ديوانية البحرين - دردشة حوامل البحرين - البحرينيات

شمس الصباح · 01-10-2011, 06:08 PM

ام خليل اني بكرة موعدي بروح من الصبح على الساعه ثمان علشان اخلص بسرعه

بنت الأياويد اني شريته البانيو اي غالي وايد بس مال السعوديه ما عجبوني في عندهم اشكال والوان ولكن حسيتهم مو كوالتي هذا البانيو فيه فتحه من تحت بس تفتحينها بروحه الماي يطلع ما يحتاج اكسر ظهري علشان افرغ الماي من البانيو والكرسي منه وفيه عليه شي يمنع الياهل انه يزلق واني خوافه من اولد اصير شريرة لا يقرب احد صوب الياهل (الوسواس الخناس )

شهتوني بالرشوفه (الحسو ) خاطري فيها مممممممممم احبها بس من غير حلبه

اقول يصير اشرب شاي دارسين خاطري فيه ما يصيدني شي

طفلي حياتي · 01-10-2011, 06:08 PM

مادري وش اخبار فلونتي راحت الدختر لولا
اني اذكر مره اكلت رشوفه قفشتين بس وعورني بطني ونزلت علي افرازات كنت وقتها حامل ومت من الخوف وتأكدت انه كلام صح تنظف وزينه للوالده

طفلي حياتي · 01-10-2011, 06:10 PM

في وحده هني في ديرة ريلي تسوي جلاب اعتقد اسمه مادري مكوناته تكون سميكه وفيه مكسرات وبهارات وطحين ماعرف بالضبط طريقته لكن لذييييييذ حده فن وخاطري فيه بس قلت بنتظر لين اولد بسوي اوردر

شمس الصباح · 01-10-2011, 06:12 PM

يعني ويش بعد جلاب ما اعرفه شنو يطلع طبخه

شمس الصباح · 01-10-2011, 06:16 PM

رحت قوقل ادور على صورة الطبخه لان اول مرة اسمع ابها

طلعت لي هذة الصورة كانها قيمات

طفلي حياتي · 01-10-2011, 06:16 PM

اني ماعرفه رحت بحثت الحين طلع شي يشبه الرشوفه لكن مكوناته بس رساد وبهار وطحين بس
اني اللي اقصده طبخه تبيعها وحده للي يولدون ومكوناتها فيها مكسرات وطحين وبهارات ومطحونه المقادير مايبين شي منها كانها عصيده تصير عمتي تعرف وشسمه

شمس الصباح · 01-10-2011, 06:21 PM

اي في ناس تسوي مثل العصيده وتحط فيها مكسرات بس ما اعرف اسويها

طفلي حياتي · 01-10-2011, 06:22 PM

تعالي بسألش انتين وبنت الاياويد واللي شريتون سلال بجم سعر السله المحترمه؟؟ مالت البيبي

أحلام أم · 01-10-2011, 06:23 PM

رجعت ليكم أجر خاصرتي
شمس الصباح
أفى عليش إذا مانسأل عن الدبة إللي نحاتي ولادتها في أي لحظه مافينه خيررر بس أني مدهوشه من هالإلتهاب حبيبتي
على الله الشفى ،إيه أحسن لش تتنفسين قرب أولادش وزوجش في بيتش ،الوحدة في بيتها أحسن ليها يكوون كل أغراضها تحتها خصوصا إللي ماتعرف تنام في بيت أهلها نفسي بس أني ماأعرف أسوي رشووفه ولا عصيدة
أني زوجي مايرتااح أقعد في بيت أبوويي وهو بروحه في البيت لأنه يضل بروحه في البيت وحتى لوجامل يضل ضايع،ويضل متشتت وأغراضه مشتته كل ولاده أقول باروح أتنفس مثل الخلق في بيت أبووي أول ولاده كنت في بيت عمي وسيده وداني الشقه بس عمتي ماقصرت وأمي كل يوم تجي وثاني ولاده خلاااني بس 10 أياام مو لشي بس يقول مستوحش في البيت ،يقول قعدي ولاتتحركيين بس أشوفش في البيت وثالث ولادة قعدت بروحي في البيت وكانت عندي شغاله مع إنه كانت العطله الكبيرة
أم خليل
الله يسلمش حبيبتي ويوصل سلامش ليها إن شاء الله
الله يساعدش على عوار الضروس وإذا مافادتش حبوب الكالسيوم لازم ضرسش فيه شي ،وعلى قولتش أني من شي لشي الله يفرج

شمس الصباح · 01-10-2011, 06:34 PM

احلام ام لازم اتحجج ابكم لاااااااااا علشان لما اولد تفتقدوني وما عليش شر
مسكين زوجي من الحين يقول اذا ولدتي انا باخذها منش من ارجع من الشغل المغرب الي الساعه 12 وانتي نامي بس باقي الليل عليش بعد ويش ابغي ازيد الله يحفظة ويخليه لي

طف طف السلة المحترمة تختلف من محل الي الثاني بس حطي في بالش 30 وما فوق وعلى حسب المحل وشنو تبغين وياها في السعوديه عندهم بس مو كوالتي وارخص من البحرين بوايد تقريبا بست دينار ولا احد بيلاحظ انها مو كوالتي وتقدريت تبدلين القماش حق المولود الثاني

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توزيعات وهدايا وستاندات _ في البحرين	بنت البحرين	منتدى السوق التجاري	4	10-07-2010 11:45 PM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM
نداء الى حوامل البحرين	اشراع الهوى	إستفسارات حوامل من الشهر السابع إلى الشهر التاسع	0	06-18-2010 12:47 AM
ام البدرين الله يعطيك العافيه	عاشقة طيور الجنه	منتدى علاج العقم و تأخر الحمل	9	06-13-2010 04:37 PM
عين عذاري ( اهل البحرين )	الشوق عطري	المـنـتـدى الـعـام	2	08-18-2009 12:16 AM