【ツ】أحلى تجمع لأحلى حوامل التوائم 【ツ】 ‏الجزء الثالث

[manou10]

المشاركة الأصلية كتبت بواسطة reemas

مساء الخير مشكورين اللي سالو عني
والحين باقولكم ملخص يومي صحيت الصبح وصليت ركعتين ودعيت ان الله يكتب لي كل خير ان شالله ركبت سيارتي ومشيت على مهل ووصلت المستشفى 7 الا ربع وموعدي سبع الا رقمي 9 متى جو اللي قبلي مادري المهم الساعه 8 ونص دخلت على غرفه الالتراساوند في قسم الأنابيب وطول الوقت وانا أشوف وجه الممرضه بصراحه خوفتني ساكته وأطالع في هالشاشه لصغيرة القديمه جان تقولي بالانجليزي ما في شي بس أنا قاعده اركز على فحصج قلت لها انزين ابي أشوف ابي اطمن قالت بعد ما اخلص وبعدين لفت الشاشه علي وقالت شوفي هاذا بيبي نمبر ون كويس 6اسابيع فقلت لها فيه نبض قالت هذا الجهاز قديم ما نقدر نسمع فيه النبض إحنا بس نتابع فيه التبويض ماررديت ما عندي تعليق وهذا بيبي نمبر تو 5 اسابيع وخمس ايام كمان كويس والمفاجآة هذا بيبي نمبر ثري كمان كويس خمس اسابيع بصراحه خفت وامتلأت عيني دموع مسكينه الفلبينية قامت تلمني تقولي ليش تبكين انتي فرحانه مدام قلت لها فرحانه وخايفه قلت لها ان أنا فقدت اثنين مابي افقدهم قالت مدام أنا شفت امهات عندهم ثلاث واربع ويركضون ورأ امهم والحين جايين يسوون أنابيب مرة ثانيه وقامت مسكينه اتهدي فيني وعطتني صورة لابو لعيال بس ما عطيته يخليها مفاجآة بس قلت له أنا حامل بتوأم اثنين المهم طلعت بالنتيجة على طول للدكتورة الا الاخت إجازة مرضيه وحطونا مع دكتورة بديل والساعة 10 دخلت الوعد اول تعليق للدكتورة ما شالله ثلاثه فقلت لها ان أنا خائفه قالت شفتي اللي اطلعت الحين وانتي داخله هاذي ماشالله حامل بأربع أجنة الله الحافظ ولازم تحمدين ربج على مرحله تعدينها بسلام وبعدين هريتها أسأله وحسيت انها تبي تزنطني أمم سألتها عن الألم اللي في بطني وظهري قالت هاذا عادي من الحمل وسالتها عن الإفرازات البيضه اللي تنزل هم قالت عادي شكيت انها تبي تصرفني قالت الحين أبيج تلتزمين راحه إجبارية في البيت وتكون حركتك محصورة بس في البيت قلت لها اوكي وزادت لي جوعه الفولك اسيد من واحد لخمسه واستمر على باقي الأدوية وعطتني إجازة مرضيه أسبوعين وموعد ثاني بعد شهر علشان أتشوق محيط رقبه الجنين قلت لها شهر وايد قالت مافي مواعيد بصراحه اقهرتني أنا اقول أسبوعين وايد شلون شهر قلت لها أنا حاله خاصه المفروض اتابعوني على الاقل كل أسبوعين قالت هاذي مواعيدنا والله على طول تذكرتج رجواي يالله وتذكرت مواعيد هاي الحكومي مالت عليهم قلت الله يخلي الخاص شكلي بتابع بعد كل أسبوعين مرة خاص ومرة حكومي بعد شاسوي اي صح وحولوني من قسم الانابيب لقسم الحوامل وسالتها عن الربط قالت تفاهمي مع دكتورتج الشهر الجاي اقولكم اتصرفني وووووبس هاذا كان يومي الممتع المليئ بالفرحة والخوف
رجواي بالله بس اجهز اسألتي راجعتلج لا تشردين هههههه



