تجمع حوامل ليبيا

[ميرنا]

هيا من غادى بدون كلام اسسسسسسس خلص ام اسيل انهى بلاش سهوكة , صابرة اسكتى توة اتجيبى, لجنة لاوقاف راجية فرج ربها بعدين تحكينا , امنيات يام البنات ريحى روحك,اميسر قعمزى وحولى المستك من فمك , اعيون راجلها فكينى من اتمطبخ ودوة الفاضية المانية شنو , ساجدة وانتى تكراكرى اقعدى فى مكان واحد اسسسسسسسسسس بدون كلام واحد واحد واحد صوت واضح ام لقمان امسكى جنان احذاك اسسسس خلص وين الهندية ياستر الله مع شايبها ماجتش ؟, خلص الرجاء الصوت من غادى ///// الان الكلمة الى عرب سبها تدخل وتتفضل على خشبت المسرح حبل الوصل هاييييييييييي وجايب احلى الاخبار تفضلى يا حبل الوصل ياجماعة عطوها الطريق دخل معها راجلها ابو اخلاص رافعلها الفيلو ايجنن اسمح منها ااسسسسسسسسسس ارجو الهدواء حبل الوصل قالت يابنات انا اااااااااااااااااااا ؟ هيا ياحبل الوصل بشري

[ام اسيل]

المشاركة الأصلية كتبت بواسطة حبل الوصل

صباح الخير الباين مازال مافيش فرحة في هالتجمع
الدورة نزلت اليوم الصبح ربي يعوضنى خير
سلامات ماعندى نية في شي نمشي نرقد نفسيتى تحطمت
مش عارفة ليش تتاخر وتعيشنا في امل وبعدها تنزل كرهتها وكرهت روحى

يعوضك ربي المرة الجاية بس انا يا ام اخلاص نبي نقولك حاجة وبكل صراحة الي اندير فيه انا وياك عا الحمل امغير دلع شوفي انت قعدت كم مسكرة وماتبيش تحملي وبعدها فجأة صحلك تحملي معناها تبي تحملي على طول لا كل شي بتساخير الله وبعدين معدل الحمل في كل دورة شهرية 15في المية انا مع التلقيح الصناعي قالولي 20 في المية وانت مازلت حتى الثلاثينات ماطقيتيهن وبسلامة عويلتك قدامك والنبي شوفي ميرنا الي شافت عويلتها وطارو منها وقلعدة نفسيتها تمام ومش يلئسة من رحمة ربي ماشاء الله عليها نحنا كلنا لازم نتعلمو منها الصثبر والايمان وربي يرزقها ويرزقنا ان شاء الله
يعني الي كيفي وكيفك يشوف في عويلته قدامه ووليد وبنية اخرى حلاوة الذرية يقعد هبل كان زعل كان جا الحمل جا وان كان ما جاش توا يجي في وقته والي يسمعك يقول عمرك اربعين سنة هيا نوضي وما تنكديش عاالعيال والرجل وخلي نفسيتك تمام راهو كل شي عا النفسية وبكرة ابدي في العلاج ومتقوليش معنديش نية نعالج زي المرة الي فاتت وخليها على الله وخلى الحمل يجي على مهله الشهر الجاي الي بعده السنة الجاية عادي في اي وقت اسمعي الكلام يابنت وشوفي عويلتك قدامك وقولي الحمد لله الحمد لله والله ما ملي متمني صبع وليد (ياهبلة)

[ام اسيل]

المشاركة الأصلية كتبت بواسطة امنيات

ام اسيل انشالله ربي يثبت حملك وامتي قالولك النتيجة اتبان ومن هي الدكتوره اللي دارتلك التلقيح ؟؟ مكتر اسئلتي وانتي قلتي عينة راجلك كويسه معناها وين المشكلة ؟ وعندك اعويلة قبل ولا لا ؟ وانشالله ربي يفتحها عليك

شكرا ياحبيبتي وان شاء يطلع حمل نحنا درنا الي علينا والباقي على الله
والنتيجة بعد 14 يوم من التلقيح

والدكتورة هي حكمت بوقرين في عيادة الامل في بنغازي

وانا عندي وليد وبنية والصغير وليد وعمره خمس سنين ونص

وحملت من فترة واجهضت في شهر 2 الي فات بو خمس شهور ويمكن السبب السكر

وان شاء الله ربي ينولك ما في بالك

[ميرنا]

حبل الوصل حسبى الله ونعم الوكيل

[حبل الوصل]

علاج شنو والراجل ماشي لمصراتة عنده دورة غادى وانى اليوم اول يوم في الدورة وهو بيمشي يوم السبت يعنى مفيش فايدة خليها مرة ثانية
والله ياام اسيل كلامك مزبوط بس انا ليا اكثر من سنة ونص نستنى في الحمل ودايرة برنامج نبي نحمل مش غير توة بس
ميرنا ضحكتينى ربي يسعدك يانوارتنا

[Amal123]

السلام عليكم
أني آمال ليبية وحامل في الشهر آواخر الشهر السادس وهذا أول حمل ليا ونتمنى نكون مشاركة خفيفة على قلوب الليبيات

