دردشة حوامل دولة الجزائر- تجمع بنات الجزائر

nakhla · 01-15-2013, 09:58 PM

نسيت ما قلتلكش بلي تقدير تمديلها سيرو ديبريدات مدهولي الطبيب للبيبي

و شربتو معاها ريحت منو ملييييييح

و ما تنسيش تبطحيها على كرشها مرة على مرة باه تتنفس

على فكرة واقيل راهي بنتك قد بنتي انا راهيقريب تكمل 3 اشهر

زادت في 18 اكتوووووبر

nakhla · 01-15-2013, 10:05 PM

منيرة اهليين ومراحب

حنونتي اذا كنتي حابه تحملي الجماع ماشي نهار بعد نهار 3 مرات فالنهار اذا تقدري

صباح و عشيه وليل هههههه

و ماكاش ما احسن من وضعيه النوم على ضهر

و كيما قالو لبنات كي تكملي رفعي رجليك و ماتنوضيش ماذابيك للصباح

ونشالله ياربي تدخلي تبشر ينا في هاذ الشهر

ميمي 17 · 01-15-2013, 10:07 PM

كينخرج تجملو من وراية

nakhla · 01-15-2013, 10:11 PM

توتو مارانيش نتلاقى معاك توحشتك

كي نروح انت تدخلي اههههههههه

ام انس وش راكي.........شفتي

نور؟؟؟؟؟؟بلاصتها كبيرة ؟؟؟؟

واقيل راهه الثلج رادمها في سطيف

مينو وميمي

وش راكم مع الوحم ماراكمش تبانو ياك
ما توحمتوش على التجمع تاعنا و

كرهتوه؟؟؟

OUM ISRAA · 01-15-2013, 10:12 PM

اقتباس:

المشاركة الأصلية كتبت بواسطة ولود

ام اسرا طل القمر علينا هذي غيبة

التيزانة تقدري ديري حبة حلاوة ولا

كمون ولا كرويه ما تخلطيهمش كل

مرة حاجة

اما الكمية انا نمد بينتي من 30 حتى 65

على حسابه هي جيعانة ولا لا بصح انا

عمري مادرت الحليب الاصطناعي لولادي

انت ديري نفس الكمية تاع الحليب ومن

الافضل فالليل باه تبات راقدة و متنفسه

واذا مازالت ترضي فيها من صدرك اشربي
انا ثاني

التيزانة راهي تعقبلها من حليبك

اما شحال من مرة فالسمانة فملي كانت

بنتي تبات تبكي من الغازات كنت نمدلها كل
ليلة وكي حسيتها ريحت راني مرة

بالاسبوع فقط

يعني ؟......انت تعرفي و مادامك قلتي كونستسبي ديريلها كل ليلة حاجة مرة

كمون و مرة كرويه ومره يانسون

وماديرهاش تيزانة ديريها فيزيون يعني

كي يغلي الما ارمي الكرويه ولا الكمون ولا

اليانسون ودقيقة وطفي عليها النار

اذا ما شربتهاش ديلاريلها شعرة سكر

الله يعطيك الصحة حبيبة اليوم نسييلها و نشوف
كيراها طيموشة كاش قباحة؟

nakhla · 01-15-2013, 10:14 PM

ميمي راكي هنا؟؟؟

وش راكي دايرة مع البررررد

دفي روحك وماتخرجيش برا بزاف

سايسي روحك حنووونة

nakhla · 01-15-2013, 10:17 PM

لقباحة غير هي ... ام اسرا.... راهي تزقييييييييي تقول حابه دابز مع الولاد

دايرة فوضى كبيرة

بصح حابة نسقسيك علاش درتي الحليب الاصطناعي لبنتك؟؟

OUM ISRAA · 01-15-2013, 10:19 PM

اقتباس:

المشاركة الأصلية كتبت بواسطة ولود

نسيت ما قلتلكش بلي تقدير تمديلها سيرو ديبريدات مدهولي الطبيب للبيبي

و شربتو معاها ريحت منو ملييييييح

و ما تنسيش تبطحيها على كرشها مرة على مرة باه تتنفس

على فكرة واقيل راهي بنتك قد بنتي انا راهيقريب تكمل 3 اشهر

زادت في 18 اكتوووووبر

انا بنتي زادت في 07 نوفمبر راه عندها 2 اشهر و سيمانة
ربي يحفظهم و يرزق لي ماعندوش

nakhla · 01-15-2013, 10:21 PM

ام اسرا هاذا وين قريت موضوعك تنشيف الحليب

روحي للفرماسي يمدلك حبوب تنشفلك الحليب في سمانة نشالله

OUM ISRAA · 01-15-2013, 10:23 PM

لبنات تعرفوا البارح فطمت بنتي و اليوم صدري راه غادي يترتق وراه واجعني بزاف شا نديرلوا باش ينشف
شريت شفاط بصح الطبيبة قاتلي الشفط يزيد من ادرار الحليب
قولولي الحل و شحال المدة باه ينشف

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل دولة الجزائر- تجمع بنات الجزائر	رونق الروح	إستفسارات حوامل من الشهر السابع إلى الشهر التاسع	16750	01-02-2012 10:25 PM
دردشة بنات الجزائر وينكم يا بنات الخضرة و البيضة و الحمرة	ryma51	إستفسارات حوامل من الشهر السابع إلى الشهر التاسع	1	10-12-2011 03:13 AM
تجمع حوامل الجزائر والمغرب العربي الكبير	أوائل	إستفسارات حوامل من الشهر السابع إلى الشهر التاسع	15	03-29-2011 06:08 PM
تجمع حوامل الجزائر والمغرب العربي الكبير	أوائل	إستفسارات حوامل من الشهر السابع إلى الشهر التاسع	1	12-20-2010 03:13 PM