【ツ】أحلى تجمع لأحلى حوامل التوائم 【ツ】 ‏الجزء الثالث

[أم جبر]

بااااااااااااااااك للمره الثانيه ههههههه
شسوي زوجي يسافر للشغل كثير الله يحفظه ومصيري اروح لبيت امي الي مافيه نت ههههه
واكره الوصلات الي مثل اليو اس بي للانترنت .. لانها تعيييييييييييسه وبطيئه واااااااااااااايد !!!

....
اخباركم
^_^

انا دخلت اسبوعي الـ 14 الحمد لله بس نفسي منسده عن الاكل بشكل نهائي ...
وفحصت في الحكومي اول مره فحص تلفزيون .. واكتشفت انه قصه .. انتظار ومب متى ما ابي ,, وبمواعيد طويله
وكل هاي بسبب الاجانب الي بتابعون في الحكومي لانه ارخص ماديا عليهم فكلهم اهناك
وبالتالي كمواطنين ضايع حقنا ومتعطلين >_>
الله كريم ويفتحون لهم عياده بروحهم !
....
انتوا شخباركم ؟؟
وين البنات
وحشتوني والله t^t

[دانـــــه]

ريماس .. كلنا خوات حبيبتي ومابينا شي واهم شي اكون طمنتك .. وبالنسبه للوحم انا بولدي كنت مثلك واكثر حتى المويه اطلعها بس لازم تحاولين تدورين اشياء تتقبلينها ..
يعني مثلا اذا اشتهيتي شي سويه وكليه لانها ممكن تتقبلها المعده اذا كانت شهوتك واذا حسيتي بحموضه اشربي حليب .. وكلي بسكوت بعد لانه يمسك المعده .

دلوعة عبودي .. فديتهم وفديت اسمائهم حلوين فارس وفراس ..

ام عيوش .. الذوق منك وفيك والله .. وتسلميلي على هالدعوه الحلوه .

رجواي .. الحمدالله انك تطمنتي على توينزاتك.. وعقبال ماتفرحين بشوفتهم ان شاءالله

ام عمر .. الصور ذبحتني وربي جناااااان .. واااااااي شوقتيني اشوفهم واضمهم بحضني .. واله يخليلك بنوتك ويحفظها .. هههههههههاي ضحكتيني
على الوصف حاسه فيك إحنا وشهوتنا الي ماتخلص .

شنتوره .. كلك ذوق فديتك .. والله يوفق فطوش باختباراتها وترجعلنا بالسلامه .

ام رفا .. غريبه لاني انا مشيمتين وقالولي ثلاثه دكاتره انهم اولاد .. ومشكوره على المعلومات اختي .. وبالنسبه للاسماء فديت ذوقك بقلبها براسي واقوله .

[دانـــــه]

بنآت ابي اطرح موضوع وأبيكم تشاركوني فيه عشان كلنا نستفيد
بغض النظر موضوع النفاس الموجود بالمنتدى ..

شرايكم كل وحده تكتب الاشياءالمفيده للنفاس بس تكون مجربه وموثوق منها ؟ .. مثل { الرياضه الي بتتبعها ـ نوعية الاكل والشرب .. اللهومات .. والغسول .. والكريمات وغيره ..

انا عن نفسي قريت عن قهوة ام عبدالملك وناويه اشتريها ان شاءالله .. بس بغيت اسئلكم انا باقيلي اسبوع وادخل السادس وش رايكم اسوي معبوط التمر الحين ولا تتوقعون بدري مره لاني ودي اجهز اغراضي من الحين وارتاح قبل لااثقل مره ؟

[ام رفا]

المشاركة الأصلية كتبت بواسطة دانـــــه

ريماس .. كلنا خوات حبيبتي ومابينا شي واهم شي اكون طمنتك .. وبالنسبه للوحم انا بولدي كنت مثلك واكثر حتى المويه اطلعها بس لازم تحاولين تدورين اشياء تتقبلينها ..
يعني مثلا اذا اشتهيتي شي سويه وكليه لانها ممكن تتقبلها المعده اذا كانت شهوتك واذا حسيتي بحموضه اشربي حليب .. وكلي بسكوت بعد لانه يمسك المعده .

دلوعة عبودي .. فديتهم وفديت اسمائهم حلوين فارس وفراس ..

ام عيوش .. الذوق منك وفيك والله .. وتسلميلي على هالدعوه الحلوه .

رجواي .. الحمدالله انك تطمنتي على توينزاتك.. وعقبال ماتفرحين بشوفتهم ان شاءالله

ام عمر .. الصور ذبحتني وربي جناااااان .. واااااااي شوقتيني اشوفهم واضمهم بحضني .. واله يخليلك بنوتك ويحفظها .. هههههههههاي ضحكتيني
على الوصف حاسه فيك إحنا وشهوتنا الي ماتخلص .

شنتوره .. كلك ذوق فديتك .. والله يوفق فطوش باختباراتها وترجعلنا بالسلامه .

ام رفا .. غريبه لاني انا مشيمتين وقالولي ثلاثه دكاتره انهم اولاد .. ومشكوره على المعلومات اختي .. وبالنسبه للاسماء فديت ذوقك بقلبها براسي واقوله .

