دردشة حوامل مصر - دردشة بنات مصر - تجمع حوامل مصر

[بقلظة]

قوليلي اعمل ايه ده قرب يجي دلوقتي من الشغل وانا خايفة تتصل تاني

بافكر اخلي جوزي يرد عالتليفون

[Om Rodina]

المشاركة الأصلية كتبت بواسطة malak2010

طيب اية المشكلة ممكن اقدر افيدك

خلاص ياملوكة ياحبيبتى انا هاحاول تانى كده واشوف وربنا يسهل معلش تعبتك معايا

[MALAK2010]

اية الطيبة بتاعتك دى ياامل انتى غلطانة اوى طبعا
ازاى تعطى ايميلك لحد مشوفتيش مشاركاتة قبل كدة
لو عاوزة تضيفى حد لسة مش عرفاة كنتى ياستى اعملى ايميل جديد وضيفيها علشان ماتسببلكيش مشاكل على الايميل بتاعك لانها ممكن تسرق ايميلك وتعمل حاجات مش كويسة بية

وكمان عطتيها رقم موبايلك علشان ماتكذبيش ولا تحرجيها اديكى وقعتى فى مشكلة اكبر
اولا اعملة بلوك لها على الايميل
تانى حاجة غيرى شريحتك خااااااااالص وجيبى رقم تانى انتى مش هنستنى نتاكد اذا كانت ولد ولا بنت بتستعبط
ومفيش ارخص من الشرايح بتاعت الموبايل

[MALAK2010]

ماتزعليش منى يا امل اذا كنت كلمتك كدة بس من خوفى عليكى يا بنتى انتى ماتعرفيش الفراغ والاستهتار ممكن تعمل اية فى النااس
صحيح ممكن شكوكك دى تتطلع مش فى محلها بس علشان تكونى فى الامان اعملى كدة

يابنتى انا مرة اتسرق ايميلى ماعرفش ازاى واللى اخدة ربنا يجازية عملى مشاكل كتير حتى تلاقينى كاره النت ومش بحبة من اللى فية

[بقلظة]

المشاركة الأصلية كتبت بواسطة malak2010

اية الطيبة بتاعتك دى ياامل انتى غلطانة اوى طبعا
ازاى تعطى ايميلك لحد مشوفتيش مشاركاتة قبل كدة
لو عاوزة تضيفى حد لسة مش عرفاة كنتى ياستى اعملى ايميل جديد وضيفيها علشان ماتسببلكيش مشاكل على الايميل بتاعك لانها ممكن تسرق ايميلك وتعمل حاجات مش كويسة بية

وكمان عطتيها رقم موبايلك علشان ماتكذبيش ولا تحرجيها اديكى وقعتى فى مشكلة اكبر
اولا اعملة بلوك لها على الايميل
تانى حاجة غيرى شريحتك خااااااااالص وجيبى رقم تانى انتى مش هنستنى نتاكد اذا كانت ولد ولا بنت بتستعبط
ومفيش ارخص من الشرايح بتاعت الموبايل

ماااااااااشي يا ملك انا هاعمل كده ان شاء الله

بس اقوول لجوزي ايه عايزة اغير الشريحة ليه

يعني احكيله؟

ده لسه امبارح بيضحك عليا هو وواختي يقولي اني عبيطة باصدق اي حاجة واي كلاام علي النت

[بقلظة]

المشاركة الأصلية كتبت بواسطة malak2010

ماتزعليش منى يا امل اذا كنت كلمتك كدة بس من خوفى عليكى يا بنتى انتى ماتعرفيش الفراغ والاستهتار ممكن تعمل اية فى النااس
صحيح ممكن شكوكك دى تتطلع مش فى محلها بس علشان تكونى فى الامان اعملى كدة

يابنتى انا مرة اتسرق ايميلى ماعرفش ازاى واللى اخدة ربنا يجازية عملى مشاكل كتير حتى تلاقينى كاره النت ومش بحبة من اللى فية

يا بنتي ازعل ايه بس انا حسيت نفسي غلطاانة

بس لاسف ديه طبيعة فيا مش عارفة اغيريها مش بعرف اكسف اي حد او احرجه

وبرضه معرفش اكدب ولا الف وادور

[MALAK2010]

بصى انا رايى قوليلة صحيح هتعملى مشاكل لنفسك بس عرفية انك ندمانة على التصرف دة اللى انتى عملتية

انا رايى مفيش سر بيدارى وعلشان احنا مش عارفين ممكن اية اللى يجرى لا قدر الله
وانتى ادرى بنفسك

[بقلظة]

ربنا يستر

ادعي لي

انا اعمل كده

لاني معرفش اخبي حاجة عليه اصلا

[MALAK2010]

الحكاية مفيهاش لف ولا دوران ممكن كنتى ماتعطيهاش الايميل بكذا طريقة ومش لازم تكذبى
ممكن كنتى تعتزرى بلباقة وتقولى خلينا نتكلم على المنتدى علشان بقية اصحابى
كان ممكن ماترديش عليها خالص اصل انتى بتقولى ماتكلمتوش مع بعض
كان ممكن كذا طريقة
كان ممكن تقولى ان جوزك مش راضى اى سبب كان ممكن يوصلها بذوق
هى او هو اظاهر بعت للناس كلها واللى يرد علية

[MALAK2010]

طيب اتكلمتوا قولتوا اية على الموبايل