مرحبا حوامل
مبروك للي دخلو شهر جديد
مبروك ياجومانا ..دخولك الشهر الثامن
بنات نسخت لكم قصة ولاده صديقة لي في منتدى ثاني الله يقومها بالسلامه ويخليلها اولادها
عانت في الولاده كثير
سلام خواتي
انا بالفعل ولدت ب 32 اسبوع جدا مبكر وصار معي قصه كبيره للولاده الى الان انا بتعالج منها ولسا والحمد لله على كل حال اتمنى دعواتكم لي بالفرج .
اما قصتي فهي اني جاني طلق يوم 4/10 ورحت للدكتوره ولقت توسع 3 اصابع يعني ادخال للمستشفى على اساس يعطوني ادويه لتثبيط الطلق ولكن الضغط والنبظ ارتفع عندي وما عرفوا يعملوا غير المراقبه وثاتي يوم الساعه10 صباحا صار التوسع تقريبا5 اصابع والدكتوره قررت ولاده فورا قيصريه لانه البيبيات راس فوق وراس تحت والحمد لله على كل حال ولدتني ولكن الولاده كانت عسره جدا لانه صار عندي نزيف شديد جدا وكانت خايفه علي اروح فيها وخيطت بسرعه لانه كان في احتمال تستأصل الرحم من شدة النزيف؟؟؟
المهم انا اصحيت من البنج لقيت نفسي تحت اكياس الدم والمحاليل واسمع الجميع لكن مش قادره اشوفهم كل شي مغبش الرؤيه غير واضحه ل تاني يوم
والدكتوره خبرتني شو صار معي وانه بدها تتأكد بانه الحالب والمثاني ما صار لهم اشي اثناء الخياطه لانه الوضع كان صعب وبالفعل عملولي صور اشعه وملونه 3 مرات لغاية لما نجحت معهم (كانو ايصوموني من الساعه تسعه بالليل وايشربوني زيت خروع)واخر مره مع حقن شرجيه وياللله زبطت وسيتي سكان وسونار للكلى وبالنهايه خبروني انا وزوجب بانه تم خياطة الحالب اليسار اثناء القيصريه وهذا اثر على الكلى اليسار حيث انها منتفخه ولا تعمل ولازم يتم فتح على الكلى باسرع وقت والا تلفت الكلى.طبعا قام الدكتور للمسالك البوليه بمحاولة فتح الحالب عن طريق المنظار وبتخدير عام من(من منطقة فتحة البول)ولكن دون فائده ثم استدعوا دكتور مختص من مستشفى تاني بالخبر تاني يوم ليعمل لي فتحه من الكلى مباشره لانقاذ ما يمكن انقاذه والكانو خايفين ايخدروني لاني نفاس وتخدرت مرتين بفتره متقاربه وخبروني انها العمليه بدها 10دقائق وساعدينا بانك تتحملي شوي معنا.ولكن لما اجا الجد كان الوضع صعب اعطوني شبه تخدير كنت احس بكل شيء وابكي من الوجع واصرخ ارحموني...وتحولت العشر دقائق الى 3ساعات (ما رح اخبركم كيف مرت علي بس لا يمكن انساها طول حياتي)وبالنهايه الدكتور ما استطاع يدخل الابره للكلى وبالمكان المناسب حتى تخرج البول المتحبس فيها وطلعت من الغرفه لغرفتي من دون اي فايده والجميع ينتظر انه يخرج الله ايعزكم البول من الكبس الجانبي اللي بخصرتي(على الفاضي)بعدها الدكتور الموجود بالمستشفى خبر زوجي بانه هو عمل والدكتور الثاني اللي بيقدروا عليه ولكن العمليه مش ناجحه واعطاه الخيار يعمل اللي بدو اياه بهذه الحاله (اولادي التوأم بنت و ولد بالحضانه لانه اوزانهم اقل من 2 كيلو ونفسهم تعبان جدا)لحظتها أمي وصلتمن عمان واتفقت مع زوجي اطلع اتعالج هناك وهذا يوم12/10 بالليل
وعمل زوجي الاجراءات لسفري وسافرت على مسؤوليتي ودون علم احد بحالي وبكل صعوبه ممكن تتخيلوهاوكان مرتب لي وصولي فورا على المستشفى بعمان يوم 13/10الاربعاء ليلا وكانت الدكتوره المسؤوله عن حالتي عرفت الوضع ورتبت لي مع الدكتور المناسب لعمل فتحه جديده للكلى لانقاذ الكلى قبل تلفها.وبالفعل تاني يوم عمل لي العمليه وبتخدير وانا مستيقضه ولكن لم اشعر باي الم ابدا ومدة العمليه اقل من 10 دقائق والحمد لله النتائج بدأت تظهر تدريجيا وربنا يسرها ونجحت.وطبعا وجدو نسبة دمي 8 وحراره شديده واعطوني 4 وحدات دم لرفع نسبة الدم وحتى استطيع ادخل لعملية فتح الحالب التاليه
وبعدها جاء الدكتور الاخر المناسب وهو اخصائي كلى ومسالك بوليه وعمل عمليه قام بقص الحالب من النقطة المربوط فيها بالخياطه واعادة زراعتة ووصله ووضع شبكه بالمنطقه للمحافظه على ان يبقى مفتوح ولا يغلق مره تانيه لمدة 3 شهور ووجد بانه محاولات الدكاتره السابقين كانت في المكان الخطء وانهم عملوا كدمات بالكلى وبسبب المحاولات الكثيره هناك صديد ونزف قامو بازالته وتنظيف المكان والحمد لله
وعطوني مضادات حيويه بالوريد قويه جدالانه طوال الوقت عندي حراره عاليه جدا وعرضوني على دكتور حميات وما في تحليل ما عملته ويوميا وكل النتائج تظر بانه هناك التهاب بالجسم.انسيت اخبركم انه الاخصائي اللي فتح على الكلى فتح من منطقة الظهر مباشره اما لما كنت بالمستسفى بالجبيل كان يفتح من الخاصره بمكان ما اله دخل.الحمد لله على كل حال بدي دعواتكم
11-02-2010, 11:40 AM
رد: تجمع حــوامل التوائم
(سوسو) 
العرض العادي
