تجمع حوامل ليبيا

[عاشقة الصحراء]

اووووووووووووووووه يا أم سعد والله تعرفي حاجة غريبة وانشالله ربي يتمملي على خير ويعطي كل محرومة باش تحس هالشعور ...
فعلا اني توا على قولتك مرات نسرح في راجلي ونقول هذا راجلي واني حامل منه ؟؟؟ مش مصدقة اني متزوجة أصلا وزيديها بالشعور الجديد ... يااااااااااااااارب تمم على خير وفرح قلب كل وحدة تستنى يارب .
كيف حاله توا البطل انشالله تحسن ؟؟؟

[أم سعد]

تعرفي والله مزكوم من اللي طلعت بيه من المستشفى ياناري

وحاشاك الاسهال حتى هو زايدها معاه ... واليومين هادو تعلم حتى الترجيع حاشاك

[عاشقة الصحراء]

اوف انشالله لا باس عليه ... باهي ارفعيه عاينيه مسكين عالحال هذا تخافي من جفاف لا سمح الله ضروري ترفعيه ردي بالك تهمليه لأن المواليد في الفترة الأولى بسرعة يتأثروا
ربي يحفظهولك وطمنينا عليه السمح

[أم سعد]

بالنسبة للزكمة لما رفعته للمراجعة قالي الدكتور ديريله مية وملح "اللي يبيعو فيها في الصيدلية" قبل كل رضعة
وبالنسبة للترجيع والاسهال قالولي طبيعي في الفترة هذه هو يمشي ويجي

وتبي الحق بنرفعه للدكتور شن بيديرله .. دواء في هالعمر مانبيش نعطيه ..

[عاشقة الصحراء]

ربي يطمنك عليه ويشفيه يااااااااااااااارب
شن جو الضيوف وشن دارت فيك الزحمة ؟؟؟ درتي لمة ولا مازال ؟؟ ولابتخليها عادي عاللي يجي وخلاص ( وحدة قصقاصة )

[أم سعد]

لالا احني ماعنداش زحمة العيلة القريبة بس وتمت

بس قاعدة نخمم هل ندير أسبوع وإلا لمات مش عارفه نحس في روحي مشوشة

انتي شن رأيك؟؟

[ليبياقلبي]

شن مدايرت كلكم والله مشتاقة ليكم هلبة هلبة وخاطري نهدرز معاكم شن اموركم انا ياحنا بنتي حال الغازات والصفير وحال العيا\ ط والنتس كعادين يتعصروا مبردهم ماجاني حد براني الا العويلة بس

[ليبياقلبي]

الله يا ام سعد دقولي تحكي في حالتي حتى انا بنتي لما خدوا منها تحليل عشان عندها صفير غير انا الدكتور جابا بابا في الحوش منبيش نرفعها بنتي قعدت نبكي نسمع في عياطها وحتى انا بنتي مزكومة وعندها اسهال غير انا زايدة في الغازات

[ليبياقلبي]

وليدك ربي يحفظه امور خسارة جاء بعد بنتي انت امتى جبتي سبحان الله انا وياك وايوتة وراء بعض والتلاتة دبح عملية

[أم أجنادين 80]

ألف لاباس علي وليدك ام السعد

ماشاء الله هذه بنوتك ياليبيا

صغرونة هلبة ربي يحفظها