تجمع حوامل ليبيا

[ام وسونة]

ام وسوووونه / بنحكيلك على تجربة مرت خوي ، هذا يا ستي مرت خوي في ولدها لما حملت وبدت تراجع عند دكتورة قالتلها هذا مش حمل هذا كيس فاااضي ولازم تنزليه ، والله مرت خوي دارتلنا عزي في الحوش حاشاكم وبكي وزعل ونكد حاله المهم قلنالها خللي شوية واعطي وقت وغيري الدكتورة ، المهم بعد اسبوعين مشت لدكتورة ثانية ، ولقت امورها تمااااااااااااااااااام والبيبي موجود في الكيس وعال العال وتو وليدها عمره عام و سبعة شهور" ان شاء الله تشوفيه عندك يااااااااارب " وتوا لما نتلاقوا ونشوفه كيف يجري وبيطير مع صغار عمته ، نقوللها شفتيه هالكيس الفاضي ههههههههههههههه
ونفس الشيء صار مع صاحبتي ، هديكا حددتلها الدكتورة حتى موعد العملية ، وتوا بنيتها ما شاء الله عليها عقبالك يارب

اني نصيحتي تستني شوية وتغيري الدكتورة ولما تمشي لدكتورة ثانية ما تقوليلهاش شيء عللي قالتهولك الدكتورة الاولى ، كأنك جاية تعايني عادي وشوفي شنو تقولك ,,,
وانتي ونصيبك وربي يكتبلك اللي فيه الخير ويثبت وينبت ...امين

ان شاء الله نكون افدتك وتخشي وتقري الرد

تسلمي اختي نسرينا والله ردك فرحني نوعا ما بس حبيت نقولك ان الدكتورة دارتلي تحليل حمل

وطلع سالب وطلبت مني نستنوا للدورة الجاية لو مانزل حتعطيني ادوية او ديرلي تنظيف

سؤال هي مرة خوك دارت تحليل حمل وطلع سالب ولا جهازبس

اني بالجهاز المهبلي طلعلي كيس وبالتحليل طلع مافي شئ

شكرا ليك اختي الكريمة

[سورينام]

السلام عالحلويين الغاليين .. معطر بالفل والياسمين .. كيف حالكم كلكم حاضرات وغايبين .. (زعميته شعر ههههههه)

[أم سعد]

ليبيا قلبي ... أنا جبت يوم الخميس الموافق 3/2/2011 الساعة 9:10

حكومة .. الله لايوريك باس ...

[سورينام]

هذا ياحنة للحلوات اللي سألو عاللزقة المصراتيه .. هيا ماتشربش نهااااااااااائيا وعن تجربة وحتى لما تجي بتحوليها تتحول بصعوبة من كتر ماهي لاصقة عالجلد ولونها اكحل لكن مش زي المعروفة القديمة هاذيكا اللي معبية ورد وتنقريش مشناها .. لا لا لا هاذي زي الصور اللي حطتهم نسرينا بالزبط وقلتلكم اني مجربة اغلبهم ... واني في الأول الحق حصلتها من سلفتي تسكن في مصراته تجيبلي فيا من جارتها تخدم فيها ب 3.5 دينار وبعدين قالولي موجودة في سوق بوسليم ومشيت ولقيتها بالفعل في محل عطرية في مربع بريد بوسليم جنب محلات الماعين الكبار اللي في المربع- بـ 5 دينار وتوا ناخذ فيها ديما منه وايجيب في تشكيلات ايهبلو وتلقوها اللزقة مدبسين معاها ورقة مكتوب عليها اسم النقشة وراسمينها كيف تطلع في اليد والرجل ... ويا نسرينا مادامه مرت خوك بتحنيك خلاص خوذيها وبري باتي انتي واياها والصغار في حوشكم وحني وأرقدي مش تقولي اللزقة تشرب ولا حااجة لا لا لا أبدا كويسة وماتشربش وانتي قوليلها تسكرها من الجوانب للفوق باللزقة البيضا مش لانها تتحول لا بس باش ما تتنطرش عليها الحنة وتتلبز كان تحركتي وغلفيها بعد ماتحني بالقطن الطبي وشوفي النتيجة ...والف صحة مقدما
انشاءالله انكون افدتكم

[سورينام]

عشوقة لما تكلمتي على الحوايج اللي معاش ايجوك اتفكرت مأساتي اللي مهبلتني لما كنت حامل ونخدم .. ووووووه كل اسبوعين نبي لبس راجلي هبلته مسكين .. وتوا الدنيا معرمة في الدولاب من غير فايدة .. وعندك الحق لبس الحوامل مش متوفر هلبا وغااااالي بجد والمحل اللي تحكي عليه بوسي في زاوية الدهماني حق عنده حاجات حلوة لكن ناااااااااار .. تعرفي اني مانحبش الكمتشاتات (لأن احني الليبيين حااااالة اللي تتجوز تميش شعرها واللي تحمل تلبس كمتشاته هههههههه ) لكن المحل متاع زاوية الدهماني مشيتله مرة وحدة بس خذيت منه بدلة عملية شتوية متاع بنطلون بـ 195 دينار و تو ملوحة في الدولاب وخديت منه قونا دجين وسروال حتى هما للحوامل يعني فيهم استيك في الحزام يزيد وينقص القونة ب 68 دينار والسروال ب55 دينار وقعدت ماشية بيهم معاهم بالطو وخلاص لين كملنا الحمل على خيييير

[طرابلسيه]

السلام عليكم ورحمة الله وبركاته
:
اني جيييييييييييت ^_^..سلمهم النشادات عليا..بارك الله فيكم:)

عاشقه ههههههههههه مازال ماجبتش قاعده نتكركب ههههههه لاكن يابنات بنسألكم،،اليوم جاني وجع زي المغص قوي لين دموعي نزلو قعد بلكي دقيقتين بس واختفي الحمد لله ،زعما هذا من ضمن وجع الولاده؟
الوجع في بطني راهو مش في الحوض وزي المغص بالضبط،،والحمد لله يوميا ناخد في تمر وحليب وعسل ونتمشى اليوم تمشيت لمدة ثلث ساعه وكل يوم انزيد الوقت شويه

[أم سعد]

أهلين طرابلسية .. هذه بالك من ضمن تساهيل الولادة يقولولها .. ربي ييسرها معاك

[ميراس]

سلام للجميع

[ميراس]

معقولة مافيش ولا وحدة فقدتنى

[أم أجنادين 80]

هااااااااااااي ...... صبايا

والله ضحكتيني سورينام ومعنديش نية في الضحك

عندك الحق احني الليبين نقلدوا في بعض هلبة

ووووووووه قداش نكرها الكمتشاته تكبر 20 سنة القدام