تجمع حوامل ليبيا

[صابرة]

ربي يعوضك خير يا اختي حبل الوصل
خليها على ربك وحتحملي بإذن الله
نصيحة قالهالي دكتور اردني..انه اغلب النساء يحملون لكنهم يسقطون الجنين من الشهر الاول يعني الوحدة تكون حامل وفي موعد الدورة تنزل وهذا يرجع للحالة النفسية بمعنى احتياج المرآة للحمل بإلحاح ومع تعب الحالة النفسية من هذا الوضوع والخوف من عدم الحمل يجعل الجسم في حالة عدم توازن ويتم اسقاط الجنين دون العلم بوجوده او بالعكس عدم الرغبة الشديدة في الحمل يصنع نفس الشي بالحالة النفسية ويتعب الجسم ويخل بتوازنه

والحمد لله بما انه نتائجك طبيعية بالنسبة للتبويض وهرموناتك تمام فما تخافيش مش الشهر هذا اللي بعده
وان شاء الله حيكتبلك ربي الحمل عن قريب غير انت عيشي حياتك الطبيعية عادي مع زوجك والحمل حيصير يإذن الله

شن جو زردة امس؟؟ شكلها مليحة

[صابرة]

امنيات
انا ساكنة في طرابلس انراجع في عيادة رفيدة عند الدكتورة اعتماد المسلاتي




مرحبتين بيك اختي امال في التجمع وربي يسهل عليك
قوليلنا عند من تراجعي في اي عيادة وين تبي تولدي

[حبل الوصل]

صحيتو والله هونتو عليا واااجد ياام اسيل وصابرة
الزردة مليحة بكل لين نزلت الدورة هههههههههه يعنى زايطة

[امنيات]

حبل الوصل ربي يعوضك انشالله خير ماتزعليش زي ماقالت صابرة الحالة النفسية تاثر علي هرمونات االجسم كلها ردي بالك علي روحك لكن انتي عندك اعويلة من قبل وبعدين وقفتي 4 سنين كيف درتي شن هو المانع اللي خذيتيه لاني حتي انا قعدت بين ولدي وبنتي 5 اسنين منهن سنتين بمانع اللي هي الابرة منع الحمل تاخديها كل 6 شهور وانا خديتها والسنتين التانيات قعدت نبي نحمل ومافيش فايدة خليتها علي ربي والحمدالله فتحها عليا ماتحرقيش دمك توا اهتمي بصحتك وابدي خودي الفوليك اسيد انا كنت في سويسرا في بداية حملي وقالي الدكتور لو تبي تحملي بتوائم من غير كلوميد ولا حاجة خودي كل حبة فوليك اسيد 6 شهور وشوفي الاباضة عندك كيف بتكون ولا تزعلي روحك

[لولى2010]

انا الصراحه زعلانه محد يدور فيا خلاص بننسحب من التجمع وانا تعبانه انا مازلت فى بدايه الشهر التامن والميه امتاع البيبي ناقصه قالى الدكتور وربي يسهل عليا وعليكم وان شاء الله الى مش حامل تحمل والى حامل تجيب والى جايبه تجيب اخرى يارب

[ام اسيل]

عيون زوجي

وين رحتي انتي توا عيونا حتى نحنا ان شاء الله المانع خير

عيون زوجي راهو الي تقعد 4ايام ما تخشش التجمع من غير سبب مقنع راحلها يتزوج عليها وتقعد سنون زوجي بدل عيونه

[صابرة]

لولي لوووووووووووولي كله الا زعلك
ماتزعليش انت وخيتنا وان شاء الله لاباس عليك من التعب
ردي بالك على صحتك وقوليلي ماقالكش الدكتور ان ولادتك حتكون مبكرة بسبب نقص الميه؟؟

[صابرة]

ضحكتيني على حكاية السنون يا ام اسيل

[ام اسيل]

المشاركة الأصلية كتبت بواسطة لولى2010

انا الصراحه زعلانه محد يدور فيا خلاص بننسحب من التجمع وانا تعبانه انا مازلت فى بدايه الشهر التامن والميه امتاع البيبي ناقصه قالى الدكتور وربي يسهل عليا وعليكم وان شاء الله الى مش حامل تحمل والى حامل تجيب والى جايبه تجيب اخرى يارب

مرحبتين بعرب المرج نورتي ولاباس عليك ياخيتي وشن قصة ها المية لازم تتريحي وتشربي مية واجد ونحنا خياتك كل يوم تجيك وحدة تضملك الحوش وتغسل الماعين ما يهمك شي غير انا ظهري ها اليومين يوجع فيا خلي البنات يجنك وانا امتا ما يصح توا نجيك هههههههه

شن جو الحمو في قطر

[ام اسيل]

صابرة نجك لي انت مازلت قاعدة وتضحكي اخرى تي وين اللية شكلك خوافة واللية هربت من الخوف