【ツ】أحلى تجمع لأحلى حوامل التوائم 【ツ】 ‏الجزء الثالث

[دانـــــه]

دلوعة عبودي ..
شخبارك حبيبتي .. وش اخبار الكتاكيت بشريني متى طالعين ان شاءالله..

عواشه ..
كيفيك .. وكيف البنوتات .. طمنينا عنك وبلغينا بالجديد

مانو ..
والله مااقدر افيدك لانه كله بيد رب العالمين بس انا من رايي دامك تقضيتي وخلاص لاتشيلين هم ترى انا مثلك قالولي اول شي بنت وولد والباقين قالولي ولدين .. والله يناولك الي في بالك ياااارب .. ويرزقني بالبنوته والولد مع اني اشتريت كل شي ولادي ..


شنتوره ..
آلف آلف مبروك عليك البنوتات هالله هالله بالوردي
ولاتشترين شي الا اذا تأكدتي من الثاني بنت او ولد احسلك للتأكيد بس ..
لا تتصربعين مثلي من الفرحه رحت وشريت على طول وفي الاخير طلعو ولدين ..
بس الحمدالله لحقت اعرف قبل لا اشتري السوق كله ..
وبالنسبه للشغاله والله انك صادقه انهم قلق بس مضطرين شنسوي ..

[دانـــــه]

هلا والله بهتون .. انا بخير الحمدالله بس طبعا الثقل ووجع الظهر الي مو راضي يتركنا كلنا .. بس الحمدالله والله اني ودي افتح واغمض والقى نفسي ولدت .


وباقي البنات شدعوه ولا وحده عطتني رايها بالكلام الي قلته غير ريماس وشنتوره منشغلين بهالتوواقيع اشوفكم هاليومين الله لا يشغلنا الا بطاعته وين الحماس وطرح المواضيع ؟ ..

[REEMAS]

بنات معاي الم اسفل البطن جهة اليمين من المغرب وبصراحه وسوست قلت يمكن حمل خارج الرحم بس بعدين قلت أنا سويت تلفزيون الاسبوع اللي طاف وشافت كيس الحمل*وقالت لي كل. شي اوكي تتوقعون هذا من الحمل والا في شي أنتو صادكم هالالم مثل الم وشد ونغزات*

[رجواي بالله]

مشمشه الله يقومك بالسلامه وتتطمنين على التوينز وتضميهم بحضنك يااارب
طمنينا عنك وان شالله كل شي سهاااله لاتحاتين
عقبالنا يااارب في وقته بصحه وعافيه

[دانـــــه]

ريماس ..
حبيبتي تطمني انا تجيني نغزات مثلك هاذا شي طبيعي .. ولسه بعد بتجيك بالصدر نغزات وحلماتك بتصير متحجره وتألمك فلا تستغربين هاذي اشياء طبيعيه سئلت الدكتوره عنها .. بس إذا زاد الوضع عندك كلمي دكتورتك او روحيلها للأطمئنان بس .
خ

[خــ ج ــل]

ام رفا
فعلا وحده من الدكتورات قالتلي نفس كلامك تقول احنا نزود اسبوعين لاننا مانعرف وقت التبويض بالضبط

[REEMAS]

دانه حبيبتي مشكورة طمنتيني الألم خف شوي أنا موعدي الأربعاء ان شالله وبيكون اول موعد لي من حملت في الحكومي فما اعرف عند اي استشاريه بيحطوني والله يعينها من الحين على اسألتي لأني من اسبوع رحت خاص كان عندي ترجيع ومغص وقالت لي ان كل شي اوكي وعطتني حبوب للوعه وإجازة مرضيه المشكله انها قالت لي احتمال انك حامل بثلاث توام بس ما اكدت لي قالت تعالي بعدة اسبوع أشوف حجم الكبس الثالث وخوفتني من مخاطر الحمل بثلاث توائم وان نسبه الاسقاط تكون كبيرة والولاده المبكرة وأنها تتمنى انهم يكونو اثنين وانا من يومها وانا احاتي بس البنات اللي في التجمع طمنوني والحمدلله معانا وحدة في التجمع حامل بثلاث توائم الله يتمم لها يارب ويثبت حملها وانا قلت اذا الله كتب وكانو ثلاث بطلب عمليه ربط لان أنا عندي اجهاض من قبل
والله يكتب اللي فيه الخير ان شالله وان شالله في موعدي بطلب منها تسوي لي تحليل بول يمكن عندي التهاب مع أني ما شالله وايد اشرب ماي *

[REEMAS]

ام عائشه وينج عن التجمع مختفيه عسى المانع خير ان شالله

[ام عمر ..]

شكرا لك هتووووووووووونه على سؤالك عني انا بخير عساك بخير
كيفك غنو انا اغتنم الفرصه وادخل للمنتدى تعرفين الان اختبارات شهريه ودراسه الاولاد بحب الخشوم بالموت بفتح كتاب وكل شي مو مطلوب اجل ليه تختبروووووووووون خخخخخ يارب تصلحهم وتوفقهم وتحفظ ذريتنا وذريتكم يا رب
مشمشه قدامك السلامه والله يرزقك الساعه الطيبه يا رب

[نواره2011]

السلام عليكم ورحمة الله وبركاته