دردشة حوامل مصر - دردشة بنات مصر - تجمع حوامل مصر

[MALAK2010]

غريبة يا سمر امال احنا اللى معنديناش اطفال وفى الغربة نعمل اية انتى ماشاء الله ربنا يخليلك ولادك وكمان هم كبار يعنى ممكن تكلميهم وباين فى المدرسة يعنى مشغولة معاهم
على الاقل فى صوت فى البيت انا بيتى هاااااااااااااااادى ربنا يعمرة ياااااااااااااااارب هههههههه وافضل ازعق وسطهم كدة بالرغم انى مش بعرف ازعق بعرف اعيط بس ههههههههههههههه

[MALAK2010]

عارفين ماتقولوش انا مش حاسة بيكم بس انتوا طماعين ماتزعلوش مش لازم اللى حوليا يبقوا عشرة وبحبهم وبيحبونى كفاية واحدة او اتنين
طب بس رجعونى مصر وانا مش هتكلم خالص ههههههه
اوعوا تزعلوا انا بهزر

[ماما قلقانه]

المشكله يا ملك انى حاسه ان ولادى فى الغربه دى معايا ومظلومين .انتى عارفه سفر الاب بيعمل عدم توازن نفسى عند الطفل وانا مفيش حواليا حد يعوضلهم الغياب ده

[بقلظة]

يعني بقلظة احلي من امل

مااااااشي

بقولك يا ملك مش تتعبي نفسك ومش توطي كتير

والله يا سمر انا كمان اول مرة ادخل تجمع ونتكلم كده جماعي بس بصراحة بحب الميل اكتر علشان اسرع ولاسف ده مشكلتي في الحياة اني بادي الميل بتاعي لاي حد رغم ان جوزي دايما يحظرني من كده

[ماما قلقانه]

انتى عارفه يا امل الميل اه كويس بس ساعات لما بتكلمى حد فى الميل ويكون عارفك ممكن ما تعرفيش تحكى او تفضفضى كل اللى عندك انما التجمع هنا ميزته انك تقولى كل اللى انتى عايزاه من غير قلق وكمان هتلاقى اللى يسمعك

[MALAK2010]

المشاركة الأصلية كتبت بواسطة ماما قلقانه

المشكله يا ملك انى حاسه ان ولادى فى الغربه دى معايا ومظلومين .انتى عارفه سفر الاب بيعمل عدم توازن نفسى عند الطفل وانا مفيش حواليا حد يعوضلهم الغياب ده

فى دى عندك حق لان الزوج بجد بيبقى السند للواحدة فى كل حاجة وصدقينى كلة بينشغل فى حياتة حتى الاخ
ربنا يجمعك بجوزك قريب ان شاء الله

[ماما قلقانه]

على فكره الميل بتاع اسكاى بى احسن من الياهو بكتير

[بقلظة]

سمر انا رآيي ان بعد الولادة ان شاء الله تسافري لجوزك مش تبعدوا عن بعض

حطي في بالك انها فترة وهتعدي ولازم تستحميليها والايام بتجري بسرعة

[MALAK2010]

المشاركة الأصلية كتبت بواسطة ماما قلقانه

انتى عارفه يا امل الميل اه كويس بس ساعات لما بتكلمى حد فى الميل ويكون عارفك ممكن ما تعرفيش تحكى او تفضفضى كل اللى عندك انما التجمع هنا ميزته انك تقولى كل اللى انتى عايزاه من غير قلق وكمان هتلاقى اللى يسمعك

ماتقلقيش بالنسبة للسمع مفيش زيى انا صحباتى كانوا مسمينى صديقة حياتى دى مذيعة بتاعت برنامج عن المشاكل والحاجات دى انا صحباتى علطول بيفضفضوا معايا الحمد لله
والحمد لله كنت بعطيهم رايى برضة مش بسمع وبس
وعلى فكرة ياسمر كل اللى فى التجمع بنات ماشاء الله كويسين انا ارتحت جدا معاهم

[ماما قلقانه]

عارفه الواحد بيحس انه كل يوم بيبعد اكتر عن اللى حواليه هقولكم على حاجه بسيطه انا ابنى وبنت اختى من سن واحد فاوقات بيضربوا بعض .لو ماكنتش اقطع ابنى من الضرب اختى تزعل منى بالشهر لحد ما اصلحها.وهى ولا تعمل فى بنتها اى حاجه ولا تقلها حتى عيب.