دردشة حوامل مصر - دردشة بنات مصر - تجمع حوامل مصر ‏

[dr.princess]

الف سلامة عليها يا سمية وان شاء الله تعدى على خير
طيب عملتولها تحليل سرعة تجلط ابن اختى كان عامل اللوز من 10 ايام وعمل التحليل ده واحنا ان شاء الله هنعمله قبل ختان محمد

[somia]

أه عملناه والحمد لله تعالى تيجته تمام..
لولو بلاش تتأخري اكثر من كده على ختان محمد عشان متتعبهوش أكثر

[somia]

ألف سلامة على ابن أختك يا لولو

[dr.princess]

طيب الحمدلله انه تمام
اعمل ايه بس يا سمية غلبت اقول لجوزى يسئل صاحبه على جراح الاطفال اللى عمل عنده ختان ولاده وهو مكبر دماغه حتى حماتى وحمايا مش بيبطلوا يسئلونى لحد ما زهقت

[somia]

معلشي يا لولو انا سيبتك واختفيت النت عقدني في عيشتي بيقعد كثير قوي على ما يحمل فقمت جهزت الشنة اللي هاخدها معايا ان شاء الله تعالى

[dr.princess]

لا ولا يهمك يا سمية
طيب الدكتور قالكم هتروحى بعائشة بعد العملية ولا هتقعد شوية فى المستشفى ؟؟؟

[somia]

هوه قال احتمال نبات بيها لان وزنها لسة قليل قوي ولانها مولودة بدري بس حتى الان مش عارفيين لسة ايه اللي هيحصل باذن الله تعالى

[somia]

المشكلة اني خايفة الموضوع ده يأثر عليها اما تكبر خايفة عليها قوي يا لولو عارفة البت دي صعبانة عليا قوي ساعات كثير بحس ان انا مقصرة في حقها قوي بس مش عارفة اعمل ايه ساعات بتقعد بتعيط وتصوت من الالم وافضل اديها في دوا المغص وبرضه تصوت

[dr.princess]

ان شاء الله تبقى زى الفل
وليه مشيلة نفسك ذنب يابنتى ماكل العيال بتعيط ومش بنبقى عارفين نعملهم حاجة سيبيها على ربنا وكله هيعدى

انتى عارفة ابن اختى الكبير كان مولود فى اول السابع واتحجز فى الحضانة شهر كامل ووهو فى الحضانة جالة ميكروب غريب كده وعمل عملية فى الحوض وهو تقريبا 15 يوم والحمدلله دلوقتى كويس

[somia]

انا مرعوبة قوي توتة الفجر عملت اسهاااااااااااااااااااااال ريحته غريبة قوي ودلوقتي عملته تاني مع ان مش عادتها ابدا هيه اصلا مبتعملشي براز غير كل تلات او اربع ايام ودلوقتي بعد ما اديتها الرضعة وبكرها فتحت نافورة من بقها ومراخيرها ترجيع انا محتاسة قوي ومش عارفة اعمل ايه