انا ادخل انحول ارد على الي افتكرو
ووين الغيبه اليوم مالك حس

مهاوي وطير
جبتوها على الجرح صايرة اشتهي اي شي وكل شي خخخخخخ
حتى صرت اشك فنفسي

[طالبة الدعاء]

يسعد مساكم جميعااااا
اخباركم كروشات من دخلت بالسابع
ابي اعرف من نفس تاريخ حملي
والله يجزاكم خير على دعواتكم وردودكم

اما الي تسال عن زوجي يدرس او لا. مايدرس ولااخذ شهاده عشان امه وابوه توفم الله يرحمهم وهو صغير وضاع بالهدنيا لارقيب ولاحسيب
والحمد لله الحين يكفي انه محافظ على صلاته ومهتم فيني الله لايغير علينا
ويرزقنا من واسع رزقه


امابالنسبه للاكل انا قبل اكل كثير ومرتاحه مره. بس لياشبوع ماطيق الاكل ابدددد
ونزل وزني مدري ليش


ومشكوره. ياقلبي غلى رابط اشتراك النت لاخلا ولا عدم

[أم نايله]

طالبه
حبيبتي في ناس لمن يدخلو السابع يرجعلهم الوحم وصدت النفس
الله يعينك ويوفق بينك وبين زوجك ويسعدكم دنيا واخرة

[ام حماده1]

والله صرت اخااف من نفسي اكل اكل ودايم جوعاانه
بس الحمدلله وانتو نفس الحاله يعني شي طبيعي الظاهر كتاكيتنا تكبر الله يحرسهم

[ام حماده1]

بنات من تحس وكان النونو ينط في بطنها
هههههههه قريت ان هذي الزغطه حيااااتي اقعد اضحك
اتخيله هق هق هق

نور هلا وغلا وصحن حلا ....

[نسمة دفا]

مساؤكم شوكولا

كيفكم اليوم؟؟

......

طير شكرا على التشيز كيك

.....

مناير ...

ربي يرزق اخو زوجك وزوجته بالذرية الصالحة

اختي جلست 8 سنوات ماخلفت..كانت تحمل ولاصار عمر الجنين شهرين يموت في بطنها وينزل......

سوت طفل أنابيب أكثر من مرة وتلقيح نفس الحكاية ماجلس الحمل ..

بعدها صابتهم حالة نفسية ..صار زوجها يكلم نفسه(كل الناس عندهم وأنا ماعندي..)وخصوصا أن كلام الناس حوله كثير

وصار مايكلمها ولا يجلس معها يدخل من عمله على السرير مباشرة..لا أكل ولاشرب

وطبعا نفسية أختي صارت زفت..وصارت تقول له روح تزوج..أنا ماأقدر أجيب لك أطفال..أخذ سنة تقريبا على ذا الحال..وبعدها خطب وتزوج

اختي يوم فرحه صابها (فالــجــ )جلطة في وجهها ويدها...كان يوم عيد الفطر

وبعدها راحت تتعالج عند طبيب بالطب البديل ..لعلاج آثار الجلطة.. وخصوصا أنها دكتورة وماتقدر تتغيب عن عملها......

والناس تسأل عليها وتجي تزورها..فكانت ماتحب تشوف أحد ولا أحد يشوفها بهذي الحالة..

في مرة من المرات كانت رايحة للطبيب المعالج بالطب البديل..وخطر في بالها تسأله عن الحمل..إذا ممكن يعرف لها علاج

طلب منها تحاليل...وبعدين وصف لها التمر والماء وبعض الأعشاب علاج لها ..

ماشاء الله ماكملت شهرين إلا اختفت آثار الجلطة تماماً وحملت...وجابت ولدها (غيث)..وبعده جابت بنت(غنى)

وزوجها ندم أنه تزوج لأنه كان مرتاح معها ..بس موضوع الأطفال خرب حياتهم..ونغص عليهم لفترة..

والحمدلله ........

[نسمة دفا]

طالبة

متى آخر دورة لك..

......

أنا من يوم دخلت السادس قل أكلي.(ممكن بسبب الحرقان اللي هلكني)..وصرت أشرب موية و سوائل بكثرة لدرجة موطبيعية


والحمدلله ماعندي سكر ..لأني شكيت من كثر شربي للموية..

.......

أم حمادة نوني تحفة....يلف ويدور وماينام إلا في مكانه..فوق المشيمة عاجبته الراحة

ولما أعطس ولا اكح احس بإعصار في بطني ...

واليوم الصباح صحيت مزكمة وانفي مسدود

فاتصلت على دكتورتي وسألتها ..قالت جيبي أقراص فيتامين سي الفوارة ولا تاخذي مضاد.حالياً.إذا مسخنة خذي خافض للحرارة

واشربي سوائل دافية وكثري فاكهة..

ومن يوم ما أخذت الفوار أحسه ماشاء الله تبارك الرحمن قام حبيبي يلعب جوة كرة سلة مدري كرة قدم


فيتامين سي = فيتامين النشاط والحركة

.......

بروح أنام..تصبحون على شاي وشابورة