أهلين حبيبتي معاك حق انا لما قرات كلامي في النهاية كتبت لا في الشكل ولا الجنس اقصد انو شكلهم موزي بعض لكن نوعهم وهو الجنس في المشيمتين ممكن زي بعض وممكن مختلف يعني بنت وولد
شكراً ع التنبيه عشان الواحد لما ليكتب معلومة لازم تكون واضحة عشان الباقي يستفيد
ومبروووووك ع تحديد النوع بس انت راح يكونو اولادك مايشبهو بعض واللي اقصد في الشبه الشبه المتطابق

[أم جبر]

هلا دانه
الله يثبت لج حملج يارب انتي وباقي الحوامل .. اي شهر حاليا ؟
وفعلا مثل ما قالت ام رفا .. اذا مشميتين او مشيمتين وكل واحد في كيس
هاي يعني توام مب متطابق في الشكل !!! يعني ما راح يكون بينهم شبه التوائم المتعارف عليه :)
انا نفسج

...
بخصوص النفاس
احنا في الخليج لنا سوالفنا من حسو وغيره هههه هاي مادري عنها لان بيههبونها فيني الاهل بنفسهم الحمد لله

بس اذا قيصري علشان يلتام الجرح بسرعه وما يصير اي نوع من انواع الالتهابات
المره "كسريها صغاار وكل يوم ابلعي حبه او حبتين ..لان شربه صعب "
وبعد ينكسر منه صغار وتنقعين منه في كاس ماي حار ليله كامله تقريبا وكل يوم متى ما قدرتي مره او مرتين تاخذين من الماي المنقوع في قطنه وتمسحين على الجرح !!
...

[دانـــــه]

ام رفا .. الله يبارك فيك حبيبتي .. وتصدقين يوم كتبتي انه المشيمتين يكونون جنسين مختلفن استانست كان خاطري ببنوته < ادعولي ياكروشات آن شاءالله ربي يطرح فيهم الصحه والعافيه وتطلع وحده بنوته ويكونون غلطانين..

ام جبر .. انا بالخامس بقالي اسبوع وادخل السادس ان شاءالله .. والله افدتيني بسالفة كسر المره وبلعها لاني كنت شايله همها مره اعرف نفس مجرد اشم ريحتها تلوع كبدي فما بالك اشربها ..
واذا جيت امسح على الجرح عادي اي جرح قصدك ؟ .. يعني سواء قيصري او طبيعي ؟ .

[أم جبر]

المشاركة الأصلية كتبت بواسطة دانـــــه

ام جبر .. انا بالخامس بقالي اسبوع وادخل السادس ان شاءالله .. والله افدتيني بسالفة كسر المره وبلعها لاني كنت شايله همها مره اعرف نفس مجرد اشم ريحتها تلوع كبدي فما بالك اشربها ..
واذا جيت امسح على الجرح عادي اي جرح قصدك ؟ .. يعني سواء قيصري او طبيعي ؟ .

اهاا الله يتمم عليج انا بعدي باول الرابع والنساه بعدها مستمره
المره لو تشمينها في اماكن منتشر فيها الوباء تخفف من اصابتج بامراض ترى هههه
هاي الي سمعته .. لان في ناس اعرفهم كانوا يقولون في الحج نربط شوي منه في طرف الشيله علشان نشمه بعيد عن الروايح والامراض !
بس اذا مب حابه ريحته فصعبه عليج هههه

بخصوص الجرح .. واء الجرح التجميلي تحت في الولاده الطبيعيه او الجرح الخاص بالولاده القيصريه

[دانـــــه]

ام جبر

عرفتي شنو جنسهم توينزاتك ؟ وبديتي تشترين شي ؟

ولا ماوضحلك لسآ ..

[ام رفا]

حبايبي دانة وام جبر في موضوع المر حتى إحنا في السعودية في الحجاز نسوي نفس الشي بس اول كنا نطحنها ناعمة ونسوفها الثلاثة الايام الاولى بس قالو سفها مو زين يسبب ترسبات ع الكلي فسرنا ننقعها ونشرب الصفوة من المويه ع الريق وقبل النوم
وبعد مانخرج من العمليات نشم المرأ عشان لو احد جانا متعطر ماينقض الجرح
سبحان الله تلئم الجرح من جوا
بس الاطفال هما راح يستفيدو منها لما يرضعو حليب الام
لكن إحنا نحط مويا مع ملح خشن مع مرا ونروش فيها البيبي عشان لا كبر وانجرح جسمو مايبقي اثر ومنكم نستفيد لو عندكم أدوية كويسة للنفاس

[ام رفا]

جاني ع جوالي هذا البرودكاست بس مدري صحتة من خطأه نزلتو عشان نستفيد منو
-----------------------------------------------
‏​‏​‏​تحذير من استعمال (المرة)إذا تغير لونها إلى السواد

معروف عن المرة (عشبة طبية) وفوائدها لعلاج حالات الإنفلونزا وغيرها لدى الكبار والصغار ولتسهيل خروج الأسنان لدى الأطفال الرضع

استشارية أطفال أشرفت على حالة طفلة عمرها خمسة أشهر في مستشفى العسكري توفيت ووجد أن دمها مسموم بالرصاص وعند سؤالها للأم قالت أنها فركت أسنانها بالمرة

تحدث دكتور جابر القحطاني في برنامج معافى الذي يعرض في قناة المجد عن الحذر كل الحذر من المرة إذاتغير لونها إلى السواد فهي ملوثة بالرصاص ومسمومة
والمرة الصالحة هي ذات اللون البني الشفاف كالزجاج

عافانا الله وإياكم وأولادنا وأولادكم من كل شر