تجمع حوامل ليبيا

نسرينا · 02-15-2011, 11:50 AM

اللهم أمين باااااااارب

خطرها ... امبارح خير والصلاة على النبي " عليه افضل الصلاة والسلام "

نحلم ان جيت وقفت قدام هكي زي البحر او زي الميناء او النهر ، ونطلعلك منه يا حنة هداك صندوق الكنو معبي حدايد وسلاسل و خواتم واحجار كريمة وفضة لو نقوللكم قداش معبي هداكا الصندوق ما تصدقوش ....

ان شاء الله خير يارب العالمين

.

أم سعد · 02-15-2011, 12:04 PM

بوسي ... سلمك ... وعقبال مانشوفو صور بيبيك

نسرينا .. زعمه هكي تقولي هههه

poucie · 02-15-2011, 12:07 PM

نسرينا انشاء الله خير تعرفي ان البحر او الماء في المنام يعني امان ونجاة انشاء الله والحدايد والخواتم بشارة برزق لانه يقولو لما المراة تبدا حامل وتحلم بالحدايد والخواتم يعني انها حتجيب اوليد ولوكانت مش حامل يعني بشارة برزق انشاء الله ربي يرزقك بالحمل السليم عاجلا غير اجلا والله اعلم

عاشقة الصحراء · 02-15-2011, 12:11 PM

صبااااااااااااااح الخيرات والليرات ... كيف حال الكل بدون استثناء وانشالله كل مولد نبوي شريف وانتو طيبية وياااااااااااااارب بجاه هالمناسبة تفرحنا بحمل ميمو ونسرينا وميرنا وحكومة وأضوء ومن ثاني ياربي ...؟؟؟ كل من يتمنى يااااااااااارب الكل بدون استثناء ...
أم قصي حبيبي كيف حالك وشن حال بنياتك وراجلك وشن درتي في المولد ؟؟؟
نسرينا الغالية صبااااااااااااااااحو كيف حالك وكل سنة وانتي طيبة يارب ... شن صار معاك في الحنة ؟؟؟
وتعرفي حلمك مش عااااااااااادي وجايك خير بإذن الله ويارب يفرحك بحمل عاجل غير آجل الدنيا بتعطيك حاجة حلوة بإذن الواحد الأحد .. تعرفي جربتها والله لما نحلم حلم هكي حلو تاني يوم نصدق أي حاجة بنية تحقيق الحلم وسبحان الله والله بسرعة نشوف الخير ... حتى عالحمل سمعت شيخ يحكي على فضل الصدقة مهما كانت ان النية المعقود عليها الصدقة تعجل في تحقيقها انشالله يعني حاولي ديما انشالله طرف خبزة تمديه لحد قولي في خاطرك هذي صدقة باش نحمل ويكون في السر طبعاً وربي يسخرلك ياغالية ...
ماسألتيش عليا زعلالالالالالالالالالالالالالالالالانة منك ..
عيوووووووووووووووووني وينك ياحلو .. شن أخبارك وخيرك تغيبي هلبا هالفترة ؟؟
سورينام كيف حالك حبيبتي وشن أخبارك ؟؟؟ انشالله لا باس عليك ياغالية وحاولي قدر الإمكان ماتعديش صغارك وخليهم بعاد لأن مايتحملوش بسلامتهم ..

ليلى كيف حالك وكل سنة وانتي وراجلك طيبين وربي يحفظكم لبعض يارب ..
حكومة كيف حالك وشن أخبارك ؟؟ قوليلي علاش تبي تمشي لدكتورة ؟؟؟
طرابلسية ويييييييييييييييييينك ؟؟ انشالله خير ... يمكن ولدت ياصبايا .. ربي يسهللك يارب
أم السعد .. ليبيا ... آية العسولة كيف حالكم وكيف حال صغاركم وشن مدايرين فيكم الضيوف ووجع العملية والصغار وووووووووووووووه مابعدكم ...

عاشقة الصحراء · 02-15-2011, 12:12 PM

بوسي الحلوة كيف حالك وشن أخبارك ؟؟؟ انشالله تكوني بخير انتي وعويلتك كلها ..
غرام الغالي معاش بينت ياصبايا ... انشالله يكون المانع خير يارب

نسرينا · 02-15-2011, 12:20 PM

يسلمواااااااااااااا ربي يسمع منكم يارب ويفتح عليكم ويسخرلكم كل حال ...
وان شاء الله ربي يستجيب لدعواتكم

عاااااشقة ولا تزعلي اني ما سألتس عشان شفتك قاعدة وقلت توا تخش وبعدين هو التجمع يحلى الا بوجودك وطلتك وخفة دمك ...

