تجمع حوامل ليبيا

عاشقة الصحراء · 02-13-2011, 03:59 PM

شكله مافيش غيرنا ... وينكم يابنات ؟؟
بري حبيبتي واني قاعدة لنهاية دوامي صحة ياعمري

ام قصى محمد · 02-13-2011, 04:33 PM

خخخخخخخخخخخخخخييييييييرات

ام قصى محمد · 02-13-2011, 04:34 PM

شطبت خلاص بس راجلى طول ومايرد هالموبايل شكلها ماشى يحضر فى مباره

ام قصى محمد · 02-13-2011, 04:35 PM

اسفه عاشقه طولت عليك قاعده عاشقه

الايمان · 02-13-2011, 05:10 PM

هااااااااااااااااااااااااااااااي يا بنات كيف حالكم
الف مبروك لليبيا بنوتتها الجديدة
كيف حالكن كلكن يا بنات من غير استثناء
وانا ماحديسأل عليا ويقول هالولية شن دايرة
المهم مشيت للدكتورة ايمان عشان الزرع ودارتلي تحليل الاستراديول طلع 51 وعطتني دواء بروجلوتين 21 يوم عشان ينزل الهرمون وحللت ثاني يوم الدورة وطلع57 يعني زاد مانقصش لما مشيت لدكتورة قلتلي نستملر عليه 21 يوم اخرى لما قلتلها ان الهرمون ارتفع ما نزلش قالتلي ممكن صارتلك لخبطة وحينزل ان شاء الله
من الي عندها فكرة عالعلاج وليش لازم ينزل الهرمون عشان الزرع

أم ردينة · 02-13-2011, 09:27 PM

السلام عليكم
كيف حالكم جميعا :وشنو اخر الاخبار منو اللي جابت ومنو اللي حملت لاني كنت غايبه زعمة في منو تفكرني ولا لا؟ لاني مقريتش الصفحات السابقه

ميمونة · 02-14-2011, 12:01 AM

السلام عليكم أم قصي تسلمي بس بجد رديت عليك شوفي الردود _وكل عام وأنت وعائلتك بألف خير
بوسي_تسلمين يارب ينوضك بالسلامة وتخشي تبشرينا
أم ردينة_وين الغيبه_عاش من شافك شن الأمور_

ليبياقلبي · 02-14-2011, 01:29 AM

شن اخباركم كلكم ام سعد ماشاء الله وليدك حلو انا بنيتي مهناش ضعيفة بكل اهو نرضعوا وخلاص
وووووووووووووووشن اخباركم كلكم والله ليكم وحشة

ام وسونة · 02-14-2011, 02:45 AM

كيفكم صبايا اليوم

اسفة على التاخير بس والله التهيت بحالي انا مشكلتي ان من حوالي 10شهور نبي نحمل ومايصيرش
مشيت لدكتور قالي مافيك شئ واعطاني ادوية لخبطتني وبعدها قررت ماعاد اروح الا لدكتور ثقة

بعدها ب 5شهور قالتلي صديقتي على دكتورة في المسرة اسمها رائدة مشيتلها بصدق ممتازة فطلبت مني جهاز مهبلي قالتلي مبدئيا كل شئ تمام بس لما تعمقت قالتلي عندك كيس في الرحم والاغلب يكون كيس حمل او اجهاض فطلبت مني تحليل حمل طلع سالب فقالتلي اني شاكه فيه كيس حمل وصارله اجهاض مش حنعطيك ادوية لشهر الجاي لنتاكدوا من الكيس نزل مع الدورة الجاية
ولومانزلش حنعطيك ادوية تنزله او نديرلك اسكمينتو

بصدق اني قريب ننجن قولولي كيف الحل والله مضايقة هلبااااااا

بالله عليكم اللي عندها تجربة زيني او سامعة بها اطمني

شكرا ليكم واسفة على الاطالة

أم سعد · 02-14-2011, 11:58 AM

السلام عليكم

صباح الخيرات

كيف حالكم كلكم؟؟

ميمونة شن صار معاك مشيتي آمس للدكتورة نادية؟؟

ليبيا قلبي .. حتى أنا وليدي ضعيـــــــــــف بكل وعلى قولتك شادتها رضاعة وبس

أم وسونة ... والله بالنسبة لاستفسارك ماعندي علم .. بس يشكرو فيها الدكتورة رائدة ... وانتي تقدري تزيدي تتأكدي أنا نرتاح للدكتورة نادية القدراب لو تبي تتأكدي وتطمني أكثر

سلامي للجميع