مساء الخير
والحمدلله على سلامة كل وحده ولدت بعدي
وربي يهون على البقيه ويسهل عليهم
ابقولكم الاكشن تبعي
اولا انا اتبعت نصيحة لمار الله يجزاها بالخير لما قالت اذا حسيتوا بطلق او الم لاتخبرين احد حتى امك وزوجك
وفعلا من يوم الجمعه وانا احس بالطلق وخبيت عنكم وعن كل احد.
يوم السبت زاد معي المغص بس بفترات طويله والافرازات زي افرازات التبويض مخاطيه ولزجه وماتشربها الفوطه وبيضاء
وانا فقط ادهن ظهري وبطني بزيت زيتون وحبه سوداء ومويه على الريق. والمشي خففت منه
الاحد شربت مويه الصبح واستحميت بمويه حاره وانا بالدوره ظهري حار من المويه دهنت بزيت زيتون ولبست وطلعت نمت وحسيت بوجع اقوى بس يطول
المفاجأه زوحي ارسل اني مسافر مسافه 300كيلو ويمكن اتأخر بالليل
نمت والظهر صحيت على مغص واشتغلت بالبيبت خفيف وجلست بس طول المغص صار يجي والالم بالظهر طول صار مستمر معي مايوقف حتى لو انسدح
العشاء رجع زوجي وبس اجامل وانا معي الالم على طول قال تعبان بنام سكر الباب ونام وانا اخذت سندويشه ودهنت ظهري وارجولي ولبست شراب وبناتي نامو
كنت اقرا تعليقات البنات بالقروب واعلق واخر رد لي ابارك لقطعه سكر بالملابس اللي شرتها ونزلت صورها وقالت انها تحس بطقه بظهرها
انا شد معي ظهري وانا اكتب لها وحسيت بطقه معها الم قوي وقفت الا المويه منفجره علي قلت بنفسي بس كله من قطعه سكر
يمه تروعت من الالم قلت ليتني ساكته وماقلت للبنات متى اولد يمه جا الصدق والوجع صحيت زوجي ووداني المستشفى وانا ابكي بالسياره من الالم يمغص قوه قوه ودلت الاسعاف وطلعوني للغرفه وكشفت الدكتورة وتخيلو وسعت بيدها سوت تحريض انا اصارخ وهي تقول ادفعي ادفعي يوجع التحريض
طلعت ايدها قالت فتحته لك الى خمسة
روحي سوي تخطيط وبعدها الولادهكانت الساعة 2بالليل
وسويت التخطيط واشعه وبعدها الساعه 4دخلوني غرفة الولاده وبدت معاي توسع لي بيدها يمه يوجع واصيح وحالتي حاله واقولها اسحبيه خلاص قالت لا لا انتي دفيه قلت ابعدي ايدك تعورني قالت انا اسهل عليك قلت طلعيها ابرتاح تكفين
واخذت نفس واحاول واحاول راح كل جهدي ))نصيحه بنات لاتمشون واجد وحتى القرفصاء خلاص بطلوها طلع فيني بواسير وراح جهدي من المشي تعبت وماقدرت ادفع ))
شديت حيلي وساعدوني الممرضات بالضغط والدكتورة وطلع على الدنيا
اللي شفته عضو الولد وخلاص دخت مادري وين انا فيه صحيت على الدكتورة وهي تدخل شاش تنظف من جوى كان يعور بالحيل وبدت تخيط
وحمدت الله وشكرته بس كنت تعبانه ماقدرت اصحى من السرير الولاده مافيني جهد ابد ابد
نصيحه بنات كل شي بوقته حلو لاتجهدون حالكم وعليكم بالزيت الزيتون دهنوا فيه
على العموم الحمدلله تعبت بولادتي سبحان الله فرق بين ولاده البنت والولد
ولدي جلس بالمستشفى يوم وانا طلعت لان اظافر ايدينه وارجوله زرق وبيسوون له تحاليل وبيصير تحت الملاحظه والحمدلله طلع الحين
دعواتكم لي الان تعبانه من الم بطني من تحت والخياطه تعورني بالحيل وكمان الم الوركين الى الان مستمر معي يارب تشفيني وتعافيني وتهون على اخواتي المسلمات
هذا اكشني مع انه بالكلام وربي يختلف عن الواقع اختلاف كامل كامل وماراح احد يوافقني بها الكلام الا المجرب
02-13-2013, 08:56 PM
رد: تجمع اللي بيولدوا في شهر ربيع الثاني 1434
ρυяỉтч • 
جديد منتدى إستفسارات مرحلة الولادة
العرض العادي