وبالنسبة للحنة قاعدة نفكر لان مرت خوي قالتلي تعالي اني نحنيك ،وهي الحق ما شاء الله عليها وايدها خفيفة ...بس ما نبيش انتعبها لان عندها زوز صغار ..
وراجلي قاعدة ما قلتلاش علي الحناية التشادية والله خايفة نقوله ينط فياّ هههههههههههههههههه

.

عاشقة الصحراء · 02-15-2011, 12:30 PM

تسلميلي يارب ... هو لو مرت خوك بتحنيك أريح يعني توفري حتى الفلوس وتريحي روحك وراجلك ... على سيرة توفري الفلوس امبارح حكتلي أختي على وحدة شافتها في المزين اللي قدام حوش أهلي .. شعرتها مجعدة شوية وجت للمزينة سألتها قالتلها بقداش تديريلي فرد قالتلها ب70 وبعدين سألتها على أحسن نوع فرد والمزينة قالتلها على اسمه .. وراجلها منبه عليها ماتديريش بروحك بري لمزينة شاطرة تديرهولك ونعطيك فلوس .. مشت الفالحة طبعا خدت من راجلها 70 دينار وجابت الفرد للحوش وخلاته يطلع وروناته فوق راسها ولفاته بالنايلون وغماته بشاربة وقعد فوق راسها لين كملت ضمان الحوش هههههههههههههه المهم لما نحت النايلون شعرها كله جي فيه ومانحكيلكش عالعياط اللي داراته جي راجلها لقاها تبكي قاللها خيرك نحت الشاربة ووراته صلعتها ماااااااااااااات طبعا وعيط وقاللها وريني المزينة اللي دارتهولك قالتله درته بروحي .. شدها عطاها طريييييييييييييييييحة طريحة من اللي يحبها قلبك وجاية للمزين عيونها زرق مسكينة ... اللهم لا شماتة لكن شوفي على خاطر 70 دينار شن دارت في روحها هههههههههههههههههه ...

عاشقة الصحراء · 02-15-2011, 12:34 PM

تعرفوا اني اليوم متضااااااااااايقة ... مشيت الصبح للجامعة بنشوف شن صار في الأسماء وفي المعادلة امتع المواد واني نبي قسم علم الأمراض .. المهم لقيتهم حايسين في بعض قاعدين وفيه أسماء نزلوا وأسماء مش معروف امتى والقراية منزلين إعلان انها بتبدا 1/3 وخاشة بعضها .. واللي ضايقني أكتر لما قلت للسكرتيرة كيف القراية بتبدا قريب وانتو قاعدين هكي حايسين وماتعرفوا شي قالتلي عادي يمكن تبدا حتى يوم 1/6 لو مالحقناش آااااااااااااااااااااه قتلتني وتمنيت نكسر المكتب فوق راسها .. يعني تخيلوا توا مش عارفة قرايتي امتى بتبدا ومش عارفة حتى وين حطوني في أي قسم وتخيلوا تبدا 1/6 يعني في الشهر السابع وقتها حنكون والسمستر 3 شهور .. رووووووووووووووووووووووووينة وعجيييييييييييييييييينة وتلبيز زايد

نسرينا · 02-15-2011, 12:35 PM

هههههههههههههههههههههههههههههههههههههههههههههههههه ههههههههه

حي عليها ، حبل الكذب قصير ، لاحول ولا قوة الا بالله ، حتى هي فاضية خلاص مادام راجلها عطاها فلوس ليش تاخذ فيهم من وراه

طيب فيها اللي ما طلقهاش ،،، اكيد هو ما يحبش الشعر المجعد والكركدي هههههه مشت نحتهوله وريحاته منه بكل هههههههههههههههه

ربي يسلم ويستر علينا ياارب

.

نسرينا · 02-15-2011, 12:40 PM

معليش ما اضايقيش روحك اللي مصوره ربي صاير ....

وامتى ما يسخرلك تقري ...

.