دردشة حوامل مصر - دردشة بنات مصر - تجمع حوامل مصر ‏

[توتة السيد]

صباحو صباحو ومساءه مساءه

ازيكم يابت منك ليها ليها

[malak ahmed]

المشاركة الأصلية كتبت بواسطة om rodina

ملوكة العسل اخبارك ايه ياحبيبتى واخبار ملوكة النونة ايه وقربت تيجى ولا لسه
ربنا يفرحك بيها يارب وتملى عليكى دنيتك ومش تزعلى لو زوجك مش عرف ينزل على الولادة لانى والله مريت بنفس ظروفك دى وبرده زوجى مش عرف ينزل واهى رودى بقى عندها 3شهور ولسه باباها مش شافها ربنا يهون عليكى وعليا يارب ياحبيبتى

الحمد لله يا روفي كويسه ازيك انتي يا حبيبتي .. والهانم لسه بستناها اهو ربنا يهون الايام الباقيه بقي عشان تيجي تصبرني

هو تقريبا كده انا هبقي زيك ولما ييجي هتكون هي اللي هتفتحلو الباب وتقوله بابا جه
بجد صعبه اووووووووى .. ربنا يهونها بقي يااااااارب

[malak ahmed]

شيماء ليه كده يابت .. استهدي بالله كده انتي وعماد ومينفعش كده بقي تتخانقو علطول ..

تستاهلو علقه انتو الاتنين .. بقولك هو يمكن الاحساس ده اللي مزودو الجو المقرف ده .. واصلا الحر من غير حمل بيخلي الواحد مش طايق نفسه .. فما بالك بقي بالحامل

ربنا يهديكو لبعض ومش يجيب حاجه وحشه بينكم يارب

[malak ahmed]

متفرجتش عليه والله يا دودي اصل اختي كانت برا وماما كانت في المطبخ وكنت انا وابن اختي بنتخانق سوا فمعرفتش اتفرج عليه

[AyoyA]

انا لله وانا اليه راجعون .... معلش يا رانيا ربنا يصبرك ويصبر اهللك ويجعل مسواه الجنه امين يارب العالمين وينور قبره ويسقيه من يد النبى شربه هنيئه لا يظمئى بعدها ابدا وينقله الى الفردوس الاعلى امين يارب ويجعل قبره روضه من رياض الجنه وربنا يصبرك ......... وكان نفسى يكون بدايه كلامى معاكى فى ظروف احسن من كده

[malak ahmed]

بت يا توته ازيك عامله ايه .... ونور حبيبتي اخبارها ايه
وحشتيني وحاسه اني بقالي كتير مشوفتكيش

دينااااااااا .. سوري يا حبيبتي معرفتش ارد عليكي امبارح لان النت كان خنيق اوووووووووى

انا لسه بجهز اهو في الحاجات وكل ما اقول خلاص الاقيني نسيت حاجه .. لسه حاجات بسيطه ان شاءالله موصيه عليهم ولسه موصلوش

بس حاجه الصيدليه ان شاءالله مخلياها للتاسع كده

[AyoyA]

ازيكو يا قمرات

[malak ahmed]

ازيك يا ايه .. اخبارك ايه يا قمر واهلا بيكي معانا

انا عرفت شويه عنك من كلامك مع البنات قبل كده

قوليلي انتي منين وكام سنه ؟؟..

[توتة السيد]

انا لله وانا اليه راجعون

يانور عيني يارانيا الله يصبرك ياقلبي وادعيله ياحبيبتي

وقريله قران اللهم الهمها الصبر والسلوان

اللهم أغفر لميتنا وارفع درجته في المهديين واخلفه في عقبه في الغابرين واغفرلنا وله يارب العالمين وافسج له في قبره ونور له فيه يارب العالمين





اللهم ان عبدك في ذمتك وجوارك فقه من فتنة القبر وعذاب النار وأنت أهل الوفاء والحق فاغفر له وارحمه إنك أنت الغفور الرحيم



اللهم انقله من مواطن الدود وضيق اللحود إلى جنات الخلــــــود ( في سدر مخضود وطلح منضود وظل ممدود وفاكهة كثيره لا مقطوعة ولا منوعة وفرش موفوعه)



اللهم أغفر له وارحمه وعافه واعفو عنه واكرم نزله ووسع مدخله واغسله بالما والثلج والبرد ونقه من الذنوب والخطايا كما ينقى الثوب الأبيض من الدنس

اللهم إن كان محسنا فزد في حسناته وإن كان مسيئا فتجاوز عن سيئاته

اللهم أسكنه فسيح جناتك ودار رضوانك وتغمده بواسع رحمتك وكريم مغفرتك



اللهم ثبت لسانه عند السؤال وأغفر لنا وله ولسائر المسلمين وقه عذاب القبر وفتنه النار

[AyoyA]

أهلا بكم جميعا فى حاجه لازم نساء كتيرلازم تعرفها اللى ربنا أنعم عليهم بالحمل مباشرا بعد الاجهاض ....هل بيتحسب من وقت نزول الدم ولا من بعد عملية التنظيف ولا من اول جماع بعد انتهاء نزول الدم