[Amal123]

أني آمال من طرابلس متزوجة ليا سبعة شهور وحامل ستة شهور ومش معروف نوع البيبي المهم أني لا عندي ولد ولا بنت إللي إيجي باهي نعمة والحمدالله

[حبل الوصل]

اهلين وسهلين بيك اختى آمال نورتى التجمع ان شاءالله وجهك خير علينا
ربي يثبتلك حملك ويتملك على خير وييسر ولادتك ويرزقك بطفل سليم معافى يااارب

[ام اسيل]

حبل الوصل نجك ليا حسيت نفسيتك احسن من امبدري ياستي مش الشهر هضا الي بعده ولا حتى السنة الجاية عاااااااااااااااااااااادي
تعرفي انا ليا شهرين كل ماتجيني الدورة وبيش ننسى الزعل نعدي نشري في ذهب الشهر الاول شريت فردتين والشهر الي فان شريت فردتين اخرى والذهب نار الراجل اول مرة ما تكلمش لكن الشهر الي فات ان شاء تحملي بسرعة قبل ما تسكري على طزينة ههههه
تعرفي انا اليوم عندي عزومة عا الغدا لكن قعدت مشغولة عليك قلت لازم نطمن عليها والحمدلله اطمنت عيشي حياتك يابنتي وانسي موضوع الحمل يجي بروحه

[راجيه فرج ربها]

صبحكن الله بالخير يااطيب خيات
منوره يااجمل امنيات ويفرح الله قليبك كيفما فرحتي اقليبي بهالدعوه ولك مثلها وقبلها قيلها الملك لان دعاء المؤمن لاخيه المؤمن بضهر الغيب مستجاب ويامن عليك الملك ويقولك ولك مثله فلنتقي الله ديمه في دعواتنا
اخويتي حبل الوصل مازال ربي يحب يسمع دعواتك ماشاء الله عليك ربي يسسرلك امرك ماقريتيش هالقصه تو نحكيها لك وشوفي رحمة الله كيف وسعت
والله دمك خفيف خيتي ميرنا ربي يسر قلبك كيف ماسرتي خاطرنا
كلنا نعرف سيدنا موسى عليه الصلاة والسلام وهو كليم الله
فقد أتت إليه امرأة، وقالت له أدعو لي ربك أن يرزقني بالذرية، فكان سيدنا
موسى عليه الصلاة والسلام يسأل الله بأن يرزقها الذرية
وبما أن سيدنا موسى عليه الصلاة والسلام كليم الله، كان رب العزة تبارك وتعالي
يقول له يا موسى إني كتبتها عقيم
فحينما أتت إليه المرأة قال لها سيدنا موسى، لقد سألت الله لك، فقال ربي لي
يا موسي إني كتبتها عقيم
وبعد سنة أتت إليه المرأة تطلبه مرة أخرى أن يسأل الله أن يرزقها الذرية، فعاد
سيدنا موسى وسأل الله لها الذرية مرة أخرى
فقال الله له كما قال في المرة الأولى يا موسى إني كتبتها عقيم
فأخبرها سيدنا موسى بما قاله الله له في المرة الأول
وبعد فترة من الزمن أتت المرأة الى سيدنا موسى وهي تحمل طفلا
فسألها سيدنا موسى طفل من هذا الذي معك ، فقالت انه طفلي رزقني الله به
فكلم سيدنا موسى ربه ، وقال يا رب لقد كتبتها عقيم
فقال الله عز وجل وعلا
يا موسى كلما كتبتها عقيم ، قالت يا رحيم
كلما كتبتها عقيم ، قالت يا رحيم
فسبقت رحمتي قدرتي
فانظر يا أخي وانظري يا أختي رحمة رب العالمين وقدرته
وإليك الدعاء
اللهم يا حي يا قيوم ، يا ذا الجلال والإكرام ، أسألك باسمك الأعظم الطيب
المبارك ، الأحب إليك الذي اذا دعيت به أجبت ، وإذا استرحمت به رحمت ، وإذا
استفرجت به فرجت ، أن تجعلنا في هذه الدنيا من المقبولين والى أعلى درجاتك
سابقين ، واغفر لي ذنوبي وخطاياي وجميع المسلمين
اللهم اغفر لي وعافني واعف عني واهدني الى صراطك المستقيم وارحمني يا أرحم
الراحمين برحمتك أستعين
سبحان الله والحمد لله ولا إله إلا الله ، والله أكبر ولله الحمد ، وأستغفر
الله عدد خلقك ورضى نفسك وزنة عرشك ومداد كلماتك
اللهم اغفر للمسلمين جميعا الأحياء منهم والأموات وأدخلهم جناتك ، وأعزهم من
عذابك ، ولك الحمد ، وصلى اللهم على أشرف الخلق سيد المرسلين محمد صلى الله
عليه وسلم وعلى أهله وصحبه أجمعين
أدعولي ولجميع المسلمين والمسلمات والمؤمنين والمؤمنات الأحياء منهم والأموات
وهدا كان بتسمعي القصه سماع هدا الرابط
http://www.fr-ebda3.com/vb/t9380.html