الحمدلله حمداً كثيراً طيباً مباركاً*

مبروك مبروك
لازملك الراحة التامة بالنسبة للخوف انا حاسة فيك لاني مريت بالتجربة
و كنت خايفة جدا لكن ربنا لم يقدر ان الثالث يكتمل الحمد لله
و الافرازات البيضاء انا عندي من اول حملي و الدكتورة تقول اذا ما فيهم ريحة عادي
ان شاء الله تشوفيهم قدامك ثلاثتهم كاملين الخلقة و تفرحين فيهم

[شنتوره]

ريماااااااااااااااااس مبرررررررررررررروك عليك يااااقلبي ولا تخاااافين الله معاااااااااااااك قادر يحفظك ويحفظ اولالالالالادك ياااارب

ناااااااااااانو اخباااارك وكيف حمللك كيفك مع الثااااامن

[leka]

يا أخواتي انا بتابع خاص مع دكتوره ماجده بس بصراحة كتير غالية وعاوزة اتابع في مستشفي الولادة بس انا تبع العدان ازاي اروح الولادة اللي تعرف يا ريت تقولي وجزيتم خيرا

[manou10]

المشاركة الأصلية كتبت بواسطة شنتوره

ريماااااااااااااااااس مبرررررررررررررروك عليك يااااقلبي ولا تخاااافين الله معاااااااااااااك قادر يحفظك ويحفظ اولالالالالادك ياااارب

ناااااااااااانو اخباااارك وكيف حمللك كيفك مع الثااااامن

الحمد لله لكن التعب هلكني وروحة الحمام اعزكم الله رايحة جاية
لكن الحمد لله فات الكثير و ما بقى الا القليل

[توتا بطوطه]

غنو خجل رضاك ربى اوشا ام عائشه

ام سلمى الورده النرجسيه ام منصور ام جبر

كل الكروشات وحشتونى طمنونى عليكم

[leka]

فينكم ياكروووشااات

[دلـــوعــه عـــــبوديـ]

السلام عليكم
دانه انا توني جايه من اولادي الحمدلله نفس وضعهم وزنهم الحين الكبير كيليو و200و75
والصغير كيليو و200و20
بنات تصدقو تو باعنايه ثلاث توام ماشاءالله وزنهم حلو بس ماكملو لهم 7شهور ونص
ام عائشه وييييييييييييينك

[رجواي بالله]

ريماااااااس الف الف الف مبروووووك حبيبتي ربي يتمم لك على خيييير
وقسما بالله بكيت لما قريت كلامك وكلام الاخت ليكا لما قالت ان الله لما يعطي يعطي بكرررم ،، الحمد لله رب العالمين والله يثبت حملنا للاخير ان شالله بصحه وعافيه ونفرح فيهم
حمستييييني كثير ان في التجمع وحده نفس حالتي ههههه خلاص انتي صديقتي ههههههههه
بس زي ماقالت لك من جد هالله هالله بالراحه والتغذيه ولاتجهدي نفسك ،، واذكري الاه كثير واحمديه ع النعمه وعوذي نفسك واللي ببطنك كل يوم
الحمد لله حمدا كثيرا
*

[غنو حياتي]

ريماس
الف مليووون مبروك وربي يتمم حملك يارب وربي فرحتلك من قلبي
انصحك تتابعي مع خاص
لان الحكومي مواعيدهم راح توترك وتقلقك
بالخاص كل اسبعين معود وسونار
وربي يتمم فرحتك بس لاتقولي لاحد وعليك بالصدقه كثره الاستغفار
كل يوم حطي يدك على بطنك وحصني مافي رحمك و اقرائ الفاتحه سبع مرات

[غنو حياتي]

دلوعه عبودي
ربي يعافيهم ويزيد وزنهم ان شاء الله اصبري شويتين عليهم

توته
اخبارك وكيف الرابع معاك
تجهيزات البيبيات اخبارها


ليكا

انت باي مدينه ؟؟