تجمع الجزائريات الغاليات المتأخرات في الحمل ‏

[ندى الوردة]

أمل ربي يبعد عنك شياطين الانس والجن واعتمدي على نفسك ارقي روحك وارقي بيتك وفراشك بالنية مش شرط تكوني حافضة 60 حزب اقرئي في ماء ورشي البيت والفراش وتأكدي انه ابتلاء وانه أزمة وتعدي باذن الله قل لن يصيبنا الا ماكتب الله لنا
يعني شيء مقدر وماعليك غير الصبر والدعاء ومهما ضاقت رح تفرج ان شاء الله

[ندى الوردة]

والله الطبيبة هذي 7 سنين وانا معاه ماقدرتش نبدلها وهي طبيبة هايلة كانت سبيسياليست جينيكولوق وولات جينيراليست يعني طبيبة العايلة حتى ولادي كي يمرضو نديهم عندها وهي تقولي كي جبتي ولاد من قبل طولي بالك ع العلاج يعني بيني بين عامين ثلاثة هههههههه رانا صابرين ربي يرزقني وما يحوجنيش ليها

[AMAL JADID]

المشاركة الأصلية كتبت بواسطة ندى الوردة

والله الطبيبة هذي 7 سنين وانا معاه ماقدرتش نبدلها وهي طبيبة هايلة كانت سبيسياليست جينيكولوق وولات جينيراليست يعني طبيبة العايلة حتى ولادي كي يمرضو نديهم عندها وهي تقولي كي جبتي ولاد من قبل طولي بالك ع العلاج يعني بيني بين عامين ثلاثة هههههههه رانا صابرين ربي يرزقني وما يحوجنيش ليها

بصح البنادم راه يكبر ماراكيش تصغاري تجيبيه انتي في 30 و لا 40 هي الي رايحا تربيه
وزيد الدوا و القلقا هادي جاتك قليلا و المصروف كلي رايحا تحوسي

انا قبل منزوج كنت نحلم بطزينا دراري نجيبهم على ضربة و كنت نحلم واش نشريلهم و واش نسميهم
وراكي تشوفي ربي يرحمنا برحمتو

[عبير الحرية]

اهلاااااااااااا لبنات

امومة امة ندى و الما واش راكم

امومة ديري الراحة و كملي دواك نورمال مع التحصين باذن الله مايكون غير الخير

اما الكيس الي لقيتيه بالوصف نتاعك راهو حمل ببدايته

امة وينك هاذو نهارين توحشناك

ندى حنونتي دورتك 32 يوما هذا لا يعني انه لازم التبويض اليوم 18

انت واصلي على الجماع يوم بعد يوم و ان شاء الله يكون حمل

الما واش راكي

نور كاش اخبار حابة نطمن قبل ما نروح

وينهم الباقيات

[أمة الرحمان السلفية]

اهلا عبورة لعميرة كيفاش راكي مع الحمل انا عندي يومين هاملة ندخل نرقد برك كل يوم وين

[ندى الوردة]

المشاركة الأصلية كتبت بواسطة amal jadid

بصح البنادم راه يكبر ماراكيش تصغاري تجيبيه انتي في 30 و لا 40 هي الي رايحا تربيه
وزيد الدوا و القلقا هادي جاتك قليلا و المصروف كلي رايحا تحوسي

انا قبل منزوج كنت نحلم بطزينا دراري نجيبهم على ضربة و كنت نحلم واش نشريلهم و واش نسميهم
وراكي تشوفي ربي يرحمنا برحمتو

يجي يجي باذن الله ربي حنين كريم
تعرفي عندي بنت خالتي مسكينة 5 سنين ما ضناتش وكي بدات تضني 3 اجهاضات الله لايبلي أحد تخيلي لي طاح في 4 شهر والي في شهرين وذرك ماشااء الله عندها طفل وطفلة وراهي حامل لعقوبة ليك في هذي الأيام يعني ربي عوضها وبنها الثاني والحمل الأخير هزت بيهم وهي ترضع يعني ربي سهلها عليها بعد المعاناة وولادها ماشاااء الله

[عبير الحرية]

يسلمك امة حنونتي

الحمد لله مادام نشوفو الوجوه الطيبة هنا

عندك الحق بدلي الجو و الله انا عندي بزاف ما خرجتش اسكتي برك بديت نثقل و ربي يقدرنا

[ندى الوردة]

مسااء الأنوار عبير واش راكي واقيلا هذاوين نضتي ههه كي بغينا نرقدو جيتي

[ندى الوردة]

المهم لبنات قعدة كي لعسسسسسسسل انا عينيا نص مغمض ونص محلول تصبحو على ألف خير ويعطيكم الصحة عﻻالاجوبة والنصائح
في أمان الله

[AMAL JADID]

المشاركة الأصلية كتبت بواسطة ندى الوردة

يجي يجي باذن الله ربي حنين كريم
تعرفي عندي بنت خالتي مسكينة 5 سنين ما ضناتش وكي بدات تضني 3 اجهاضات الله لايبلي أحد تخيلي لي طاح في 4 شهر والي في شهرين وذرك ماشااء الله عندها طفل وطفلة وراهي حامل لعقوبة ليك في هذي الأيام يعني ربي عوضها وبنها الثاني والحمل الأخير هزت بيهم وهي ترضع يعني ربي سهلها عليها بعد المعاناة وولادها ماشاااء الله

الواحد يحمد ربي سبحانو

بصح الي يمرضك هدت الناس تعياي تتجاهليهم يضروك بتصرفاتهم و تصوري حتى المقربين منك

و الطبا يلعبو بحياتك ويوصلوك للموت هذه المرة خرجلي ورم بسبت الدوا و كي تقوليلها الدوا دارلي هكدا تقلك لالا