ديوانية البحرين - دردشة حوامل البحرين - البحرينيات

[شمس الصباح]

طف طف اذا عندش احد يهتم ابش روحي بس اذا ما عندش عادي قعدي في بيتش ما بضيعين بس هو انتين لازم تعرفين تسبيحن الياهل وتتغذين عدل اني اول مولود لي قعدت بس عشرة ايام عند أمي وبعدين رحت شقتي ما قدرت وقمت افاغص بروحي شفت السالفه بسيطة هو بس الرشوفه واشياء مالت النفاس اذا عندش احد يسوي ليش لو قدر كبير وكل يوم تاخذين منه اشوي او انش تسوين مثلي من تدخلين التاسع تشترين الطحين وتقلينه وبعدين الرشوفه ما تاخذ وقت الا سمسم ورشاد وماي وشكر وبهارات وحلبه ووويع اذا تبغين تحطين

[شمس الصباح]

فلونة ما عليش شر طمنينا عليش

بقوم الحين بروح حديقتي الصغيرة قبل لا يأذن اشم هواء الله

[طفلي حياتي]

في امانة الله شموسه
اني اعرف اسوي رشوفه سويت من قبل
بس على الحوسه ماعرف ولا شي وبلا نوم خبرش الوالده خخخخخخ يا الله المدبر الله

[بنت الأياويد]

هلا طف طف رشوفه شنو قصدكم ، يمكن الي احنا نسميها حسو انتوا تسمونها جذي لونها يصير بني وفيها رشاد؟ اانا اعرف وحده من مدينة حمد ومدينة عيسى تسوي بالجدر بس مال مدينة حمد واااايد لذيذ تسويه بس ماعرف الجدر بجم تسوي يمكن ستة دينار مايندرى يعني يكفي حق جم يوم بس انا امي الله يعطيها الصحة والعافيه سوت لي بس هالايام احسها تعبانه شكلي بطلب من الي في مدينة حمد تسوي لي لان الصراحة مالها روعه

[om khalil]

أحلام أم
الحمدلله على سلامة الوالده الغالية وسلامي الحار لها وماتشوف شر يارب وانتين بعد الله يشافيش من شي لشي الحمدلله على كل حال ان شاءالله مافيش الا العافية

فلونه
تعالي عفر انتين كله ضروسش تعورش مو لا؟ جيفه تتصرفين وياهم :( اني بس ويا هالمسمار اعوبل فيهم :( امس خمرت رحت السعودية واول شي طلبته من المطعم عطني مسمار قال مسمار وي قلت مسمار الطباخ بعد وي عقب مناوشات وشوي وارسم له صورة المسمار تذكرت اسمه قرنفل خخخ

اني هالكرسي ناسب يهالي وايد ماشاءالله كنت اثبته في الحوض مال السباحه وعادي الياهل فيه لا يتطعطع ولا شي بالعكس

طفلي
ههههههههههه واني مداني اشوف لردود عدل من حوسة دهيش كل شوي يغافلني ويسحب شنطتي ويطلع لحبوب ماينغفل عنه هالمبدل
رحت السعودية امس يختش ومارجعنا الا في الليل على طول المرقد وماشاءالله وااااااايد حليوين الثياب يارب تلبسهم بالعافية ان شاءالله
وحركة البنية خفيفة تحسين شي يسبح بداخلش وماتتحرك وايد سنعه وبنت ناس :)
بس لصبي دفش وفقيل دم عينة اللي في بطني ماشاءالله ما يخلييني أنام ومن يتحرك أحزب.

روز
داهيه صدق؟ خخخخخخخ مسكينه مسكينه مسكينه الله يجبر بخاطرها وتطلع صدق بنوته، ذكرتيني وكرت ولدي بقحفية ورديه يوم ايابته مادري لوي ههههههه
بس هالمره اني شفته بالسونار في مركز لبديع وايد واضح رغم انه ابيض واسود،، وشفته واضح لما فتح ريوله كانت الكاميرا تحته مباشره خخخخخ

شمس
باجر موعدي في المركز باطلبهم يحولوني على الاسنان والله يعين، خساره كان خاطري اروح باجر مطعم كرامي بوفيه الثلاثا بس يارب اقدر اروح من هالألام، ساعات تزيد ساعات تختفي ولا ادري ويش الشور

برررب صلاه وباسوي جم غرض وبرجع ليكم

[بنت الأياويد]

قريت اهني من الردود المكتوبة ان شاريين بانيو حق البيبي بتسعه دينار؟!!! وايد غالي انا ماخذته من طابا الي في السعودية ب3 دينار اعتقد وفي بانيو معاه اغراضه كاامله بسته دينار اذا حصلتوا احد يوديكم اويروح وصوه اييب لكم فرصه ترى وايد فرق في المبلغ والبانيو فيه اشكال والوان

[طفلي حياتي]

هلا بنت الاياويد الظاهر الرشوفه هي نفسها الحسو
اني مره سويت بسيطه كلش ولا يبغي ليها شي مقاديرها طحين+رشاد+حلبه(ضروريه للوالده تنزل الوسخ وتقوي الظهر) +سمسم +بيض
الطريقه تحمصين الطحين لين يشقر لونه اني احب الطحين الاسمر احلى يصير
في قدر نخلي الحلبه المنقوعه مسبقا ومنظفه ويى الرشاد المنظف ويى السمسم وكمية ماي مناسبه ونخلي الطحين وياهم وبهارات وسكر اذا انطبخت نكسر بيض ونخليه فوق المقدار ونقلب بسرعه عشان يتنتف البيض واذا نضج خلاص جهزت احلى رشوفه ويلي عليها حلووووووووووووووه

[طفلي حياتي]

نسيت ماكتبت الدهن شوي بعد دهن يخلون
ام خليل ان شاء الله اشتريتين شي من السعوديه ما تعبتين الريال ع الفاضي
اني بقوم اكمل صلاتي وبرجع

[بنت الأياويد]

اي الظاهر نفسها لان تنظف البطن وتنزل الوسخ وتقوي الظهر صح ، بس حاليا مب زين الرشاد حق الحامل اتذكر يوم كنت حامل في الثالث ابوي الله يرحمه توفى فكانوا في الخلف يسوون شي نفس الكستر اصفر ويحطون وياه رشاد كان شنو لذيذ وشربت بالغلط وعقب قالولي ان مب زين حق الحامل وتميت اوسوس لايصير شي في البيبي بس الحمدلله وقالولي لاتشربين كلش لان الرشاد مب زين حق الحامل لان ينظف البطن وانتي في بطنج ياهل

[Roze]

هههههههه غربل الله اباليسكم شفيتوني علا الرشوف واني حامل ههههههه ويش الشور

ام خليل اي والله كسرت خاطري هي بالسامان الي اشترته كله مال بنات