ديوانية البحرين - دردشة حوامل البحرين - البحرينيات

[بنوتة حلوة]

منخرررشة كأن باجر الولادة ..

المشكلة ابي اخلص من اغراااض البيبي عشااان افتر للتوزيعااات بسويهم في البيت وللحين مادري شنو اسوي .. هالشهر كللله شغل .. بهيء روحي حق اول يوم في التاسع !@@

[بروفكشن]

هالووو

شخبارك بنووووته شمسويه مع التعب

[Roze]

بنوته بدلات للنفاس اختي اخدت من السعوديه جلابيات خاصه يعني تستقبلين فيها الناس وبنفس الوقت فلكسبل للرضاعه وفيها قطعه من فوق تنشال وتصير مزلذ كولش عجبوني واسعارهم حلوه علا خمسة دنانير.

ادا تبين بدلات خفيفة تلعوزين فيها اذا صارت تسربات خذي لش من سناء او التخفيضات الكبرى اني للولاده فصلت لي قطعه حلوة فيها ورود خفيفه مثل شلحات النوم وناعمه ويا الفراش بس حق المستشفى وللناس لين يجون بس لحين ماخدت شي اروح ويا اختي الي متقدمه عليي بالاشهر بس اطالع لحين ماانقضيت على المشترياااات

[بنوتة حلوة]

التعب تعب .. قبل كنت اقدر اقعد مدددة يعني متربعة وجدي .. احين ماااقدر لازم منسدحة شووي أو على جنب ظهررري كلش

[شمس الصباح]

المشاركة الأصلية كتبت بواسطة بنوتة حلوة

منخرررشة كأن باجر الولادة ..

المشكلة ابي اخلص من اغراااض البيبي عشااان افتر للتوزيعااات بسويهم في البيت وللحين مادري شنو اسوي .. هالشهر كللله شغل .. بهيء روحي حق اول يوم في التاسع !@@

بنوته ترى اني ما شريت جلابيات كلش وحتى بحملي حدي كم فستان للبيت والجينس للطلعه لاني ما اعرف امشي بجلابيه ولا فستان كل شلوووووح في البيت اذا لبست شي طويل امشي واني معلقه الجلابيه للركبه وزوجي يضحك يقول انتين مو مال جلابيه روحي بدلي احسن ليش

باقي البناااات اللي يسهرون في الليل صباح الخير مقدما ليكم

[om khalil]

متمللللللللله حدي امبي انام ومافيي نومه

أحلام أم
شكلها وايد عملية وعلى ماقلتين حده يشبه خلي على عمري

دموع الليل الجريح
هلا اختي ماعندي فكرة عن سؤالش ان شاءالله البنات يفيدونش

ام حماني
هلا وغلا منور الصغير الشاشه الله يحفظه

شمس
شمس ياشمس هونيها ياختي ولا تطالعين الكلندر وبيي اليوم الموعود ان شاءالله

بنوته
حليو تجهيز اول مولود زهقه تحسين تبين تشترين كل شي ^_^

طفلي
بعدش غاطه؟ والا حزتش بس آخر ليل

[دموع الليل الجريح]

قوووووووووووة حبوبات

شخباركم جميعا

بليز ابي اسئل عن دكتورة عابده قرشي في المستشفى العسكري

اشرايكم فيها

[طفلي حياتي]

السلام عليكم
شخباركم؟ عفر هدوء في الديوانيه مو طبيعي حقوي الشكل؟
روزاتي مالش بيان وينش؟
فلونه الدبه مابينت بعد
اني ياحبيباتي رحت اليوم ماماز اند باباز وشريت جمن حاجه والمشكله ان اللي اخذتهم 9 قطع كله نيوبورن ويش اسوي؟ رحت باغيرهم الا كل شي خلص
اني بالبسهم بنتي كل حين شي مافي الا هالحل خخخ
اصلا اشوفهم كفايه البيبي يوصخ وحاله يعني لازم كل شوي تبديل
بس من 0-3 ماعندي الا 3 كأن مو كفايه له؟
اكس سمول 2
وفساتين الى 9 شهور وست شهور وسنه اخذت
الحين ناقصني اللفه اني اسميه بساط مادري ويش اسمه وفراشات ومراضع اني مابغي الا ماركة عدل مابغي لبنتي هرار .. اي بعد فوط خخخخ اشياء وايد يبغي للمولود ميزانية عدله ياربي تبلغني وتتم لينا على خير كلنا
يا الله انتظر احد اهدر وياه .. لاتسألوني عن الاشياء ما صورت شي ماقدر

[om khalil]

طفلي تصدقين منبطحه من عشر الا ربع وللحين مايايتني نومه
قاعده اعور في النت مني مناك على هرار كل شي اطل ما اشوف فيه حدا

وويش حادنش على تسع قطع نيوبورن عسى ماشر؟ ان شاءالله فرحتش تطلع دبدوبه
وبعدين الفساتين حطيتين في بالش انه لما بتلبسينها ياهم بكون صيف لو شتا؟ خبري اللي بتسع شهور بكون في بداية لبروده عفر، ايه بنج الحين صح

تصدقين انزهقت هيكلحين حدي، كنت نايمه ويا خلي مو نايمه بس انومه وهو كفر مو راضي ينام بس يسولف ودهشنا ابوه كل شوي يتطفر منه، الدريشه مبطله والليت مبند

شوي الا قطو اسود اللهم صل على محمد وال محمد على السور برا قبل الدريشه وكان فيه شوي ضوا، كان شكله مخيف شافه وصرخ يقلولي ماما شوفي دتو
الا قالب ويهه على الموسده يختش وصاك عيونه حده اني اقول زين هيكو نام شكله شوي الا اسمع تنفسه بيفطس امباه يشيل ايده عن عيونه ويش فيك يقولي تعورني عيوني

اني يبست من الخوف عاص على ايده عدل على عيونه وابدا مو راضي يشيلها ولاني قادره عليه

بالموت سحبت ايده اقوله شوف راح مافيه شي وقمت علقت الليت طلعت صدقه عنه وصكيت الدريشه... ويالله نام على عمري عقب ماعطيته ربيه خخخخ

هو نام واني للحين مبطله عيوني رغم اني كنت حدي فيي خمده

[om khalil]

وبناء عليه

تصبحين على خير ياحلوه ورانا قعده ودوام
ومبروك ماشريتين تلبسهم فرحتنا بالعافية ان شاءالله